Àwọn Ẹsẹ Bíbélì Tí Ọ̀pọ̀ Èèyàn Mọ Matìù 5

Pín

Wòt nàà kà tò̧ èkaꞋà nkàba nè èpfəêꞋ. Tàa ngɨ̀ tà tsia nè ègwet èkɔꞋ mbɨ̀Ꞌɨ̀ aa me beꞋe abua wòt ègème a lob. È wu ale, bɨ tsiꞋ èkaꞋà wɨ̧ e beꞋè a mbì bòt mbɨ̀Ꞌɨ̀ bɔɔ ye èfàꞋa ntsɔ̧̀ bɨ̧ e ŋa mèngùꞋte abua tǎt wɨ̧ a ègwet.

“Bɨ wu mbɨ̀Ꞌɨ̀ èkaꞋà ayɔɔ bòt sitsǎꞋ. BetsiꞋa bɔ ka və taꞋà àpfəè a ègwet èkɔŋ a lò̧ò̧tè.

Ntsɔ̧̀ wu bòt mèntɨ̧ɨ̧ kèfə e mbì Mbɔ̧ɔ̧mà, bèŋût aa li ye a Mbɔ̧ɔ̧mà.

Ntsɔ̧̀ wu bòt bu bɔ̀ɔ mbê ndâ nkɨ ghɨ̌ àghɨa Mbɔ̧ɔ̧mà nàa nkɨà la, Mbɔ̧ɔ̧mà naa ghɨ̌ aa wu ale.

Ka e ngua shua wɨ̧ nê ‘Bɨ̀ me kɔ̀ŋkè bɔmbù̧ bɨ̧, mè tsaꞋta a Mbɔ̧ɔ̧mà ane bòt bu bɔ̀ɔ nkɨà ètsə bɨ̧ enɨ la.’

“Ntsɔ̧̀ wu bòt bu bɔ ko nê, bɔ wu bòt mbuŋ a mbì Mbɔ̧ɔ̧mà la. Kèfɔ̧̀ Mbɔ̧ɔ̧mà wu abua yɔb.

Ntsɔ̧̀ wu bòt bɔ̀ɔ nkɨà àlàŋkè la, Mbɔ̧ɔ̧mà naa li tɔ awɔb ane bɔ̧ bi.

Ntsɔ̧̀ wu bòt bu bɔ̀ɔ ndɨ̀à la, Mbɔ̧ɔ̧mà naa li bɔte awɔb.

Ntsɔ̧̀ wu bòt bu bòt àa nkɨà àtsəa yɔb enɨ ndɨ̀ wu bɔ̀ɔ nkɨ e ghɨ̀ àghɨa Mbɔ̧ɔ̧mà nàa nkɨà la, kèfɔ̧̀ Mbɔ̧ɔ̧mà wu abua yɔb.

Ntsɔ̧̀ wu bòt bu bɔ̀ɔ nkùa tèsȩte èbeko la, Mbɔ̧ɔ̧mà naa li ku tɔb ne tèsȩ.

“Ntsɔ̧̀ wu bɨ̀a wu bòt àa ntsɔ̧̀ɔ̧̀tà wɨ̧ mè nkɨà àtsəa yɨ̧ enɨ, mè ndàꞋà tèwuute mènəè kàbɔ̀ŋ fɨte ègème àtsəa yɨ̧, ambo yaã la. Bɨ̀ wùꞋtè àwɨ̧, ènyit yɨ̧ è bɔ, nkàà nê Mbɔ̧ɔ̧mà paŋe taꞋà àbȩ̀ abua yɨ̧ a ègwet. Eyaa wu ndɨ bɔ li ngùa nkɨ enɨ àtsəa bèndàꞋàtɔŋ Mbɔ̧ɔ̧mà bu be li ndɔ̀Ꞌ ngu a mbì lɨ̧ la.

Ntsɔ̧̀ wu bèmbɔɔla bòt, bɔɔ li bɔ àghɨa Mbɔ̧ɔ̧mà kàꞋ àwɔb la.

“Bɨ wu mbɨ̀Ꞌɨ̀ angwaŋ ayɔɔ bòt sitsǎꞋ, ka angwaŋ bakà wua ntsia ndɨ̧̀à, ko bɔ̀ɔ ghɨ̀ na tè naa mě me lɨ̧̌ à? È tsiꞋ àghɨ aku, ntsiꞋi e kùꞋù wuê ndɨ bɔ̀ɔ maꞋa àbȩ bòt aa me tɔ̀Ꞌtè la.

È wu ale, mènəè mɨ̧ bɔ ndɨ nàa nèète tɨ̧ɨ̧ ndɨŋndɨ̀ŋ mbɨ̀Ꞌɨ̀ tǎt wɨ̧ a ègwet nàa ndɨŋndɨ̀ŋ la.

TsiꞋ èngǎ̧ wòt è kùꞋu ane oò nè àwɔꞋ. Àghɨa ko tsa kà wu ayaa a dzəa abua wòt kàbɔ̀ŋ.

“Bɨ zə nê bɔ̀ le lɔ̀Ꞌ nê ‘Wòt chùꞋà èghɨ lê, à chùꞋù le tò, wòt tsɔꞋɔ èsɔŋ lê à tsɔ̀Ꞌɔ̀ le tò mɨ̧̂’, Ka e ngua shua wɨ̧ nê, wòt ka mvəè èsiꞋ ane wòt tà ghɨ atò a kàbɔ̀ŋ la. Wòt dèbè ngòꞋ àbâ àbualu̧ ayê à gheble ye kǒ tà dèb.

Èghɨ àbâ àbualu̧ ayê e ghɨ̀ à fà̧ ànəê, à tsɔꞋ ngwaꞋ. A bɔ̂ŋ nê àdziꞋa ènyit ayê àko à buŋ tè ntsè ndɨ bɔ̀ɔ màꞋà wê nènkèm a èbem èwet Satàn la. Àbualu̧ ayê a ghɨ̀ à ghɨa kàbɔ̀ŋ à lo ngwaꞋ. A bɔ̂ŋ nê àdziꞋa ènyit ayê àko a buŋ tè ntsè ndɨ bɔ̀ɔ màꞋà wê nènkèm a èbem èwet Satàn la.”