Àwọn Ẹsẹ Bíbélì Tí Ọ̀pọ̀ Èèyàn Mọ Génesis 9

Pín

‘Ã yoa õ sehe jirohca yʉ mʉsare, ã jichʉ wahiquina cʉ̃hʉre mipʉ yʉ yahua cjirire, “Potocãta jira” ni, mʉsa ã masirucuhto sehe. Yʉ ya buhini soro coro tjurupʉ bajuarohca. Yʉ õ sehe niri cjirire ã wacũ quihõrucuhti soro jirohca tó, mʉsare, ã yoa jipihtina wahiquina cʉ̃hʉre.

à jicʉ tí sorore coro tjururi watoi to bajuachʉ ñʉi, yʉhʉ sehe wacũihtja. Yʉhʉ masare, ã jichʉ wahiquina cʉ̃hʉre yʉ michapucacã ã niare wacũihtja. Yʉhʉ tíre ne tʉhotu cohtotasi.

Masare yʉ bajuamehneinare yʉ jia tiare cũi. Ã jiina jichʉ, cʉ̃iro masʉno o cʉ̃coro masono pairo masʉnore to wajãchʉ, wajãrinare wajã cahmano cahmana.

Cohamacʉ Noére, ã jichʉ to pohnare õ sehe niha: —Noano wahajaro mʉsare. Payʉ pohna ti, paró ji siterʉcʉ sʉga ahri yahpare.

Jipihtina wahiquinare mʉsa chʉ duainare chʉ masina. Ahrire jipihti mʉsa chʉhti cjihtire cũja.

Jipihtina wahiquina mʉsare cui dʉcaahca. Jipihtina wʉina, yahpa macaina, ã jichʉ co puhichapʉ macaina cʉ̃hʉ mʉsa doca macaina cjihti cũja.

‘Ã yoa mʉsa sehe ahri yahpare payʉ pohna ti, masa putiga. Ahri yahpare paróre ji sahserʉcʉ sʉga mʉsa —niha Noére, ã jichʉ to pohna cʉ̃hʉre.