Àwọn Ẹsẹ Bíbélì Tí Ọ̀pọ̀ Èèyàn Mọ ỌMWỤ ỌDADA 27

Pín

Ụka ọọwa, Ayịsiki juwa dọmwụ nya ahị ọwawa kụrụ iJekọbụ yẹkẹẹ, “Ọnyị ọnyịịla nyam, a ka pyẹẹẹ. Ẹrụ nyang ka pyẹ kpanggba ẹka myị ẹka wuu, Ohe Oluhye ka họ ká ọpyị nyang ka ju eyo hiigu-hiigu. Ọ ka kpụ amwụ kụrụ ang nya ẹrụ nyang ụka wuu ịnyịnyị. chajị ká ang myị ang ọlẹ ká wu ẹ-ẹrụ nyang wuu lẹ, ka há lụmẹ-lụmẹ tụ egbe nya alakọnụ ịlẹrụ nyang ịlẹ kị kaa kpa họ ere ọnwanwa wuu ka há ịnyịnyị. Ahụ ayịdang lẹ, ahụ-ahụ, alepwoja ịkịla wuu, a ka myị ẹrụ ha lẹlẹ. Ahụ-ahụ, angịnyị nya alụma ịkịla wuu a ka chị arụụ eji ha ịnyịnyị lẹ lẹ. Ahụ-ahụ ụbwọng, anyịnang wuu a ka chị arụụ eji ha lẹẹ lẹ. Ọngọlẹ kọ gọlọ jung lee juwa ya ẹla onyobyi nyang, Ohe Oluhye ka họ ká ụtụrụ ka byị ọngọọwa. Ọng myị ọng ọlẹ kọ tị wahị kụrụng lee juwa ya ẹla ọnyịịla nyang, Ohe Oluhye tịtị ka họ ká ụtụrụ ka há ha ọngọọwa ịnyịnyị.”

Ịsọ yẹkẹẹ, “Hòóō! Ẹbyị a họm lẹẹ-ẹ́! IJekọbụ ọwẹ, lee! Ọọwa ri ọlẹ kị wụrụ ẹnyị nyamwụ iJekọbụ lẹẹ lẹ, ọ lẹẹ họm ri ịnyịnyịịnyị jaabwọ ká etu nyamwụ ri ọngọ pịrị ọngịnyị ju, ịnyịlẹhị lẹka? Ụka oheeye a wẹ ká iJekọbụ họm uguru nya ẹla lẹlẹ. Ugbeene, ọ num ọgbahị oriri nyam la ịjẹẹhị. Alẹ ọlẹ, ọ tụtụm myịmyị num ahị ọwawa nya ọnyị ọgbahị lẹ.” Ịsọ myịmyị byi adamwụ yẹkẹẹ, “Adada ee, a ya ká ụpịlẹ nya ahị ọwawa ọhẹ-lọhẹ á hi juwa kpa, a ka wa kụrụm kpong-kpong kaka ịnyịlẹhị?”

Ọọwa lẹ, Ayịsiki a wẹ byoo yẹkẹẹ, “Ịsọ wo mẹ. Ọpyị nya ẹrụ nyang ahụ, á ka ri ọpyị o-ju eyo pịlẹ kpong-kpong ka. Ohe Oluhye á ka kpụ amwụ kụrụ ang nya ẹrụ nyang ahụ gbuu ka ịnyịnyị. Ahụ-ahụ lẹ, ẹma-ẹma nya ẹwụ kem, a ka kpa ma uya ene ká ka ye ang oriri ri odehe ọlẹ lẹlẹ. A ka ri ọngọmyẹrụ ha iJekọbụ ọnyịnang gbegbegbe pwụ ụka ọlẹ ká ka la egbeju-ọngịrị jahị dọọ, chị ebwo hyoo rụ kaka la ịlọng ị-ịlahị.”

Ịsọ myịmyị yẹkẹẹ, “O Adada, chuchuu, adam ká wahị ookpokpo kụrụm chẹẹ mẹ! Chuchuu wahị kụrụm ịnyịnyị mẹ, Adada!” Ọọwa lẹ, Ịsọ a juwa jida ọtụka-ọtụka ẹ-ẹpwụ nya olujwo ọtọọtọ lẹlẹ.