Àwọn Ẹsẹ Bíbélì Tí Ọ̀pọ̀ Èèyàn Mọ Lûk 8

Pín

Yia a bughò ghəla an lùʼu kə̀ foōn ko, à lò ghəla ghe zuw tsughu shwaʼ u te wo, ghe n nyɛ̀ nì kɔ̀ʼ an zumso kə fə̂ŋ kə ghee kə̀ dzûŋ kò, wə m bùghò fughu kɔʼ kətam, aŋ ghùe zəla ghe zumso tsughu a te.

Ghəlā an nyɔ̌ɔŋmgbê, fɛ kuuwn lò ghəla ghe zuw tsughu shwāʼ wə̄n; â ghee alekuūwn ndûw â sə ko, fəm kə mbī kə ŋ kwù ŋgwùu tsùghu ghee, fʉgha u m mbī wə̂ ŋ kwù ŋgwùu è tsughu, sʉ̂ e mbī zə̂ ŋ kwù ŋgwùu tsùghù sùghò ghee, tam kə ghee kə ŋ kè tughu.

Ghəlā aŋ gɔ̀ŋlò, fɛ lo ghəla abugho ghe zuw tsughu shwāʼ u te wo, ghe n nì ko aŋ ghùe è ghɛɛ̄n zo; wə ŋ kè kuūwn nyəā mə̄lā ghee alo tə fə̀ŋ, tɔŋlo enyəa ghe dzə̂a kwǔu kele kə̄əŋ ndùw kô boo e te zo enyə, à m bùghò nəgha è mɔɔ̄ koʼō e ghee e kpe tsughu, ghê n tìgh zə̀ghà è tsughu.

Ù n dzɛ̀ â ghee enyəa, “Boo zɛʼɛ̄ e ndûw ghɛ̀ à?” Fə̂ŋ tə̀ n sə ghee, tuw kə m kpùw sùghò ghee. Ghe ŋ kàʼ ndùw a lùʼù kəā wo enyəa, “Wə̄n biso lò ndughoo, ù sə̀ tsəghàsò lâŋ kò â kùɛɛ ko a, àsùghò â dzùghù a, ghe yia a zuūw â wə̄n à?”

Sə ghəla aŋ kwàn u dziī fɛ̄ lo ghî ghəla ghe zuūw tsughuu shwaʼ u te wo, vʉatsə̄a ghə m fùʼ bùghò sɔ̀ŋ nùghù sə kɔʼ shwaʼ u te wo am fə̀ŋ tə ghee, enyəa ghe lô dɔ̂ɔm boōm tsughuu shwaʼ u te wo, ghe zəā kɔʼ kə̄tūw.

Nu fəgha kə̀ li kə yo kə nân doʼō mo a kê kòʼò yò, tsɔŋ kə eghəa kə̀ li kə yo sughò kə kê səā kɔʼɔ yo an ndɛ.

Ghəa yìzən vʉ kôʼkɛlɛ̄ tsughu enyəa e lɛso yò alenàn ghue u ghee, ù n tsə̀ghà sə̀ è wo kàʼkàʼkàʼkàʼkàʼ, ù tsəŋlo, tə̀m ndùw tuw wə anyʉ̄ a tsəlà Yɛso. Ù n dzɛ̀ ndùw soo kəla e mɔm Yɛso a te an sə kə ghì yì à dzə̀m, dzɛ̀ sùghò ghəa e daŋso dzâŋ tughu kɔʼ ghəa e mɔ̂m tsughu wə̄n. Yɛso n dzɛ̀ â nùghò vʉ̀ enyəa, “Êwɛ̀, fə̀ŋ zə̀a zəla ghù gaʼ tsughu a zəŋò Zə̀ kò, zə̀ ŋ ghù baŋlo; nduw alo ebughunlo.”

Ghe n daŋso ndùw zòm nùghùu kɔ̀ʼ Yɛso, dzɛ̀ â wə̄n enyəa, “Wo Mughùbè lô, sɛ̀ m mìaa lɛ̂, wo Mughùbè lô, sɛ̀ m mìa lɛ̂!” Yɛso n nùghù ke naŋa ndùw kùɛɛ kə te ko à ŋgaam kə kətùŋutùŋu kə te ko, zəŋ è te n tsùghù bùghù è tsughu, nyʉ̂ zə̀ n nùghù dòʼò tsùghù mɔŋ.