Àwọn Ẹsẹ Bíbélì Tí Ọ̀pọ̀ Èèyàn Mọ Ukufuma 2

Pín

Leza ayivwa ukulweta kwawo, ayizuka ilayano lyakwe line walayine nu Abrahamu, nu Ayizeki, nu Jekapu. Alola uwuzya wawa Israeli ayiwumbula kwewoliwo.

Apala pazimba nkani imfumu ya mu-Ijeputi ifwa. Awa-Israeli awalweta ku wuzya wawo awakuta inkuta awati, Ngaweni atutule. Inkuta yawo ikwela iya kwakwe Leza.

Ala pano umwana wakula umwanachinye weyo amusenda amutwala ku mwanamwene wakwe Fero, awa mwanakwe. Ati, Namuzuwuzile muluzi, achaleka amwita izina lyakwe Musa.

Umwanamwene wakwe Fero amunena ati, Ale senda umwananye wee ukamundelelange, ndikulambula. Achaleka umwanachinye weyo asenda umwana aya awamulela.

Enakamba umwanamwene wakwe Fero atantamuchila kuluzi kukuyasamba, ye awakazyana wakwe wakupita wakonsile mumbali yaluzi. Umwanamwenenye weyo alola ichise mumasote atuma umuzya wakwe uwachikazyana kukuyachileta.

Apala pazimba, ye Musa wafuma mwizika, afuma aya kukusyungula awantu wakwe, alola muno wakuwakuwizizya pakuwomba imilimo mikalambane. Alola umu-Ijeputi wakoma umu-Heberi, wenga uwawantu wakwe. Atalangania konsinye, ala walola kuno pasi wumwi, akoma umu-Ijeputi amuzichila muluselesenga.