Àwọn Ẹsẹ Bíbélì Tí Ọ̀pọ̀ Èèyàn Mọ 1Mos. 39

Pín

Si TUHAN masiropmake si Josep pat eddet igalaiake sangamberi galajetnia. Kudduatnia ka lalep tuannia, tai Misiri nenda.

Sangamberi bakkatnia si Potifar katoneminangannia kai Josep. Kabagat nene pasikelat ka lalepnia si Potifar ta'an makarat bagania, kecuali komennia. Si Josep putubuatnia malainge samba maeru.

Siuteake tangsi nenda masikatonemi bule sangaiberi situukum bagei ipasikeli sia si Josep samba kai Josep le aikau puukuket ka sangamberi galaiet galaiakenen kabagat tangsi nenda.

Samba parentaakenangan bule si Josep tulaba' samba guruakenia ka tangsi, ka kudduat rimata silaba tugeliake. Tapoi si TUHAN masiropmake si Josep samba mariuriu le ipununtukiNia baga, pat siutet tangsi obanangannia.

Piganga gogoi pa' tusabau, sinanalep Potifar taddaakenangan imaale bagania kai Josep, lepa nananangannia merep simakere. Si Josep ta'ioba samba kuanangan katubunia, “Bojoi, ina, si tuan Potifar aikatonemingan bakkatnia katubuku. Ta'an aipaatu apa pa' bagei ka lalep nene. Sene gegeku makere le beunan gegenia. Ta'anai beri sara taaikatonemi katubuku, sarat ekeu le, aipoi ekeu sinanalepnia. Kaipa iooi kugalaiake pukakatai nenda samba mujo ka Taikamanua?”

Ka sara gogoi kele ai tuguru si Josep kabagat lalep masigalaiake galajetnia, berisara sirimanua sedda. Sinanalep Potifar nenda tiktiknangan si Josep pasamba jubania samba kuanangan, “Konan taperep simakere.” Oppunangan tubunia si Josep tuobanangan, lepa tuitunia ka uja', tapoi jubania aikalipogi kakabei sinanalep nenda.