Àwọn Ẹsẹ Bíbélì Tí Ọ̀pọ̀ Èèyàn Mọ यूहन्ना 10

Pín

चोरहा कोनो अउ बुता बर नही लेकिन सिर्फ चोराए अउ मारे अउ नाश करे बर आथे, मय हर एकरे बर आए हो कि ओमन मन जीवन पाए अउ बहुतायत ले पाए।

बड़िया चरवाहा मैहर हो; बड़िया चरवाहा भेड़ मन बर अपन प्रान ला देथे।

मोर भेड़ मन मोर गोएठ ला सुनथे, मैहर ओमन मन ला जानथो, अउ ओमन मन मोर पाछू-पाछू चलथे।

अउ मैहर ओमन मन ला अनन्त जीवन देथो। ओमन मन कभो नाश नी होही। अउ कोनो ओमन मन ला मोर हाथ ले लुईट नी लेही।

दूरा मय हो; अगर कोनो मोर मे ले भीतरी ढुकही, त उद्धार पाही, अउ भीतर बाहर आए जाए करही अउ चारा पाही।

बड़िया चरवाहा मय हो, मय अपन भेड़ मन ला जानथो, अउ मोर भेड़ मन मोला जानथे।

मोर दाऊ जेहर ओमन मन मोर बर देहिस है, सबले बड़खा है अउ कोनो ओमन मन ला दाऊ कर हाथ ले लुईट नी सकही। मै अउ दाऊ हर एकेच झन हन।”

जे नियर दाऊ हर मोला जानथे अउ मय दाऊ ला जानथो अउ मैहर भेड़ मन बर अपन जीवन देथो।

कोनो ओला मोर ले नी लुटथे, बल्कि मैहिच ओला देथो। मोला ओकर देहे कर भी अधिकार है, अउ ओला फिर ले लेहे कर भी अधिकार है, ये हुकूम मोर दाऊ ले मोला मिलिस है।

तब यीशु हर ओमन मन ले फिर कहिस, “मय हर तुमन मन ले सहिच-सहिच कहथो, भेड़ मन कर दूरा मय हो।”

मजदूर जेमन न चरवाहा है अउ न भेड़ मन कर मालिक है, भेड़िए मन ला आत देख भेड़ ला छोएड़ के भाएग जाथे, अउ भेड़िया हर ओमन मन ला धरथे अउ इते-उते कईर देथे।

“मय हर तुमन मन ले सहिच-सहिच कहथो कि जेहर भेड़ मन कर कोठा मे नी ढुकथे, लेकिन कोनो दूसर कती ले ढुकथे ओहर चोर अउ डाकू है।