Àwọn Ẹsẹ Bíbélì Tí Ọ̀pọ̀ Èèyàn Mọ यूहन्‍ना 3

Pín

“क्ओकि प्रमात्मैं ऐस संसार रै मणु सोगी ऐसा प्रेम रखू कि तिनी अपणा इकलौता पुत्र दि दिता, ताकि जैडा कोई तैस पुर विस्वास करा सो नाश ना भोआ पर अनन्त जिन्दगी पा।

प्रमात्मैं अपणै पुत्रा जो ऐस संसारा मन्ज ठेरै तांयें ना भैजू कि ऐस संसारा जो सजा रा हूक्म देआ पर ठेरै तांयें कि ऐह संसार तसेरै द्धारा उद्धार पा।

यीशुऐ तैसिओ जवाव दिता, “अऊँ तिजो सोगी सच बलदा, अगर कोई नोए तरीकै सितै ना जन्म लेआ ता सो प्रमात्मैं रै राज्य जो ना हेरी सकदा।”

जैडा तैस पुर विस्वास करदा, तैस पुर सजा रा हूक्म ना भुन्दा, पर जैडा तैस पुर विसवास ना करदा, सो गुनागार हा; ठेरैतांये कि तिनी प्रमात्मैं रै इकलोतै पुत्रा रै नां पुर विसवास न करू।

पर सजा रै हूक्मा री वजह ऐह हा कि ज्योती ऐस संसारा मन्ज आई, अतै मणु जो नैहरा ऐसा ज्योती थऊँ ज्यादा पैरा लगू क्ओकि तंयारै कम बुरै थियै।

जरूरी हा कि सो बढ़ा अतै अऊँ घटूं।”

क्ओकि जैडा कोई बुरा करदा, सो ज्योती थऊँ बैर रखदा, अतै ज्योती रै नेड़ै ना इन्दा क्ओकि ज्योती मन्ज तसेरै कम सबी सामणै चली ईणै।

जैडा प्रमात्मैं रै पुत्र पुर विस्वास करदा, अनन्त जिन्दगी तसेरी हा; पर जैडा पुत्र री ना मन्दा तैस जिन्दगी ना पाणिआ, पर प्रमात्मैं रा क्रोध तैस पुर रैहन्दा।”

जैस तरीकै मूसै रेगीस्तान मन्ज पितळी रै बणुरै कीड़ै जो डंडै रै सहारै ऊंचाई पुर लटकऊरा थू ताकि जैडा कोई तैसिओ हेरा सो चंगा भूच्ची गच्छा। तैस तरीकै ही जरूरी हा कि मणु रै पुत्रा जो भी ऊंचाई पुर लटकाया गच्छा।

पिता पुत्रा सितै प्रेम रखदा, अतै तिनी सब चिजा तसेरै हत्था मन्ज दि दितुरी।