Àwọn Ẹsẹ Bíbélì Tí Ọ̀pọ̀ Èèyàn Mọ Cakirok 3

Pín

Ameno dhako oneno nger ma yath no oyido ber'iye, kodi nger mar'olemo mere oyido ber acama; aka oparo nger ma ber'iye lokirok mariek. Kenyo go okwanyo olemo to camo, aka omiyo cwore bende ni wocam.

Onyo thwol am'oyido obedo ogwaŋ mariek swa kwoŋ ogwaŋe madudi je ma Were oyido ocweyo. Openjo dhako ni, “Were bende adieri owaco ni wikiri wicam olemo ma yen ma ndelo?”

Abino ketho kwor i dier in gi dhako, aka i dier nyithindhin gi nyithindho pere. Nyithindho pa dhako jobino ŋinyo wiyin, aka ibino toŋo fundi jo.”

Aka ri dhako owaco ni, “Abino medo litho perin i ŋedi, aka i litho ibino nywolo nyithindho. Aka kucel ibino bedo g'awanya ri cworin, aka go bino dhumin.”

I kwok perin ibino camo mugat cuka inogiki i lowo; rupiri ocweyin wok i lowo, aka doko ibino lokere lowo.”

Aka ri jacwo owaco ni, “Rupiri iwinjo dwondi dhako perin, t'icamo olemo ma yath m'amiyin cik ni ikir'icam kwoŋe, akwoŋo lowo ro in. I kwok perin ibino cemo i kwo perin je.

Were openjo go ni, “Ŋa m'owaco rin nike initie kinyoro? Icamo yath m'amiyin cik ni ikir'icam?”

Were oriemo woko jacwo, aka yuwok ceŋ ma ndelo oketho cwec ma jobwombi gin m'ilwoŋo ni kerubim, kodi abor maliel mac m'oŋiyo kisi thenge. Me ma geŋo nyatoro moro je kwoŋ corok cegin gi yath ma miyo kwo.

Adam ocwoko nyingi dhako pere ni Eva rupiri go obedo yok ji je.