Àwọn Ẹsẹ Bíbélì Tí Ọ̀pọ̀ Èèyàn Mọ Lugu 17

Pín

Ani lowa Yasuhanda ibuhondo lalu, Í̱ni Ngode Datagaliwabehondo mini mbiraore wirigome í̱ mo dabi hayago heyalu pamia, lene.

Ani buwa ibugua í̱hondo horo mbiru hanguni ka halu ko buwa kane halugo bialu í̱ keria ibuwa, Ai í̱hondo ko birugo wahalu mini beregedaru, layagua ibugua ko biyagoni la nabi wahabe.

Mbiragome ibunaga ge hamuabi biago ereba hayiyagola hondowa bi dalimu lalu Ngode Datagaliwabenaga mini yaraga halu Yasu hearia lone íbu dai bini. Dai buwa ibugua Yasu heagoria dindini birape howa Yasuhanda ibu mo dabi hayagonaga ka̱i̱ lene. Agali ogoni ibu Samariali hene.

Anigo tígua beramigo tiga hondowa bulene nga. Í̱ hamene mbirame ko biyagua talibe. Ani buwa ibu mini beregedalu dai biyagua ibugua ko í̱hondo biyago la nabi wahabe.

Ani layagola Yasuhanda lalu, Agali pira dabi hayago dira biaru agoha kabe.

Ani layagola Anduane Homogohanda ladai bialu lalu. Tígua mini mbiraore masada egene emeneore ngago ale wu kamiyagua nde lini daga ira o kagohondo lalu, Í̱na í̱ni pini heba dugu yalu puwa iba solowara bedagoria í̱nime hangabe, laramigola hale halu bulebira, lene.

Mbiralime ibuninaga holene ngago mo tene hayagua holene ogoni ereba holebira. Ai mbiralime ibuni holene hado wahayagua holene gahenge yu holebira.

Yasuhanda ibunaga talima piaga biaruhondo lalu, Mbirale tara tara ngarume wali agali ko mo bia haga nga. Anigo mbiralime ko mo bia hagago ibunaga mo ko holene timbu gibiore wulebirago dara holene nga. Waneigini mini boga nabi karu ko bilo mbiralime ko mo bia hayagua ogoni ibu ege to̱le̱ timbuni ngago pume ibunaga mani pongo bia howa iba timbu bedagoha bape hayagua ogoni karulape.

Agali Noa heneyangi wali agalime bialu hayadagua Agali Hole Ibiyago lone ibulene hororu harangi wali agalime bialu holebira. Wali agali bibahende bu hearume hina nalubi iba nalubi wali agali dabu bigi bialu heaore horo ha para hayagola Noa ibu iba taluha anda piyagola ibali timbuniore ibalu bibahendeore ibame nai hene.