Àwọn Ẹsẹ Bíbélì Tí Ọ̀pọ̀ Èèyàn Mọ यहून्ना 10

Pín

चोर केसी होर कामा रे कठे नी आऊंदा पर सिर्फ चोरी करदे, मारणे रे कठे होर नास करणे रे कठे आहूँआं। हांऊँ एता कठे आया कि स्यों जिन्दगी पाए होर भरपूर जिन्दगी पाए।”

“हांऊँ बधिया पुहाल आ; बधिया पुहाल भेडा रे कठे मरी जाहाँ।

मेरी भेडा मेरी अवाज पछयाणा ईं, होर हांऊँ तिन्हा जो जाणहां, होर स्यों मेरे पीछे-पीछे चल्हा ई।

होर हांऊँ तिन्हा जो अनंत जिन्दगी देहां, होर तिन्हा कधी नी मरणा, होर कोई तिन्हा जो मेरे हाथा ले नी छुड़ाई सक्दा।

दुराजा हांऊँ आं, अगर कोई मेरे ज्रीए अंदर जाए ता तेस उद्धार पाणा। होर तेस अंदर बाहर आऊंणा जाणा करेया करणा होर चारा पाणा।

“बधिया पुहाल हांऊँ आं; जिहां बापू मुंजो जाणहां, होर हांऊँ बापू जो जाणहां।

मेरा बापू, जिन्हें जे स्यों मुंजो दितिरे, सभी ले बडा आ, होर कोई तिन्हा जो मेरे बापू रे हाथा ले पकड़ी किन्हें दूर नी करी सक्दा। हांऊँ होर मेरा बापू एक ऐं।”

इंहां ईं हांऊँ आपणी भेडा जो जाणहां, होर मेरी भेडा मुंजो जाणहां ईं, होर हांऊँ आपणी भेडा रे कठे मरणे जो तैयार आ।

कोई मेरी जान जो मेरे ले नी लैंदा, पर हांऊँ आपणे आप तेता जो देहां। तेता जो देणे रा हक मेरे वाले आ, होर तेता जो दबारा वापस लेणे रा भी हक आ, ये हुक्म मेरे बापू ले मुंजो मिलिरा।”

तेबे यीसूए तिन्हा किन्हें दबारा बोल्या, “हांऊँ तुस्सा किन्हें सच्च -सच्च बोल्हा कि, भेडा रे कठे दुराजा हांऊँ से आं।

मजदूर जो न ता पुहाल आ, होर न ता भेडा रा माल्क आ, से भेड़िये जो आऊंदे देखी किन्हें, भेडा जो छाडी किन्हें भगी जाहाँ। होर भेड़िया भेडा जो पकड़ा आ होर ओरे परे भगाई देहां।

“हांऊँ तुस्सा किन्हें सच्च -सच्च बोल्हा कि, जो कोई दुराजे ले हुई किन्हें भेडा रे बाड़े मन्झ दाखल नी हुन्दा पर होर दूजे पैंडे ले हुई किन्हें दाखल हुंहाँ से माह्णुं चोर होर डाकू आ।