Àwọn Ẹsẹ Bíbélì Tí Ọ̀pọ̀ Èèyàn Mọ लूका 24

Pín

अर जिको करार मेरो परम-पिता मेरूँ कर्यो ह बा पबितर आत्मा म थारै ताँई भेजस्युं। पण थे बि दिन ताँई इ नगरी मई टिक्या रेहज्यो जद ताँई थानै पबितर आत्माऊँ सक्‍ति कोनी मिलज्या।”

बो अठै कोनी। बो जी उठ्यो। बा बात याद करो जखी बो मरबाऊँ पेली गलिल म थारूँ बोली ही।

बि घड़ीई बा सगळा की आँख्या खुलगी अर बे बिनै पिछाण्गा। पण बो बाकै सामैऊँ गायब होगो। जणा बे आपसरी म बतळाबा लागगा, “बो गेला म जद आपणाऊँ बातचित कर्यो हो। अर आपानै सास्तर की बाता समजार्यो हो। बि टेम आपणा मन म जोस पैदा कोनी होर्यो हो के?”

अर बो बानै बोल्यो, “अ बेई बाता हीं जखी पबितर सास्तर म मंडेड़ी ह की, ‘मसी दुख भोगसी अर मर्या पाछै तीसरै दिन ओज्यु जी उठसी।’ अर बिका नामऊँ पाप की माफी ताँई मन फेरबा का चोखा समचार को यरूसलेमऊँ लेर धरती का सगळा कूणबा म परचार कर्यो जासी।

बानै कबर का मुंडा आगै को भाठो सरकेड़ो लाध्यो। जणा बे मांयनै जार देखी पण बानै बठै परबु ईसु की लास कोनी लाधी।