Àwọn Ẹsẹ Bíbélì Tí Ọ̀pọ̀ Èèyàn Mọ LUKAX 8

Pín

Pa koe ka dee mhawm tiex, mawh kix pa rah pa mhawm rhawm pa hoik mhong lox bwan, mawh kix pa giex tom sied mai chix gun rhawm tix plix plix heue.

Pa cod sinax pang kat khankix, mawh kix pa hoik mhong mai yam hu kix krax, pa khi rhawm mai sinngao mai ceu pa gaux rhawm pa dex dawd mai ju in, kheem gut kix, tom ang chix mhawm plix heue.

Kix pa cod ka piang simaox, mawh kix pa hoik mhong mai gaux rhawm rieb ti teei lox bwan mai kix ang koe riah, yum rhawm ngie tivud khaing, yam hoek bawg yam pa nyaw glaw, kix deeh laux leeing heue.

Nawh Cao chawk ah nin ka kix, “Krax yum rhawm pex koe dee mawx?” Viang mawh nan kix lhat mai daox kah, kix tom ah nin ka paox tix, tix kaux lai tix kaux, “Kaw in mawh mawx, Nawh tawx lox ka bhaung mai rawm khankix kawx, kix nghiet ka lox Nawh heue.”

Kix pa cod dex krax, mawh kix pa hoik mhong mai khaix an phicaox hoek mai teei lox bwan khaing daux rhawm kix, yuh ka mawx son ang kix sang yum rhawm mai son ang hoek krax taoh heue.

Mawh kheu pa hoik mox ang koe tix ceu kawx, pa tak ang kieh sidawng, Lheu khaing an ang koe tix ceu kawx pa hoik glip, pa tak ang tawng, ang koe heue.

Yam tawng bun an grawng ang nawh pon ti mox tix, nawh siyaung mai hoek ti krub sivoe Nawh Cao, sivoe pui khawmuik, nawh krai mawh kheu grawng patix, nawh hoik teeh ka Nawh Cao mai grawng hoik moi tix dom mawx dom an heue. Nawh Cao ah nin ka nawh, “Kawn bun Aux eue, krax yum rhawm maix hoik kieh maix moi, hu mhawm mhawm awx.”

Kix hoek ka Nawh Cao so Nawh kieh siduad ah nin, “Simiang eue, Simiang eue, ex dex sang laux heue.” Nawh Cao kaoh mai ah ka bhaung mai pukpak rawm mai kix yiien yawg tix heue.