Àwọn Ẹsẹ Bíbélì Tí Ọ̀pọ̀ Èèyàn Mọ यहून्ना 13

Pín

हांऊँ तुस्सा जो एक नंऊँआं हुक्म देहां एक दूजे किन्हें प्यार रखा, जो मैं तुस्सा किन्हें रखिरा, तेह्ड़ा ई तुस्से भी एक दूजे साउगी प्यार रखा। अगर तुस्से एक दूजे किन्हें प्यार रखगे ता सभी लोका जाणी जाणा कि, तुस्से मेरे चेले ऐं।”

अगर मैं गुरू प्रभु होर हुई किन्हें तुस्सा रे पैर धोये; ता तुस्सा जो भी दीन बणी किन्हें एक दूजे रे पैर धोणे चहिए। क्यूंकि मैं तुस्सा जो एक उदाहरण दसी दितेया, जो मैं तुस्सा साउगी कितेया, तुस्से भी एह्ड़ा ई करदे रहुआ।

यीसूए तेस जो जवाब दितेया, “जो हांऊँ करहा, तू ऐबे एता रा मतलब नी जाणदा, पर तुध एता ले बाद समझणा।”

हांऊँ तुस्सा किन्हें सच्च-सच्च बोल्हा, गुलाम आपणे माल्का ले बडा नी हुन्दा, होर ना संदेसा लई किन्हें भेजिरा दूत आपणे भेजणे वाले ले बडा हुंहाँ।

ऐबे तुस्से इन्हा गल्ला जो जाणहां ऐं, होर तिन्हा पर चला तेबे तुस्सा धन्य हूंणां।

यीसू खाणा खांदे-खांदे उठी गया होर आपणा चोगा तुआरी किन्हें तौलिया आपणी कमरा मन्झ बान्ह्या। तेबे यीसूए तसले मन्झ पाणी भरी किन्हें चेले रे पैर धोणे सुर्हू किते होर जेस तौलिए किन्हें तिन्हें आपणी कमर बान्हिरा थी तेस तौलिए किन्हें से तिन्हारे पैर पुन्झ्दा लग्या जिहां एक गुलाम करहा।