Àwọn Ẹsẹ Bíbélì Tí Ọ̀pọ̀ Èèyàn Mọ Matááyo 19

Pín

Yíésu gáál gaa dhaay, gáál geey, kieye, Yaalmitééllá hé gálaat hí hát gaa mán, tá Waag hé he lulle hát gaa ˈgayyo, yie.

Aalé gaal hol shuunneka, gaal hé geđi naam muuniny, gáál gon hí tikiˈde. Aaléka, gál Waag hí hol fiiyye-, hí tikiˈd hoycheká ha máádhat hí hol eiy gaa ˈgidhîny, Yíésu hí gáál yie.

Yíésu gáál ˈdéé hol ˈdú nie, kieye, Waag les ka kuonneká hát gálaat tág niiyyeká it Warˈgat Waaˈgiet ma gaa túony? Waag máá yab ubaa máá ˈdedhito he tág niiyye muunîny? ˈDaa kinaallá ˈdugaka in mááyab ˈjaalle ubaa ˈjielle haađia, minle hol chiiˈda, gaal hullaalle tikiˈd yeedhe, Waag hí chie.

Aalé Yíésu kieye, Um haí môny, um hí ye ˈdu gáá yimet. Guch Uratiká gál hílléká hát umééllá, yie.

Tá gál burnay-, káánalka biiy met ˈgieká bár ˈdaatika biiy el hai ki maada, héétí gál burnay-, káánalka biiy el ˈgieká bár ˈdaatika biiy met hai ki maada, Yíésu hí gáál yie.

Ameeny máá ˈdaa meenychúka ényle yíekaʼ, nyaaramle yíekaʼ, ˈjaalle yíekaʼ, ˈjielle yíekaʼ, umle yíekaʼ, tá léslé fafuoká yíekaʼ hayoká, héllé hay kinaallá hé éíy taaka hat kinaallo-, hí af ˈdú gíri-, kúˈd nyuoroká hai aargira. Héétí mu luolmit biiyoká hai aargira ubaa hai gaa yíéđima.

Aalé Yíésu mú geey, kieye, Har he lulle tág gaa taalloká feˈdoka, sí, hé kua ˈgayyoká el gaa mádish, bírellé hí yé gáá ˈdiiyyoká gál he maamanká eiy gis, hát kinaallá in kamúr úratíá ká ˈgayya. Hééllá đusicheka káde, ye el gáá véer, Yíésu hí mú yie.

Yíésu mú geey, kieye, Háte ye hé midhabká hélle heesetéel? Máá midhabká he Waag tákáma. Har luolmit biiyoká higiloká feˈdoka, hemuumurít chíro, el gaa véer, muí mú yie.

Yú geđi hí geeye, máá kamúrutká Guch Waaˈgiet higiloká hé tág fargogo! Galt hirich íllé ninniká nannaatoká úba hí hawul ˈdú man, yie.

Tá yú íín hí geeye, máádhat har minle hí ma ˈdú herginy-, tá min điidho-, min éíy taaka eetká, máá kinaallá minlé he ˈdú hergie, ađáábo he hile, yie.

Aalé Yíésu lalille geey, kieye, Yú hí hé ˈdúwaká geeye, máá kamúrutká Guch Uratiká higiloká, ebá fargogóon!