Àwọn Ẹsẹ Bíbélì Tí Ọ̀pọ̀ Èèyàn Mọ ಯೋಹಾನೆ 12

Pín

ಏರಾಂಡಲಾ ಎನ ಸೇವೆ ಮಲ್ಪುನಾಂಡ, ಎನ ಬೆರಿಯೆ ಬರಡ್; ಬೊಕ್ಕ ಯಾನ್ ಓಲು ಉಪ್ಪುವೆನಾ ಅವುಲು ಎನ ಸೇವಕೆಲಾ ಉಪ್ಪುವೆ. ಏರಾಂಡಲಾ ಎನ ಸೇವೆ ಮಲ್ಪುನಾಂಡ ಎನ ಅಮ್ಮೆ ಆಯಗ್ ಸನ್ಮಾನ ಮಲ್ಪುವೆ.

ತನ ಪ್ರಾಣೊನು ಪ್ರೀತಿ ಮಲ್ತಿನಾಯೆ ಅವೆನ್ ಕಳೆವೊನುವೆ. ಈ ಲೋಕೊಡು ತನ ಪ್ರಾಣೊನು ಪಗೆ ಮಲ್ಪುನಾಯೆ ಅವೆನ್ ನಿತ್ಯಜೀವೊಗು ಒರಿಪಾವೊನ್ವೆ.

ನಿಕ್ಲೆಗ್ ನಿಜಾದ್ ಪನ್ಪೆ, ಗೋದಿದ ಬಿತ್ತ್ ಭೂಮಿಗ್ ಬೂರ್ದು ಸೈತ್‌ಜಿಡ, ಅಂಚೆನೇ ಒರಿಯುಂಡು, ಸೈತ್ಂಡ ಮಸ್ತ್ ಫಲ ಕೊರ್ಪುಂಡು.

ಎನನ್ ನಂಬುನ ಒರಿಯಾಂಡಲಾ ಕತ್ತಲೆಡ್ ಉಪ್ಪೆರೆ ಬಲ್ಲಿ ಪಂಡ್ದ್ ಯಾನ್ ಲೋಕೊಗು ಬೊಲ್ಪಾದ್ ಬೈದೆ.

ಏರಾಂಡಲಾ ಎನ ಪಾತೆರೊಲೆನ್ ಕೇಂಡ್ದ್, ಐಕ್ ತಕ್ಕ ನಡಪಂದೆ ಪೋಂಡ, ಯಾನ್ ಅಕ್ಲೆಗ್ ತೀರ್ಪು ಮಲ್ಪುಜಿ. ಲೋಕೊಗು ತೀರ್ಪು ಮಲ್ಪೆರೆ ಯಾನ್ ಬೈದಿಜಿ, ಆಂಡ ಲೋಕೊನು ಒರಿಪಾವೆರೆ ಯಾನ್ ಬೈದೆ.

ಅಪಗ ಮರಿಯ ಮಸ್ತ್ ಬಿಲೆತ ಕಮ್ಮೆನದ ಜಟಮಾಂಸಿದ ಎಣ್ಣೆನ್ ಸಾಧಾರಣ ಒಂಜಿ ಸೇರ್ ದಾತ್ ಕನತ್‌ದ್ ಯೇಸುನ ಕಾರ್‌ಗ್ ಪೂಜಿದ್ ಬೊಕ್ಕ ತನ ತರೆ ಕುಜಲ್‌ಡ್ದ್ ಆಯನ ಕಾರ್‌ಲೆನ್ ಒಚ್ಚಿಯಲ್. ಆ ಎಣ್ಣೆದ ಕಮ್ಮೆನ ಇಲ್ಲ್ ನಿಲಿಕೆ ದಿಂಜಿಂಡ್.

ಈಚಿಲ್‌ದ ಗೆಲ್ಲ್‌ಲೆನ್ ಪತ್ತೊಂದು ಆಯನ್ ಎದುಕೊನಿಯೆರೆ ಪಿದಯಿ ಬತ್ತ್‌ದ್, “ಹೊಸನ್ನಾ! ಕರ್ತವ ಪುದರ್‌ಡ್ ಬರ್ಪಿನಾಯಗ್ ಆಶೀರ್ವಾದ, ಇಸ್ರಾಯೇಲ್‌ದ ಅರಸುಗು ಆಶೀರ್ವಾದ,” ಬೊಬ್ಬೆ ಪಾಡಿಯೆರ್.

ಅಪಗ ಯೇಸು ಅಕ್ಲೆಗ್ ಉತ್ತರ ಕೊರ್ದು ಪಂಡಿನಿ, “ನರಮಾನಿ ಮಗಕ್ಕ್ ತನ ಮೈಮೆದ ಸ್ಥಾನೊನು ದೆತ್ತೊನುನ ಗಳಿಗೆ ಬೈದ್‌ಂಡ್.”