Àwọn Ẹsẹ Bíbélì Tí Ọ̀pọ̀ Èèyàn Mọ YAM JAH 1

Pín

Khaix an Siyiex ah nin, “Kieh Ex yuh kawn pui awm grang pakpeung Cao Ex, awm pa hoik khaw mai grang Ex mai kieh kix kwang piang kax pa koe daux rawm sigrit sigra mai ka piang sim raoma mai piang tobrie khawmuik mai kwang ka haktiex mai khawm pa chix mu pa koe piang haktiex khankix heue.” Mawh kheu nan, Siyiex yuh kawn pui awm riang grang tix, pa awm riang grang Siyiex, Nawh Cao yuh kawn pui, pa mawh pui simex mai sibun heue.

Khaix an Siyiex nawb bwan piang kiex ah nin, “Kieh pax baox keh pre haoh hun piang haktiex. Kieh pax kwang piang kax pa koe daux rawm sigrit sigra mai sim pa koe daux raoma khawm can pa im ju pa chix mu piang haktiex heue.”

Yam jah, Siyiex phan raoma mai haktiex.

Haktiex ang koe pakpeung, mawh bang praix pa yi mai pa faik kheem ka piang tom dee raux an mai Khwan Siyiex ot vung viang piang rawm khankix heue.

Khaix an Siyiex ah nin, “Kieh pa riang lih koe” mai pa riang lih koe heue.

Siyiex yaox ka can pa yuh tix kuceu, ceu an khankix mawh pa kied mhawm. Koe ponbo mai ponngawb, an mawh singaix liah heue.

Siyiex yaox mhawm pa riang an, Nawh tom gwieh pa riang khaing pa faik heue.

Siyiex ah nin, “Jhak heue, Aux hoik tawx can ceu rib riem pa koe simie plix piang haktiex in, ka maix khawm khaox pa koe plix simie sonsang mawh pa ih son pex heue.

Nawh kok pa riang mawh ponngaix mai pa faik mawh ponsawm heue. Koe ponbo mai ponngawb, an mawh singaix tix heue.

Khaix an Siyiex ah nin, “Kieh mee koe ka daux sigreung rawm khankix mai kieh rawm tang gwieh khaing rawm khankix, ”

Ka son totiag can pa koe piang haktiex, son sim piang raoma mai son ceu pa chix mu piang tiex khankix pa koe ju, Aux hoik tawx rib riem pa klai son priex ih kix” ceu ankix lih ti koe heue.

Siyiex ah nin, “Kieh pa riang lih koe ka daux mee praix, raoma, sonsang gwieh ponngaix khaing ponsawm mai kieh kix mawh mhai ka son praix klawng son singaix sawm, jhong khix mee num khankix heue.”

Siyiex ah nin, “Kieh tiex kuah rib riem pa koe simie mai khaox pa koe plix kuceu piang ca haktiex heue.” Mai ceu an khankix lih ti koe heue.

Siyiex yuh mee praix mai gwieh rawm pa koe plak greem mee praix mai rawm pa koe plak piang mee praix mai an lih koe heue.

Haktiex kuah rib riem taux lhax pa koe simie ceu mawx ceu an mai khaox kuceu pa koe plix simie awm ceu mawx ceu an heue. Siyiex yaox mhawm ceu ankix.

Siyiex yuh pa riang ting ra mu, pa riang ting an kwang ka ponngaix mai pa riang iak an, kwang ka ponsawm, Nawh Cao baox yuh simuing khankix heue.

Siyiex ah nin, “Kieh rawm khankix pa koe greem raoma, khrawm paox tix ti dah mai kieh dee kroh tiex lih koe” mai an lih mawh heue. Siyiex kok dee kroh tiex an mawh haktiex mai dee pa hoik khrawm rawm paox tix, mawh rawm sigrit sigra, Nawh yaox mawh pa mhawm heue.

Siyiex nawb bwan piang ceu an ah nin, “Kieh pex pre haoh hun daux rawm sigrit sigra mai kieh sim sai khankix, pre haoh hun piang haktiex heue.”

Siyiex ah nin, “Kieh totiag pa im ju ceu mawx ceu an lih koe ka piang haktiex, tobrie mai totiag pa chix mu pa koe ka piang haktiex ceu mawx ceu an” mai ceu ankix lih ti koe heue.

Siyiex ah nin, “Kieh totiag pa im ju kuceu lih koe daux rawm tom haoh hun mai kieh sim khankix pu piang haktiex ka daux mee praix raoma.”

Siyiex phan totiag tobrie mai can totiag pa chix mu piang tiex khankix, koe piang haktiex awm ceu mawx ceu an mai Nawh yaox mawh pa mhawm heue.