Àwọn Ẹsẹ Bíbélì Tí Ọ̀pọ̀ Èèyàn Mọ Lobh 2

Pín

Pɩɛlɩ ya maa neenŋonu lebhe: «A cala kwla. 'Naa Zozi Klisi 'la 'ŋlɩa nɩkplaan, nclɔɔ nclɔɔ gba ɩya ma zʋɔ 'nyu 'wlu, ɔla nyinyia 'ka valɩɛ 'lɩ ɩya a 'ka ‑Kplɔkplɔ ‑Wugoa* 'la 'nanɩa 'lɩ.

Ma via ‑nwɔ 'nyɩ ma poa lobhulobhunyaa 'la cacawɔlɩa 'nyukwliin. Ma ‑kʋa nebhlo bholiecɩ 'bhisa, ma lilia nebhlo 'nyɩ ma bhibhielia 'lɛ nebhlo.

Na, ‑Kplɔkplɔ ‑Wugoa* ya ma 'fɩan yeli 'nyɩ ma ya 'bhlɩ 'bhlɩ 'kʋ 'la wɔlɩ nyɩtɛlɩɛ bhɔ, saa 'Wugoa claa 'lɛ maa lebhe ma nyɩtɛ na.

'Kplookʋ, ‑laagɔa nɩkplaan ya neen gba le saa ‑pupolu 'kadie 'plɩ 'lɛ na, 'nyɩ ɩ ya ‑palʋa ma ‑kʋa 'lɛ ‑zɔn na, ʋla ‑lɩɩbhuoa nɩkplaan 'kɔsɔ. 'Nyɩ ma ya ‑kosuvlevle 'lɩ, ʋ ya cɩsasalɩ 'nyɩ ʋ ya nclɔɔ nclɔɔ 'kʋ ‑gbɛ. Na, ‑Kplɔkplɔ ‑Wugoa* ya ma 'fɩan yeli 'nyɩ ma ya 'bhlɩ 'bhlɩ 'kʋ 'la wɔlɩ nyɩtɛlɩɛ bhɔ, saa 'Wugoa claa 'lɛ maa lebhe ma nyɩtɛ na.

Ma 'wlalɩa pɔlɛ 'kʋ, 'nyɩ clɩɩa 'fɩan, ma via 'lɛ ‑nwɔ 'nyɩ ma mʋa 'lɛ Laagɔpaakadiea* ‑zɔn. Ma lalalɩa 'slia nɩkplaan nyɩ 'kʋ, 'nyɩ ma lilia 'lɛ nebhlo, pɔlɛkʋmɛnɔɔn ɩya pɔlɛ bhloon. Ma woa Laagɔ ‑evli 'nyɩ ncɛlɩa 'fɩan ‑waa 'lɛ mala wɔlɩ. 'Nyɩ clɩɩ 'fɩan ‑Kwlenyɔa palɩa 'lɛ maa ‑ɔ lɩa 'lɛ gbʋʋnsalɩɛ na, ‑kandea nɩkplaan.

Ɔ ya 'cla lebhe Laagɔ nabhe: Leenbhɩalɩclɩɩa nɩkplaan, n cɩ 'ka ncɛlɩa 'fɩan nɩkplaan 'na 'Wugoa zʋ. Ala 'ciŋlʋcʋkwlɩa ɩya ala 'ciŋodicuoa cɩ 'ka 'na nekʋnyɩtɛnya 'plɩ. Wɔlɩ cɩ 'ka ala ncaanyɩgbɩaa 'ciinfutolu ɩya ala ‑glɛɛglɛnyaa 'ka wɔlɩ 'claan 'lɩ.

Maa 'fɩan ‑ɔ zʋa 'lɛ mala pɔɔtɛtɛa Zozii 'kʋ na ‑glɩa bhlo, 'nyɩ ma zʋa mala lɩɩa ‑tɛtɛa nebhlo. Ma zʋa mala 'nanɩa ɩya mala kalɩkalɩlɩɩa 'pɛlʋ 'nyɩ ma polia 'lɛ ɩla 'dalaa, lʋʋa nclɔɔ nclɔɔ ‑miea 'lɛ na 'la 'sasʋʋn.

Na, ncaatʋtʋʋntʋa ‑ɔ ‑cɩ ka 'lɛ ‑Kwlenyɔa 'la 'ŋlɩa la na, ɔ cɩ gbʋʋnsalɩɛ 'lɩ.

'Ylʋbhuoa cɩ 'ka 'tutu pla ɩya cabhuoa 'ka ‑dolu kaci, 'fɩɔn ɩya ‑Kwlenyɔa 'la cɩclɩɩa, ɔla ‑clɩɩkadɩea ɩya 'klʋagbaclɩɩa 'ka ŋeni.