Àwọn Ẹsẹ Bíbélì Tí Ọ̀pọ̀ Èèyàn Mọ John 13

Pín

Au e gaavadu gi goodou dahi hainga hoou: goodou hagadau aaloha. Goodou hagadau aaloha bei dogu hai ne aloha adu ai gi goodou. Deenei de hai a dangada alodahi e iloo ai bolo goodou ni dangada agoago niiagu, noo goodou e hagadau aaloha.”

Noo au, doodou Dagi Maolunga ma doodou Dangada Agoago, gu hhui oodou vae, gai goodou hagadau huuia hogi oodou vae. Au gu gaavadu gi goodou dahi hagaago danuaa, gi maua ai e goodou i de hai gi bei dagu hai gu hai hegau adu ai gi goodou.

Iesu ne hai ange gi de ia, “Koe tigi donu ange gi de hegau aagu ga hai nei iainei, gai muli mai naa huu gai koe gu donu ange aagena.”

Ni muna abodonu, ni muna abodonu aagu e hai adu nei gi goodou, tangada hai hegau e dee maolunga ange i dono dangada aamua, gai tangada ne hai gi hano e dee maolunga ange i tangada ne haia ia gi hano.

Noo goodou gu iloo mee nei, gai goodou e manuuia noo goodou e hai hegau ai.

Deelaa ai, ia ne hidi age i de mommee gaimee, ga hagaui dono malo laa daha ma de kave dahi malo hagammasa ga nnoa ai lo tono ungaalodo. Gai ia ga llingi ange vai gi lo te gumedi, ga daamada de hakaugau vae o ana dangada agoago, ma de hagammasa olaadeu vae i de malo hagammasa e nnoa ange laa gi dono ungaalodo.