Àwọn Ẹsẹ Bíbélì Tí Ọ̀pọ̀ Èèyàn Mọ Lukase 16

Pín

Mé lɔɔn ńcʉ́me mûɔ mémmó mbwo nyìŋ, á pɔ́ɔn mboŋó, mbà á ge tó gwɔ́ gie á gyɔ́ɔn, à gíŋe ḿbɔ́ɔn pɔ́ pú’u, ńcʉ́me mûɔ mémmó mbwo nyìŋ à tè pɔ́ɔn mboŋó wɔ́, mbà á ge tó gwɔ́ ye lÿò á le pɔ́ɔn mboŋó wɔ́.

À lɔɔn ńgwɔ́ tsɔ̌ ngàŋa fà’ a le fa’a mbwo metá fà’ mépʉ́a wɔ́. À gÿo pú’u, mbà à ge pʉ̀a tsɔ̌, é kwoŋo tsɔ̌, ńké tè pú’u wɔ́, mbà à ge jú’ ncwò wetsɔ̌, é piŋ gwága wetsɔ̌. À lɔɔn ńgwɔ́ pi le ne ńzába ntʉ́m nà Ssé, ńgíŋe ne ńzába nà nkáb wɔ́.

Pi lɔɔn tè ku’u lépɔ́ɔn shúm se yɔɔn njÿó ye tepòŋ wɔ́, mbà à lɔɔn ńgwɔ́ wɔ̌ cʉ́me kwà’ shúm se tʉ̀ nzẅìŋ mbwo pi? Pi lɔɔn tè zsé lépɔ́ɔn mmó nyìŋ ndyɛ̀’ɛ wɔ́, mbà wɔ̌ ge lá’ náa gie áa kwà’ gí mbwo pi?

Tá Ábalam gɔɔn né yé ngie: Pɔ́ lɔɔn tè jú’u shwóŋè Mǒsê mbɔɔ ye *pàntsẅì nkʉ̀ Ssé wɔ́, mbà nyìŋ zɔɔn ńzím zím, ńtó shwóŋó wɔ́b pɔ́ kɔ́ wɔ́, pɔ́ le zẅíŋ.

Áa pú’u, tá mèŋ n dɔgɔ ńgɔɔn ngie: Nyìŋ lɔɔn ńjwoŋo nzwě we, ńzɔ́’ɔ tsɔ̌, mbà pɔ́ wéwɛ̌ gwɔ́ pɔ́ nà nò gÿɛ́. Nyìŋ gẅie à pǐŋ ńzɔ́’ɔ manzwě gẅie ndǔm we jwoŋó yé, mbà à gÿó pɔ́ gÿɛ́.