Àwọn Ẹsẹ Bíbélì Tí Ọ̀pọ̀ Èèyàn Mọ Zan 19

Pín

Na, daa ‑diinvɛɛn ‑nyinyea mʋɔ 'lɛ neen 'nyɩ ɔ 'mla 'lɛ na, ɔ ya 'cla lebhe: «Wɔlɩa ‑tɛtɛa ya 'wluko!» Ɔ ya 'wlu ‑dʋdʋ 'kʋ ‑la 'nyɩ ɔ ya 'klʋsa.

Daa wɔlɩ ‑naa 'plɩ 'lɛ na, Zozii ya sɛɛ cibhlili lebhe wɔlɩa ‑tɛtɛa yaa 'wluko, ‑ma Zieziewɔlɩa* 'ka 'lɛ 'kʋglalɩ na, ɔ ya 'cla lebhe: «'Nyutʋ bhlaan.»

Na, daa Zozii 'lɩ 'lɛ ɔ 'nɔ 'nyɩ ɔ 'lɩ 'lɛ gɩlɩnyɔa* ɔ ‑waa 'lɛ na, ɔ 'nɔ cɩ na, ɔ ya ɔ 'nɔ 'cla lebhe: «'N 'nɔ, 'lɩka ‑naa 'cʋ.» 'Nyɩ ɔ ya 'lɛ gɩlɩnyɔa 'cla lebhe: «'Lɩka ‑n 'nɔ.» Na, 'dɛ 'la clɩɩa bhlogbɩɩ 'kʋ, gɩlɩnyɔa yɔɔ 'sleen famʋ.

‑Ma daa ma ŋeni 'lɛ Zozii 'kʋ na, ma ya 'lɩ lebhe ɔ yaa tooto 'ku. Ɩ ya gba na, ma 'ta ɔ 'nɩa 'kɔtɔmʋ. ‑Ma 'sojanyaa nɩkplaan bhlo ya li 'ma 'nyɩ ɔ ya ɔla gbakie 'fiti 'nyɩ ‑dolu ɩya 'nyu ya 'yɛpɩ 'wlʋ.

Ka ɩmɩ ‑naa 'fɩan 'plɩ 'lɛ ‑sa ɩya Zieziewɔlɩa* 'la wɔɔklea ‑naa 'ka 'kʋglalɩ, ‑ama ‑a cla 'lɛ lebhe: «'Ma cɩ 'ta ɔla 'kwie bhlogbɩɩ 'kɔtɔ na.» Wɔɔkle bhlo cla ‑awlɛ lebhe: «Ɔmɔa ma bho 'lɛ 'lia na, ɔmɔ ma cɩ 'ka 'lɛ 'ciinkope.»

Ma ya Zozii 'ma 'nyɩ ma yɔɔ ɔmɔ 'titi ɔla dabhlalɩsua bhɛda 'nyɩ. 'Nyɩ ma ‑yɔɔsɔ ya daa ma 'lɛ 'wlukoklo 'la da 'nyɩ ma la 'lɛ Ebleewɔlɩɩn Gɔlʋgotaa na, mʋ.

'Sojanyaa ya 'ŋuglipie ca, ma yɔɔ 'wlu zʋ 'nyɩ ma yɔɔ lokwi ‑zalɛ nɩkplaan ‑pla.