Àwọn Ẹsẹ Bíbélì Tí Ọ̀pọ̀ Èèyàn Mọ Dzɔ̌n 17

Pín

Ghəəŋ tsughu ghee enyəa ghe e zɔlɔ an səŋò zəghà zəla ghù zoʼn ghee a te, tɔŋlo enyəa shwaʼ wʉ̀a ù lo êsəŋò.

Mughù e doʼn təla zən lǒ â ghee alekwō ghû, Zə̀ kə̀ səŋo kən kə mɔ̀ʼ, kwo sugho Yɛso Kə̀lestò wəla ghù mò tum wô fɛ am mbī.

Ŋ̀ kaa gɔ̀ɔŋ ko yo an tuw u aghì ghən gho, Ŋ̀ gɔ̂ɔŋ sùghò an tuw ù ghì ghəla ghe lo zuūw nîi shwaʼ waŋa wəla tsə̀təndə̄ghā taŋā tə dzâa nduw â ghee, ghe boō fughu wô â mùghò. Yìa Ŋ̀ gɔ̂ŋlo enyəa to ghe mô lò alo kəfəgha kə̀ mɔ̀ʼ aŋ ghùe e ghee, tò aŋghəa ghàʼ à ghù bɔɔ̄m lô sugho alo kəfəgha kə mɔ̀ʼ a Tsele, àsùghò enyəa sɛ̀ à ghee e bɔɔm lo sugho alo kəfəgha kə mɔ̀ʼ; to mbī boo tsughu enyəa a mùghò tum wò ghù.

Gɔ̂ɔŋ zaŋa e yo dzə̂ enyəa ghù ni nughu sə kɔʼ ghee am mbī, e kuuwn lò enyəa ghù ni nan naŋa ghee am ghùu ghùw ù bǐigh.

Daʼa kəla ghù mò fughu â mùghò, mùghò m fùghù sùghò â ghee, enyəa ghe e lo fəgha ko kə mɔ̀ʼ to aŋghəa ghàʼ à ghù lò sughò fəgha ko kə mɔ̀ʼ. Yìa Ŋ̀ gɔ̂ŋlo enyəa mùghò è lo fəgha ko kə mɔ̀ʼ ghàʼ à ghee tò aŋghəa ghù lò fəgha ko kə mɔ̀ʼ ghàʼ ghù, enyəa ghe e tɔ̄ʼ ti tǒ ghùw u mɔ̀ʼ, to mbī lo zuūwkɛ̄lɛ̄ enyəa a mùghò tum wò ghù, àsùghò enyəa ghù ŋ ghe ləgha to aŋghəa ghù ləghaa mugho a te.