Àwọn Ẹsẹ Bíbélì Tí Ọ̀pọ̀ Èèyàn Mọ Luc 11

Pín

Eh wila' tichol taq ruye'ariik i hat i ajwaal wach chi keh taq awak'uun awixq'uun, eh ma' holohik ta taq ana'ojb'al, ra'j naa chik re' taq aaWaJaaw wilik cho pan taxaaj ma' nee ruyeew cho keh i Santolaj Uxlab'al awach neekipahqanik reh, inki Jesús.

Ruum aj re', re' hin i nuq'or taq aweh i hat chi cha pahqaaj taq ree Dios nee ruyeew taq chaaweh, cha sik' taq, nee taq inareq, eh chaq'oj taq i koq wach i puerta, nee taq i ruteh chaaweh.

Ruum awach i rupahqaaj ree Dios, neenye'arik reh, awach i rusik' nee wo' rureq, eh awach ineeruq'oj i koq wach i puerta, nee wo' inteharik cho reh.

Re' Jesús je' wili i xuq'or keh: Noq naa taq a'nam atiij, je' taq wili i naa aq'orom: QaJaaw Dios wilkaat pan taxaaj, loq'imaj ta naq ab'ihnaal. Chayeew chaloq i runimaal awajaawriik, eh nee ta naq imb'aan ayu' wach ak'al inawaaj i hat je' rukab' imb'aan pan taxaaj.

Chakuy ta naq taqe i qamahk, ruum re' hoj inqakuy wo' kimahk i kib'anik qeh i yiib' wach na'ojb'al. Eh maa yeew q'ab' chi nee qoh q'ehb'ik pamahk. Neeta la' naq qoh ako'leej chuwach i aj Yahm, tiko'q taq, inki.

Eh nee ta naq i nayeew cho qeh chi manlik i qawa' qahaa' ajwaal wach chi qeh rajlaal i q'iij.

Re' taqe naq'awach rusaqumaal ati'jolal noq wilkeeb'. Wila' re' taqe naq'awach saqum ki ilwik, chu'nchel ati'jolal neen wihik rusaqumaal. Raaj wila' re' taqe naq'awach ma' saqum ta ki ilwik, chu'nchel wo' ati'jolal naa ruwihiik panq'equm.

Eh ma' awach taj ineeruqop jino'q i saqumb'al parupaat eh nee ta wo' chik i rukeb'aa' i koq, ni xata nee ruyeew i koq chi ri'sil jino'q i kaxoon. Taxaaj la' nee ruyeew johtoq, reh chi neekisihq'jik chi korik i neekiokik i koq ar.