Àwọn Ẹsẹ Bíbélì Tí Ọ̀pọ̀ Èèyàn Mọ MATIUS 18

Pín

Nenaluk, ir akuni inebe mbere a, mbere ambi a, An nendaga paga wonggalki kalok, An ir eti inakla ninom dogogin o.”

Nen ambi yi, kinilu ar dogoni o: kir kinanggedekla nen inebe mbere nen, inane dambuk togon ar, wene ambi mende ake tamban erugun kalok, tamban erek eti, An Nombae mbogor paga mende kir nggino yugun mende eti wokeragin o.

Ar Yesus nen, elege bugudak mende ambi waituk, ir inika paga mendirige. Mendiluk Ar Yesus nen yoraga dogolir, “Kiniliti ebebar andani o! Kir kinabel medo yiluk, kinebe elege bugudak mende yi ndak-ndak etarugun kalok, kir Ar Allah akburi arar etarugun o.”

Ir akuni iniliti tebe yiluk, nen ir inebe elege bugudak mende yi ndak-ndak etarugun kalok, ir akuni Ar Allah akburi inakla etoma, ar eti kwak nggok mende arar etarigin o.

Ir akuni ta nen, An nake paga, ir elege bugudakndak eti wogonakwi kalok, ir eti An wornakwi arar o, yiluk yorarige.

“Wene yi kinilu togon o: o agar paga yoma, kir nen erurak mondok dek arar o yiluk, yugun mende eti, mbogor paga ogwe erugun mondok dek ar o. Tuguluk kir nen, agar paga yoma erurak ndak o yiluk yugun mende eti, mbogor paga ogwe erurak ndak ar o yiluk yugun o.

Etegerogo Ar Yesus nen wene mbililka lagagerek, wene yegerogon yirige, “Wene eti ndandak arar, An Nombae mbogor paga nen, kir kinogari maga balok, inakba erugun dek kalok, kir kinaditak dombok etegerogon arar ekinabigin o.”

“Ar ta nen akuni bugudak ndak yi, An noba ebebar andau mende non mbalogo bagin kalok, ar akuni eti ake paga, nggir ndamuli taga mende paga, ar enggadobak kol yidilogo nen, i laut agup mondokma etoma arar, mbo wukburak o.

Wene yi kinakla eberni nda? Ma, ar ap ambi anggumi domba inebe seratus paga ma, nen domba yemenogo inakla nen ambi ar bulagagemo, ar ap enogo nen nenggerogon erigin? Ar nen erigin mende eti, doma inebe sembilan puluh sembilan yemenogo ado paga dambe dalok, ar nen bulagage mende enogo kwarir ligin o.