Àwọn Ẹsẹ Bíbélì Tí Ọ̀pọ̀ Èèyàn Mọ Luki 4

Pín

«Kàfɔw Pìle i nyɛ mii ni, níì cán wi n mii télege níì fǎngi kaan mii ma mii í da Syɛɛnjóocǎnri nyuu foomɔfɔbèle ma. Wi n mii tun níì jo mii í sa ra wɔ́rɔdi kéele nyuu púlobèle ma, si wɔ́ɔ ra fúunbèle paʔala kéele nyuu fúunbèle ma, sáā fɔ̀rɔyi fɔ̀ɔlɔ yirigi fɔ̀rɔyi ni, sáā yɛ́ɛli kéele nyuu syɛ́ɛnbèle ma lee ni Kàfɔw a be kpɔ́ʔɔ lè.»

A Zyezu wi pye: «Ki n sɛ́bɛ níì jo: ‹Maa mɔ Kafɔw Kolocɔlɔɔ kpɔ̀ʔɔrɔ́ máā woro nibin fáliw kpéʔele.› »

A Zyezu wi yari: «Ki n sɛ́bɛ níì jo: ‹Syɔɔn a gbǎn sìíw taa búru lìile yagana báriga ni í.› »

Zyezu fúngi maa nyìn Pìicǎnni na, a wi yìri Zyuridɛnw ma n lúru n kári. A Pìicǎnni wi tórigo fìími tára ni ní sa ni wi kàragí.

A Zyezu wi yari: «Ki n wɔ́ɔ̀ sɛ́bɛ níì jo: ‹Ki ga yɛlɛ mɔ í kɔ́ mɔ Kafɔw Kolocɔlɔɔ pye wéle í.› »

Amɛɛ Dàzɔɔnw wi kárima n fɔ̀rɔ lè kánmi bee myɛ na, a wi núngo wi taana bi sa ra làlaa nikwɔɔ sige.

Koro kàdoʔo ma a Dàzɔɔnw wi kɔ́ri n kári nyanbelege ǹjoʔo ni n sáà dulunyanw fànʔa tɛ́ɛyɛ myɛ tɛ̀ɛn wi na làrinijanna ni níì wi pye: «Mii a fǎngi naa myɛ kaan mɔ ma ní gi nìjangbɔɔri myɛ ní. Níì cán pe n gi le mii kɔ́yi ni, syɔ́ɔnwee faala má mii ga ni caa bi gi kaan lè, mii a gbǎn gi kaan wee bee ma. Mɔ ga fɔ̀lɔ n kpùmɔnɔ mii taana, ki myɛ a pye mɔ wóʔo.» A Zyezu wi pye: «Ki n sɛ́bɛ níì jo: ‹Maa mɔ Kafɔw Kolocɔlɔɔ kpɔ̀ʔɔrɔ́ máā woro nibin fáliw kpéʔele.› »

A Dàzɔɔnw níì wi kɔ́ri n kári Zyerusalɛmi ma n sáà wi lúrugo kpɔ̀ʔɔrɔli kpaʔa tɛ́ɛtɔnɔgɔ njoʔo ni níì wi pye: «Kapye mɔ wi nyɛ Kolocɔlɔɔ Jáaw, mi kòro nɛɛ, mí ye mi too tári na. Níì cán ki n sɛ́bɛ níì jo: ‹Wi a mɔ kéeli joo bi gbàn wi tundunbèle ma si jo paa mɔ kpáaw wéle.› Ní níì jo: ‹Pe a mɔ tɔʔɔ cò be kɔ́yi ni, jàngó mɔ tɔ́lɔgaa a kɔ́ círi kàdɛnɛgaa na í.› » A Zyezu wi yari: «Ki n wɔ́ɔ̀ sɛ́bɛ níì jo: ‹Ki ga yɛlɛ mɔ í kɔ́ mɔ Kafɔw Kolocɔlɔɔ pye wéle í.› »