Àwọn Ẹsẹ Bíbélì Tí Ọ̀pọ̀ Èèyàn Mọ यहून्ना 15

Pín

“हांऊँ अंगूरा री बेल ई, तुस्से पांगे; जो मेरे मन्झ वास करहा, होर हांऊँ तेस मन्झ वास करहा, से बौह्त फल ल्याहूँआं। क्यूंकि मेरे ले लग हुई किन्हें तुस्से कुछ भी नी करी सक्दे।

तुस्से मेरे मन्झ वास करहा, होर मां तुस्सा मन्झ वास करणा। जिहां अगर पांगे अंगूरा री बेला मन्झ जुड़ी किन्हें नी रहे, ता से आपणे आपा ले नी फली सक्दी, तिहां ईं अगर तुस्से भी मेरे मन्झ वास नी करो ता नी फली सक्दे।”

अगर तुस्से मेरे मन्झ वास करहा ऐं, होर मेरा बचन तुस्सा मन्झ वास करहा, ता तुस्से जो चाहे मांगा होर से तुस्सा रे कठे हुई जाणा।

तुस्से हांऊँ नी चुणेया पर मैं तुस्से चुणिरे होर नियुक्त कितिरे ताकि तुस्से जाई किन्हें फल ल्याए; होर तुस्सा रा फल टिकी सके। क्यूंकि तुस्से मेरे चेले होर इधी कठे जो कुछ तुस्से बापू ले मान्घगे, तेस तुस्सा जो देणा।

एता ले बडा प्यार केसी रा नी आ कि, कोई आपणे दोस्ता रे कठे आपणी जान दे।

जो पांगे मेरे मन्झ ई, होर नी फलदी, तेता जो से काटी देहां, होर जो डाली फल्हा ई तेता जो से होर छांट्आं ताकि से होर फले।

ये मेरा हुक्म आ कि, जो मैं तुस्सा किन्हें प्यार रखिरा, तिहां ई तुस्से भी एक दूजे किन्हें प्यार रखा।

मेरे बापू री महिमा एता ले हुंहाँ ईं कि, तुस्से बौह्त जे फल ल्याऊआ, तेबे ई तुस्से मेरे चेले हूंणे।”

“सच्ची अंगूरा री बेल हांऊँ ईं; होर मेरा बापू माली आ।

अगर कोई मेरे मन्झ वास नी करदा ता हांऊँ तेस जो पांगे साहीं काटी किन्हें सट्टी देहां, होर से सुक्की जाहाँ, होर लोक तिन्हा जो कठी करी किन्हें आगी मन्झ पाई देहां ऐं होर स्यों भखी किन्हें फुख्ही जाहीं।

मैं यूं गल्ला तुस्सा किन्हें इधी कठे बोलिरी कि, मेरी खुसी तुस्सा मन्झ बणी रहे, होर तुस्सा जो भरपूर खुसी मिले।

अगर तुस्से मेरे हुक्मा जो मनघे, ता तुस्सा मेरे प्यारा मन्झ बणी किन्हें रैंह्णां। जिहां मैं आपणे बापू रा हुक्म मन्या, होर तेसरे प्यारा मन्झ बणी रैंहयां।

इन्हा गल्ला रा हुक्म हांऊँ तुस्सा जो इधी कठे देहां कि, तुस्से एक दूजे किन्हें प्यार रखा।”

अगर तुस्से एस संसारा रे लोका साहीं हुंदे, ता संसारे रे लोक तुस्सा किन्हें प्यार रखदा। क्यूंकि तुस्से संसारा रे नी ऐ, होर मैं तुस्से संसारा रे लोका मन्झा ले चुणी लईरे, इधी कठे संसारा रे लोक तुस्सा किन्हें नफरत करहा।