Àwọn Ẹsẹ Bíbélì Tí Ọ̀pọ̀ Èèyàn Mọ Uumama 3

Pín

Duuba niitiini aka mid'aani mukha suni nyaataa dansatiifi ilaa mid'aago agarte, ammalle aka isaani hubacha namaa kennani d'ageennaani buqifte nyaatte d'iirsale kennite innileeni nyaate.

Duuba bineensa AABBO Waaqi uume ch'ufa keesa bofati ira malticha. Waan inni niitiini jed'e, Ila, d'uguma Waaqi, Mukha oobru tana keesa jiru tokole inyaatina isaniini jed'e?

Anini siifi niiti tana nyaapa wolti tolche, d'alooti keesanileeni woli jibba. D'alooti isii mata si ch'arase, atileeni hirba worraa nyaatta.

Ammalle waan inni niitiini jed'e, Hojja atini garaachooftu d'iba siti guddise, hojja atini d'altule ch'ininfatte d'ukubsatta; ammo ha taatuti, d'iirsa kanke guddo jaalatte d'araateefi, innileeni si mohata.

Hojatte damfitu male, sagale inyaattu, haga biyye keesaa baateti deebituuti; atini qara biyye, biyyuma suniti deebita.

Ammalle waan namichaani jed'e, Waan atini qonqo niiti teeti ch'aqafte, mid'aani mukha anini, Inyaatini siini jed'e nyaatteefi, lafafi biyyeeni siifi abaaramti; iti gaargaltu male sagale keesa inyaattu, haga jireenna keeti ch'ufa.

Inni waan jed'eeni, Eenuti, Qulla deemta siini jed'e? Atini mid'aani anini, Inyaatina isaniini jed'e kaani ya nyaatte?

Inni namicha oobru keesaa had'e balleese jennaani, oobru Edeni keesa, gama ilaboru, waan lubbu qaba, ka aka malaikatiifi aflameedi bibillit'u ta gara ch'ufa martu kaye, aka akasiini wonti sunini kara mukha jireennati deemu nama iraa eeddu.

Namichi niiti maqa Hawai baase, waan isiini haad'a nama ch'ufa taateefi.