Àwọn Ẹsẹ Bíbélì Tí Ọ̀pọ̀ Èèyàn Mọ Mateus 4

Pín

A kuuma maaki, Jesus aiki, ‑“Nii tänö wa temöo totio mai kitä. Teusö a kainö wa temöo totio sisa kitä” ĩ na Teusö a hai waheta tä kuu‑ Jesus a kuuma.

Ĩ na a kuu ha, ‑Mi hamököö! A läapalo tihöö!‑ Jesus anö Sai tä noa pata thaa nö, ‑“‘Teusö wa lotete asawöö! Teusö wa totiatalo opa asawöö!’ ĩ na a kuu sisaaö!” ĩ na Teusö a hai waheta tä kuu kuleö!‑ Jesus a kuuma.

Ĩ na Sai tä sai pata kuu ha, ‑“Au Teusö pata tä wapa tihöö! Wanisala tä na a wapa tihöö!” ĩ na Teusö tä waheta kuu hö̃töoö‑ Jesus a kuuma.

Ĩ na tä kua tä, sanöma töpö pilia mai tä uli ha Teusö a õsi kua tolele, ĩ anö Jesus a hilakö tasoma. ‑Sai tä sai patanö Jesus a wapapöö!‑ Teusö a õsi kua tolele, ĩ a pi kuu salo, Jesus a hilakö tasoma. A hilakö tasoma, ĩ tä, Jesus a ia mai ha, 40 tä mumi hasua kua waikipasoma kutenö, a oio opama.

‑Hapo. Kamisa na pö nokapaloö! Salaka ma hiki kua wi na, ĩ na sanöma ma töpö thama kuköpöö! Salaka ma hiki sinomotima maaki, kamisa na makö nokapasoma, kamisanö makö pi hatukupamanöma, sanöma töpö na Teusö ma kai a wäsä sinomo kuki kitäö! “Jesus a na pö nokapaloö!” ai töpö na makö kuu sinomo kuki kitäö!‑ ĩ na Jesus a kuuma. A kuu ha, wahi tökö pata hula soa pätakölö nö, Jesus a na töpö noka soatasolöma.

Kapahanaũ tä uli ha Jesus a pilia nömöiki nö, ĩ tä, Teusö ta wäsä kuköma. Ta wäsä nö, ‑Teusö a kaikanamo totio wi ĩ tä atea waikia manu kule, makö pi tapomo sapamo kõo nö, wanisala ma tä thati noai, ĩ tä hosalöheö!‑ ĩ na Jesus a kuu kuköma.