Àwọn Ẹsẹ Bíbélì Tí Ọ̀pọ̀ Èèyàn Mọ लूका 11

Pín

अगर तुस्से, बुरे हुई किन्हें आपणे बच्चेया जो खरी चीजा देणा जाणहां ऐं, ता तुस्सा रे स्वर्गीय बापू आपणे मांगणे वाल़े जो पवित्र आत्मा कि नी देणी।”

होर हांऊँ तुस्सा किन्हें बोल्हा, मान्घगे, ता तुस्सा जो दितेया जाणा; टोल्घे ता तुस्सा जो मिलणा खटखटान्घे ता तुस्सा रे कठे खोलेया जाणा।

क्यूंकि जो कोई मांघ्हा, तेस जो मिल्हा; होर जो तोप्हा ऐं, से पाहां; होर जो खटखटाहां, तेसरे कठे खोलेया जाणा।

यीसू तिन्हा किन्हें बोल्या, “जेबे तुस्से प्रार्थना करो, ता एह्ड़ा बोलणा; ‘हे आस्सा रे बापू, तुस्सा रा नांऊँ पवित्र मन्या जाए, तुस्सा रा राज्य आये।

होर आस्सा रे पाप माफ करी दे, क्यूंकि आस्से भी आपणे हर एक गुन्हेगारा जो माफ करहा ऐं, होर आस्सा जो परखणी मन्झ नी पऊणे दे। पर आस्सा जो तेस दुस्ट सैताना ले बचा।’”

आस्सा री हर ध्याड़े री रोटी आस्सा जो देआ कर।

तेरे सरीरा री हाखिया दिऊये साहीं ई, इधी कठे जेबे तेरी हाखिया साफ ई, ता तेरा सारा सरीर भी प्रयासे किन्हें भरीरा आ, पर जेबे तेरी हाखिया बुरी ई, ता सारा सरीर भी न्याहरे मन्झ पई जाणा।

“कोई भी दिऊया भ्खाई किन्हें तेस जो ल्कोई किन्हें या टोकरी रे थाले नी रखदा, एता रे बजाय दिऊये जो दीवटा पर रख्हा ऐं कि घरा रे अंदर आऊणें वाल़े पर प्रयासा हो।