Àwọn Ẹsẹ Bíbélì Tí Ọ̀pọ̀ Èèyàn Mọ Luka 4

Pín

“Mǝyip Naan ɗi ƙa na, pǝ ƙǝ waai han ti dang gǝ ƙwol Shik Gǝ Ɗong ƙin mǝ pya. Paai han dang gǝ yong gwei pǝet gwiim mǝ ɗǝǝn kuku ƙin yit mǝ vǝem gǝ leng, dang a pǝen mǝ ɗǝǝn wolla ning, dang a yong gwei ii gǝ dang Naan niin tuuizuum ni ning.”

Yesu piing ƙane, “Latafi Naan ƙane, ‘Ga wop a Naan ga ta, ga pe pak ke ni ta det.’ ”

Yesu piing ƙane, “Latafi Naan ƙane, ‘Gwiim la maa ƙin a bise ta det ƙet.’ ”

Yesu gam ƙin Mǝyip gǝ ɗerɗes ke le Urudun, se Mǝyip ɗel yei shiim mǝǝp ke ɗǝǝn zam.

Yesu piing ƙane, “Latafi Naan ƙwol yit ƙane: ‘Pǝ ga la ƙam Naan ga ƙet.’ ”

Nƙong Shetan ƙǝ pǝnpǝ Yesu gǝ ƙam ti kwaak, se et ni taam dang ɓit ƙwa.

Shetan lap ni mǝɦan ƙin han ƙape gǝ ɗǝǝt yee, ɗǝɗet se niin ƙayil gǝ dibit ƙe ni. Se ƙwol ƙin Yesu ƙane, “A la pe pǝ yil mǝni ƙin tǝp mǝep kwaak ƙe ga. Pǝ mǝ pe ti ƙe han, se a la ɓoot gǝ pe ke dip gwiim shik a ɗem e. Ti se ga wop han, se yil ni la a mak ta kwaak.” Yesu piing ƙane, “Latafi Naan ƙane, ‘Ga wop a Naan ga ta, ga pe pak ke ni ta det.’ ”

Shetan ni ɗel yei lap Yesu mǝɦan wa ƙin Rushelima, se han teet ni wa yee han depƙa lu Naan. Se ƙwol ƙin ni ƙane, “Ga ƙǝ a Nla Naan, se ga mil ye ga shang yil. Pǝ Latafi Naan ƙane, “ ‘Naan la paai mǝleƙa ni mǝep dang ga dang mǝ ƙang ƙa ga ning ƙǝƙǝǝt; mǝ la gang ga ƙin sai yun, pǝ ga la sak ƙwak ga shik pang.’ ” Yesu piing ƙane, “Latafi Naan ƙwol yit ƙane: ‘Pǝ ga la ƙam Naan ga ƙet.’ ”