Àwọn Ẹsẹ Bíbélì Tí Ọ̀pọ̀ Èèyàn Mọ Lucas 17

Pín

Ex xi tma'n Jesús te: —We'ctza ex bet-xa; tu'nju ma tocslaya ma banixa, chi Jesús.

Ka ma tbincha wuk maj mya ba'n ti'ja tuj jun k'ij, ex ka ma tzul tuc'ila wuk maj tuj jun k'ij ex ma tma: Najsama wile, mya ba'n ma nbinchaye ti'ja, ka chi, najsama til.

Tejtzun tna'nte jun cye keju otok che banix, ajtz meltz'aj in sch'in wen, in jaw tnimsa'n tbi Dios. Ex cub ẍmeje' t-xe tkan Jesús tejxi tpon tacl tibaj twitz twitz tx'otx', ex xi tk'o'n chjonte te. Ex aju xjal lu, aj Samaria.

Ten cycwente cyi'je. Ka at jun mya ba'n ma tbincha termaniya ti'ja, cawinxa; ex ka ma tz'ajtz ti'j tanmi, najsama til.

Atzunte Jesús xi tma'n: —¿Myapetzun laj cybet keju ma che banix? ¿Yajtzun keju belajtl jatumtzun ate' ke?

Atzunte Kajaw xi tma'n cye: —Nokwit at cyocslable masque nok ch'in ic tza'n jun tal twitz mostaza, jacwitlo txi cyma'ne te tze' lu: Bako'nctz tiba tzalu ex awa'n cu'x tiba tuj mar; ex jaculo txi tniman tze' cyyole.

Alcye jun xjal o'cx toc tc'u'j ti'j tu'n tten tchwinklal twitz tx'otx', mlay tcamba aju chwinklal in tzaj tk'o'n Dios; ex alcye jun xjal tk'on tib tu'n tnaj tchwinklal twitz tx'otx', oc tcamba' aju chwinklal in tzaj tk'o'n Dios.

Xitzun tma'n Jesús cye t-xnak'tzben: —Mlay tzic'x ti'j, atlo cbel k'onte tolsabl tuj cybeye tu'n cycub tz'ake tuj il; pero bec'bil twitz aju xjal cbel k'onte. Mas ba'nwtlo tu'n toc c'alet jun ma tij cya' tjak' tkul ex tu'n t-xi xo't tuj mar, ex mya tu'n tcub tz'ak jun tal ch'in tuj il tu'n.

Ic tza'n o baj tuj tk'ijlalil tej tten Noé, ax icxtzun cbajel tuj tk'ijlalil oc wule, akine sc'o'maj kine tu'n Dios tu'n ntene cyuc'il xjal. In che wa'n xjal ex in che c'an; in cnet cyxu'jil xinak ex in cnet cychmil xu'j, ex cucx in cybincha'n xjal jlu tej tocx Noé tuj barc; tzajtzun k'ekab ex e baj naj cycyakil.