Àwọn Ẹsẹ Bíbélì Tí Ọ̀pọ̀ Èèyàn Mọ LUKA 6

Pín

Hanenu, mba kumakanwaha; njongo yipema, ya kukona, ya kunyikumuna hamwe, ya kusupwoka, kumakayihana mu hina lienu, mumu ni cheseko chize munweseka nacho, kumakanwesekela cheka nawa.

Mutu mupema ku upite upema wa mbunge yenyi masolola yipema, ni chingulungulu ku upite wa ungulungulu wa mbunge yenyi masolola ungulungulu; mumu ku kulumbama cha mbunge kanwa mulihanjika.

Alioze zangenu akwa kole jenu, lingenu yipema kuli ayo, hanenu mukuli, kanda nutalatala chize mahilwisa; ni kwononona chenu kumuchikapwa chinene; kumunukapwa ana ja mwe Chitunda: mumu iye mukwa utu kuli akwa kaleleso ni yingulungulu.

Pwenu akwa keke kashika chizechene ngwe Tatenu nawa iye mukwa keke.

Kanda nukapatwila akwenu, mba kechi kanupatwila; kanda nukahisa mba kechi kanuhisa; konekenenu, mba kumakanukonekena.

Alioze kuli yenu nwakwivwa, ngwami, Zangenu akwa kole jenu, lingenu kanawa kuli waze akunuvwila kole, Wahisenu waze akunushinga, lembenu hali waze akunulinga chipi.

Chizechene ngwe nunazange atu akalinge kuli yenu, lingenu nawa kuli ayo chizechene.

Kuli yoze makulamba ha tafu, mwehe tafu likwo nawa, kuli yoze mafupa kuchiza mbinja ye, kanda ukamukanjisa kuchiza chikuto che nawa. Hana kuli mweswe makwita, kuli yoze machiza yikumba ye, kanda ukayita nawa.

Mumu mutondo upema uze muwima mihuko yipi wakuhi niumwe; chipwe mutondo upi uze muwima mihuko yipema wakuhi niumwe.

Mumu mitondo yeswe kanayinyingika ku mihuko yayo; mumu atu keshi kuhela makuyu ku mingonga, chipwe uva ku mikalale, ka.