Àwọn Ẹsẹ Bíbélì Tí Ọ̀pọ̀ Èèyàn Mọ 1 kurintus 3

Pín

is‑ur‑tssinm izd tigmmi tamẓlayt n‑rbbi a‑tgam, izdġ gigun rruḥ n‑rbbi?

ašku ur‑iẓḍar yan a‑isrs kra llsas yaḍni abla llsas lli‑ittrsn, a‑t‑igan d‑yasuɛ lmasiḥ.

ġwalli iẓẓan ula ġwalli isswan ur‑igi yat. walaynni rbbi, nttan a‑issmqqurn.

nkkʷni nga wid th̬damnin d‑rbbi. imma kunni tgam igr n‑rbbi, tgm tigmmi lli‑as‑nbnnu.

ra‑di‑tban‑twuri n‑tbnnayt‑ns. ašku tabnnayt n‑kud yan ra‑ttyaram s‑lɛafit ġ‑wass lli‑ġ‑ra‑d‑yašk lmasiḥ. ra‑tban is‑tdus nġd uhu.

ġwalli iẓẓan d‑walli isswan, yan ad‑gan. kud yan, rad‑as‑ifk rbbi tiġrad‑ns f‑twuri lli‑iskr.

a‑ur‑akkʷ‑ijllu yan ih̬f‑ns. wanna iġaln is‑iṭṭaf lɛaql n‑ddunit‑ad, ih̬ṣṣa‑t a‑iwrri zund iġ‑ur‑issin yat baš a‑iṭṭaf lɛaql iṣḥan.