Àwọn Ẹsẹ Bíbélì Tí Ọ̀pọ̀ Èèyàn Mọ Jɔ̃́ɔ́ 6

Pín

Ké Jízɛ̀ cɛ̃ɛ ma wa gbo, ké ɔ ɖá, “Mɔ̄ mɔ̀ bɛɖɛɛ̀ nyíà nyɔǔn fɛ̀ɛ̀ kɛ. Nyɔ mɔ̀ nyɔ dyi ḿ gbo kɛɛ, mɔ́ se ɔ nyuɛ́ mu. Ké nyɔ mɔ̀ nyɔ taɓa ḿ hwìɖǐǐɛɛ, ní-ná-tò se ɔ nyuɛ́ mu fɔɔ.

Ɖɛ nyí nyɔǔn fɛ̀ɛ̀ kɛɛ, ɔ mɔ̀ Zùùɔ̀. Fɔ́ɔ̀ se ɖɛ ɖò nyuɛ ɓɛ́ìn fɔɔ. Wuɖu ɓě ɓɛ́ ḿ cɛ̃à ɓě gbo kɛɛ, wa mɔ̀ Zùù kè fɛ̀ɛ̀.

Ɓěǐn ɖá ɓɛ́ ɓě ké ɖii-ɖɛ̀ ɓɛ́ ɔ ɓɛ́ìn kà mú gbɔɔ̀ kɛɛ jè kũ̀à nyu. Kɛɛ ɓě mɛ nyu kũ̀à ɓó ɖii-ɖɛ̀ɔ̀ nyɔ muà nììn ɓó sè-ná-sèɛ̀ fɛ̀ɛ̀ jèɛɛ bìì. Mɔ̄ mɔ̀à Nyɔǔn-dyùɛ̀ Dyú-gààɔ̀ kɛɛ mu ɓě ɖii-ɖɛ̀ nìà kɛ nyíìn, sepóɛɖé Gèɖèpɔ́ɔ̀ mɔ̀à Ɓǎɔ̀ kɛɛ ɖǎ ɔ dyí-dyuòìn-bɛ̃̀ɔ̀ ḿ kɔ̃ po.”

Ɖɛ ḿ Ɓǎ mɔ́ kɛɛ kɛà kɛ̀. Ɔ mɔ̀, ɓɛ́ nyɔǔn séín ɓɛ́ wa dyé Dyú-gààɔ̀, ké wa taɓa ɔ hwìɖǐǐɛɛ ké sè-ná-sèɛ̀ fɛ̀ɛ̀ ɓéɖé. Ní mu wa gĩɔ zàùn ɖé wé hwɛ̀ìn-gbɔɔ̀ mú.”

Ké Jízɛ̀ zà ma ɖé wuɖu, ké ɔ ɖá, “Kũ̀à ɓɛ́ Gèɖèpɔ́ɔ̀ mɔ́ ɓɛ́ ɓě ké nyuɛɛ, ɔ kɛ̀. Ɔ mɔ̀ ɓě ké nyɔ ɓɛ́ ɔ ɖǎà ɖoɓo kɛɛ hwìɖǐǐ taɓa.”

Nyɔǔn séín ɓě ɓɛ́ ḿ Ɓǎ nyíín nyɛɛ mu ḿ gbo dyiìn, ké ḿ se nyɔ ɓě ɓɛ́ wa mu ḿ gbo dyiìn nyɛɛ ɓɔ́ɔ mu.

Ké Sã́ɓò Píɖɛ̀ zà ma ɖé wuɖu, ké ɔ ɖá, “Bounɓo, nyɛ́ à ké gbo muɛ́? Mɔ̀ mɔ̀ nyɔ ɓéɖé wuɖu ɓě nyíà nyɔǔn sè-ná-sèɛ̀ fɛ̀ɛ̀ kɛ.

Mɔ̄ mɔ̀ bɛɖɛɛ̀ ɓéɖé fɛ̀ɛ̀ ɓɛ́ ɔ sɔ̀ìn kà ɖé dyɔún wɛ̃. Nyɔ ɖò dyi bɛɖɛɛ̀ nìà kɛ ɖiín, ɔ mu cĩ́ìn ɓó sè-ná-sèɛ̀ tiín. Ké bɛɖɛɛ̀ ɓɛ́ ní muà ɔ nyíìn nyɛɛ, ɔ mɔ̀ ní fɔ́ ɓɛ́ ḿ tòà, ɓɛ́ ɓóɖó-kpàà nyɔ ɓě kéà fɛ̀ɛ̀ ɓéɖéɛ.”

Nyɔ ɖò se ḿ gbo dyiɛ ɓɛ́ìn, ḿ Ɓǎ mɔ̀ nyɔ ɖoɓoà ḿ wɛ̃ɛ dyà dyɛ ɔ ḿ gbo hwɛ̀. Ké ní mu ɔ gĩɔ zàùn ɖé wé hwɛ̀ìn-gbɔɔ̀ mú.

Sepóɛɖé bɛɖɛɛ̀ ɓɛ́ Gèɖèpɔ́ɔ̀ tòɛɛ, ɔ mɔ̀ nyɔ ɓɛ́ ɔ sɔ̀à ɖé dyɔún, ké ɔ nyíà ɓóɖó-kpàà nyɔ ɓě fɛ̀ɛ̀ kɛ̀.”

Mɔ̄ mɔ̀ bɛɖɛɛ̀ nyíà nyɔǔn fɛ̀ɛ̀ kɛ.

Jízɛ̀ ɖú ma bɛɖɛɛ̀ɔ̀ dyí, ké ɔ po ma Gèɖèpɔ́ɔ̀ zùo, ké ɔ geɛ̀n ma nyɔ ɓě ɓɛ́ wa koìn ma kà dyiɛɛ múin. Kǎà ɔ nyu ma zimiiɔ̀ ɖekè. Ké wa séín ɖi ma ɔ jĩ̀ kà wa ɓɛ́ìn ma ɖiɛ kɛ. Ti ɓɛ́ wa ɖǎ ma ɖoɓo kɛɛ, Jízɛ̀ cɛ̃ɛ ma ɔ ɖeín-nà-nyɔ̀ ɓěɔ̀ gbo, ké ɔ ɖá, “Ɓě poìn bɛɖɛɛ̀ɔ̀ kè zimiiɔ̀ nyɔ sèà dyiɛɛ dyí, ɓɛ́ ɖò ní kɔ̃̀ ɖà mú gbɔɔ̀.”

Ti ɖeín-nà-nyɔ̀ ɓěɔ̀ ɓɛ́àìn ma máa tã mɔɔ máa hĩinyɛ ɓìɖìɛ̀n nyɛɛ, púɛɛ, wa dyé ma Jízɛ̀, ké ɔ nì ma níɔ̀ kɔ̃in nàǔn. Ti ɔ nìǎ ma ɓáɖáàɔ̀ bũ̌in xwɛ̃́ǐn nyɛɛ, díɖí taɓa ma wa mìɔ. Ké Jízɛ̀ cɛ̃ɛ ma wa gbo, ké ɔ ɖá, “Ɔ mɔ̀ mɔ̄. Ɓě ɓɔ́ fɛ̃̀ìn.”