Àwọn Ẹsẹ Bíbélì Tí Ọ̀pọ̀ Èèyàn Mọ Jâŋ 10

Pín

Antsǒŋ tó yé pɔ́ léjʉ, pɔ́ lézẅé, pɔ́ lécʉŋte. Mèŋ n ka tǒ légwɔ́ gie pʉ̀a mesoŋ ge gẅiin le gwɔ́ gẅie aa kwà’ wɛ̌ pɔ́ ntsèm.

Mbyɛ̀b mvfó we mbòŋo à gwɔ́ pɔ́ mèŋ. Ambyɛ̀b mvfó we mbòŋo, à náa twó yé ńtí *njʉ̀njÿò yé.

*Me njʉ̀njÿò mɔ́ɔn jú’ ngyè yɔɔn. Mèŋ n zsé wɔ́b, pɔ́ cʉ́me nzèm mèŋ.

Mèŋ n naa le gwɔ́ tèmì mbwo pɔ́b, pɔ́ téen ńdá’a ńgíŋe ńkaa ndòon tèmì wɔ́. Sɔɔn nyìŋ piŋ tè ku’u léfó mbwo mèŋ ésa’a wɔ́b gwɔ́.

Ncwò nká’ à gwɔ́ pɔ́ mèŋ, nyìŋ lɔɔn ḿpfó ná mèŋ ńkúu nká’, mbà ngàŋ ge gÿo tsẅɛ́. À ge ne kúu nká’, é kẅɛɛ pá’ à kwǒŋ, éfa’a mmó mpfɛ̌.

Mbyɛ̀b mvfó we mbòŋo aa mèŋ, mèŋ n ne ńzsé *menjʉ̀njÿò mɔ́ɔn, pɔ́ gíŋe ne ńzsé wɔ̀ɔn.

Tá wɔ̀ɔn à la náa wɔ́b né mèŋ. À gẅiin tʉ̀ ńcʉa shúm ntsèm, sɔɔn nyìŋ tè ku’u léfó mbwó mèŋ é sa’a wɔ́b gwɔ́. Peg Tá wɔ̀ɔn gwɔ́ pɔ́ tà’ nyìŋ.

Ndʉŋ ndʉŋ pá’ Tá wɔ̀ɔn ne ńzsé wɔ̀ɔn, mèŋ n gíŋe ne ńzsé Tá wɔ̀ɔn. Mèŋ n náa twó yɔ́ɔn ńtí *menjʉ̀njÿò mɔ́ɔn.

Atsɔ̌ nyìŋ zɔɔn tè ku’u lézẅé wɔ̀ɔn mɔ́, mèŋ n zɔ kwoŋo náa twó yɔ́ɔn. Mèŋ n ku’u léná, ḿbiŋ ńgíŋ ńkẅé. Áa mmó gie tá wɔ̀ɔn la tsẅi ngie mèŋ n gÿo.

Yěsô gíŋe ńgɔɔn mbwo pɔ́b ngie: Tà mèŋ shwóŋó gẅí, kwà’ nénʉ́, ncwò nká’ menjʉ̀njyò à gwɔ́ pɔ́ mèŋ.

Nyìŋ gẅie à laba yé pɔ́ nkáb, tà *menjʉ̀njÿò té mé wɔ́, à tè kwà’ mbyɛ̀b mvfó wɔ́. À neŋé tà ńgyá tsò tó, á gwá’a wɔ́b ńkÿo. Tsò gwoon tsɔ̌, ńgÿo pfwɔ́’ sa jʉ’.

Yěsô gíŋ ńgɔɔn ngie: Tà mèŋ shwóŋó gẅí, kwà’ nénʉ́, nyìŋ lɔɔn ńzyɛ́’ pɔ́ lepàa nká’ tà à tè pfó pɔ́ ncwò nká’ tá ńkúu tsɛ̀ɛ nká’a mvfó wɔ́, mbà ngàŋ aa ntsǒŋ, ńgíŋe ńgwɔ́ fÿɛ́.