Àwọn Ẹsẹ Bíbélì Tí Ọ̀pọ̀ Èèyàn Mọ Matie 19

Pín

‑Mä Zozii ‑wluwa 'yii ‑plɩɩ, 'nɩ ɔ yiwa soo, ɔ lä nyɩkpɔ 'nɩ ‑lä mii ‑mä, Laagɔ nä kʋ mii ‑lɩɩ 'fɩɩn.

Waa' ‑läyɩɔ 'sɔ ‑bhlü, ‑mä plöö‑ yɩ 'yɛkɛɛ ‑bhlo. Nä, Laagɔ kä yɩ 'lʋʋ 'jɛnyɩ‑ nä, nyɩkpɔɔ' yi ‑läyɩ 'nɩ ɔ 'kʋ ‑säsä!

'Nɩ Zozii yiwa soo, ɔ lä ‑ɩ ‑jɩjlɔ lä ‑mɔɔ Laagɔ‑bɔɔgʋʋ 'mnö nä, a 'nɩ ‑wʋ ‑zɛɛ ‑a? Kä Laagɔ‑bɔɔgʋʋ ci lä nynä ‑mä, ‑bhɔɔdää nä, Laagɔ ‑nʋ ŋwadi 'nɩ ʋ ‑nʋ 'ŋnɔ.'Nɩ ʋ cii 'sɩɩ, ʋ lä Ɩ ‑kä 'ŋnö nä, ŋwadi yi ɔ 'bä ‑yä ɔ 'nɔ 'sɔ yëku ‑bha 'nɩ ɔ ‑yä ɔ 'ŋnɔ 'sɔ yi 'jɛnyɩ 'nɩ wa yi 'yɛkɛ ‑bhlo 'plö.

'Nɩ Zozii yi ci, ɔ lä a ‑taa 'yuëlɩa 'yi ‑yä wa yinö'ö, ‑mä a 'nä 'tluwa ‑lä! Laagɔɔ' 'Leyiduu nä, nyɩkpaa‑ ‑kʋ lä nynä 'yuëlɩä nä, waa' lʋʋ lä.

‑Mä bhtukpä ‑kʋ 'yikʋ 'nɩ wa yi klë 'plöö, 'nɩ bhutukpä ‑kʋ klë 'nɩ ‑wa yi 'yikʋ 'plöö.

'Naa 'ŋnöö ‑za, nyɩkpɔ kä ɔɔ' 'gbë yëku ‑bha nä, ɔ bhelie ɔ ‑bha yëku ‑o, ɔ bhɛŋwnɩä ɔ ‑bha yëku ‑o, ɔ 'bä ɔ ‑bha yëku ‑o, ɔ 'nɔ ɔ ‑bha yëku ‑o, ɔɔ' 'yuë ɔ ‑bha yëku ‑o, ɔɔ' 'kälö ɔ ‑bha yëku ‑o, ‑lɩɩ 'fɩɩn ‑lɔɔ' nyɩkpɔɔ ‑bha lä yëku nä, ɔ yi ɩɩ' 'ci gwlɩ ‑ngbü 'ni. 'Fɩa 'nɩ 'pʋpʋɛɛ‑ ‑kʋ lä 'kɔɔkɔɔ ‑za nä, ɔ yie 'ni.

'Nɩ Zozii yio soo, ɔ lä ‑n gä cii‑ nynä ‑mä ‑n yi Laagɔ dëlü kplɔɔ nä, ‑n mʋ ‑yä ‑n 'ŋʋ ‑naa kääkäälɩɩ 'fɩɩn 'kpä, ɩyä ‑n dëë ɩɩ' moniee ŋäzönyʋä, ‑mä ‑mɔɔ Laagɔduu' nä, ‑n yi ‑mɔɔ leylü kään. Ɩyä ‑n yi ‑yä ‑n gë'ë 'kʋ!

Zozii lä sɩ ‑kʋ bhä 'nɩ ‑n ylä'ä bhä 'nää nʋlɩɩ' wälɩ 'kʋ? Nyɩkpɔ ‑bhlo ‑kʋ ‑lɔɔ nä, ɔmɔɔ‑ nää‑ lä ɔmɔ ‑bhlo. ‑N gä ‑waa nynä 'pʋpʋɛɛ‑ ‑kʋ lä 'kɔɔkɔɔ ‑za nä, ‑n 'gɛ 'ni nä, n 'ŋʋ Laagɔɔ' ‑Jläma 'klʋkpää.

Kä n sonö'anyɩ lä bʋkʋ nynä lɛkäänyɔ 'kä Laagɔɔ' 'Leyiduu 'mnö plä nä, kɩ 'tɛ 'nɩ ɩ ‑zi sä mnɛgwli 'kä kwɛɛ' këfë nëë' blüë nä 'kʋ.

‑Mä kä n sonö'anyɩ yɩ nynä ‑mä, 'ŋnɔ 'nö 'wlie ylää‑ 'nɩ ɔ ‑nyoto kɔ cɛɛ‑, 'nɩ ɔ kä 'yigädaŋnɔ nöö‑ nä, ‑lɔɔ' nyɩkpɔɔ yä 'ŋnɔ 'ylä.

'Nɩ Zozii yi ɔɔ' 'kʋgënyʋa soo, ɔ lä ‑nʋawlɛɛ', n sonö'anyɩ nynä ‑mä, lɛkäänyɔ 'kä Laagɔɔ' 'Leyiduu 'mnö plä nä, ɩ yi 'tɛmä kpänyɩ!