Àwọn Ẹsẹ Bíbélì Tí Ọ̀pọ̀ Èèyàn Mọ Matayo 24

Pín

Na kwa kujuzilika ulaghelaghe, mashayo gha wandu wengi ghejegotua. Ela uyu erumaghiagha hata kudua ujekila.

Na ilagho ilyi lyaloli lya Uzuri lyijechilo urumenguni kose, lyikale ushuhuda kwa wandu wose; nao ima kudua kuje.”

Nenyo mjesikila gha uta na uvoro ghwa uta, ela simwakambo ni chongo, kwani agha ni suti gheje, ela kudua kwanakaile jako.

Kwani mbari ijelwana na mbari na uzuri ghujelwana na uzuri. Kujekala na njala na mitetemo ya isanga andu kungi. Agha ghose ni sa kudyowa kulumo kwa kuvalo mwana.

Mlunguni na isanga vijeita ela malagho ghangu sigheitagha anduangi.

Wengi wejeja kwa izina lyangu wekeghamba, ‘Imi nimi Masihi,’ nawo wejelaghaza wengi.

“Nawo wejemfunya mtiriro na muulagho. Nenyo mujemenyo ni mbari zose kwa undu ghwa izina lyangu. Na wengi wejesigha idumusi lyawe na wejefunyana kwa wamaiza na kumenyana. Kujeuka wana tondolo wengi wa ndimi, nawo wejewaembaemba wandu wengi.

Jesu kawatumbulila, “Kulindeni mundungi sejemwembaemba.

Kwa hung'u nanyose ni suti mkale karakara; kwani Mwana wa Mdamu ukujagha saa simoieleliyagha.”

Kwa hung'u kulindeni, kwani simumanyile ijua Bwana wenyu ekujagha.

“Ela gha lyilya ijua na saa sikwesi mundungi aweni, hata wana malaika wa mlunguni, hata Mwana, sala Aba mwenyi.

Kwani kujeja Masihi wa ndimi na wana tondolo wa ndimi, nawo wejedea wana mwakilimbita na mashiniko mabwaa, eri wawalaghaze hata ikadimika wasaghulo wa Mlungu.

Selyi kwenyi koluo majua gha Noa, niko kwenyi ijekala kuja kwa Mwana wa Mdamu. Kwani selyi kwenyi yeluo majua ghalye hambiri ya meji kuruka, wandu weluo wekelya na kunwa, na kulola na kuuso, hata lyilya ijua Noa angilile kele safina; nawo siwamanyile hata meji ghaghenda gharuka ghekeja na kuwatuka wose. Niko kwenyi ijekala kuja kwa Mwana wa Mdamu.