Àwọn Ẹsẹ Bíbélì Tí Ọ̀pọ̀ Èèyàn Mọ Juan 3

Pín

Re' Dios ma' k'isiin ta xuk'ax i tinamit wach ak'al. Ruum, xiruyeew chee hin chi kaj Ko'loom i hin Rak'uun jinaj chi wib'il wiib' chuwach, reh chi chu'nchel i naakinimaniik weh, ma' naa ta rusahchiik kiwach, naa la' ruwihiik kik'achariik chi juneliik.

Re' Dios ma' xirutaq'aaj ta chaloq i hin Ak'uunb'ees ayu' wach ak'al chuye'ariik pantojb'al mahk i tinamit, xirutaq'aaj la' chaloq chi kikolob'jiik.

Eh re' i Jesús je' wili i xuq'or: Re' hin xti korik i nuq'or aweh chi awach i ma' x-aasjik ruka'peech, ma' jaruuj naa rilom wach i runimaal i rajaawriik i Dios, inki.

Je' re' noq, awach i nimanik weh i hin Ak'uunb'ees Dios, ma' xta tojb'al mahk chinaah. Eh awach i ma' nimanik ta weh, ye'ooj chik i tojb'al mahk chinaah, ruum ma' kirunimaj taj i hin jinaj chi Ak'uunb'ees Dios.

Eh ruum taqe yiib' wach inki a'n wilik chik i tojb'al mahk chikinaah. Ruum noq xk'ulik i Saqum ayu' wach ak'al, re' chik i q'equm q'e' xkaaj wach chuwach i Saqum, ruum yiib' wach i kina'ojb'al.

Re' Cristo, inchol chi neenjohtik i rajaawriik, eh re' hin, neenqajik i wajaawriik, inki Juan.

Chu'nchel i kib'anik reh yiib' wach na'ojb'al inkixowaaj wach i Saqum ma' nkijil ta i koq kiib' ruuk' i Saqum, re' inkaaj chi ma' nelik ta wach Saqum i kiyiib' wach na'ojb'al.

Eh awach i nimanik reh Ak'uunb'ees, wilik i ruk'achariik chi juneliik. Eh awach i ma' nimanik ta reh i Ak'uunb'ees, ma' xta ruk'achariik chi juneliik naa la' ruye'ariik pantojb'al mahk ruum i Dios.

Eh nik' wach noq xujosaj i aaq' q'an ch'ihch' ruyej-aal chi ju' chee' i Moisés panchiq yuuq', je' wo' re' hin, Ak'uunb'ees nuwii' winaq ajwaal wach chi naa nujohteesjiik chi ju' i chee'

Re' Ajaab'ees Dios i ruk'ax i Rak'uun, xuyeew rajaawriik chinaah taqe i xa chib'ih jariik wilik.