Àwọn Ẹsẹ Bíbélì Tí Ọ̀pọ̀ Èèyàn Mọ Kiilanu 2

Pín

Piyɛri ka anu jaabi, a ko: «Wo tuubɛ, jɔnɔn wo ni suwɛ je tɔ dɔndɔ dɔndɔ Isa tɔgɛ la, Ala la mɔgɔ masubɛreŋɛ, alako wo la junubenu ni kafari. Wo butɔ, Ala si wo kɔ a Hakkili saniyandeŋɛ la.

Anu be timiladiyaren kiilanu la karaŋɛ ma, anun anu bolofeŋɛ fatan koe, anun dɛgɛ makuntu koe, anun Ala mataraŋɛ la.

Wo butɔ, Hakkili saniyandeŋɛ be sabatiren anu bɛ tɔ, wo kɔma anu bakkuta sii gbɛtɛ la kumanu fɔla iko Ala Hakkili saniyandeŋɛ ka a dii anu ma ki min na dɔndɔ dɔndɔ.

Kulɛ do bɔɔta saŋɛ tɔ kisanna, iko fɔɲɔ banba kulɛ, wo kulɛ ka boŋɛ butɔ bɛ tabɔɔ anu be madɛnden ka min na. Anu ka nɛŋɛ la muluŋɛnu yen anu be toren iko ta. Wo nɛŋɛnu fatanta, a dɔndɔ dɔndɔ sigita a bɛ kunma. Wo butɔ, Hakkili saniyandeŋɛ be sabatiren anu bɛ tɔ, wo kɔma anu bakkuta sii gbɛtɛ la kumanu fɔla iko Ala Hakkili saniyandeŋɛ ka a dii anu ma ki min na dɔndɔ dɔndɔ.

Lun go lun anu be timiladiyaren hanige dɔndɔ la ka madɛn Ala batu bon banba tɔ, anu ni kɛnɛ dɛgɛ makuntula anu la boŋɛnu tɔ, anu mɛn ni dɔmɛ fatan ɲɔgɔn tɛma sɛɛwa banba nun jusu teleŋɛ la, anu be Ala tantula, anu mɛn be diyaren mɔgɛnu bɛ ye. Lun go lun, Marige tota mɔgɛnu sala talibenu la mamadɛŋɛ kunma, a ni anu lakisi.

‹Ala ko: n si min ma dunuya la baŋɛnu tɔ, wolo mu kɛ la: n si n Hakkili saniyandeŋɛ lajigi Adamadeŋɛ bɛ le ma: wo la den kayireŋɛnu anun wo la den musereŋɛnu si nabiyonmɛ kuma fɔ le. Wo la kamareŋɛnu si laamutenu yen, wo la kayibanu tugun si kibo le.

Dɛnkɛnɛyabaga bɛ be bɛnden ko dɔndɔ ma, mɔgɔ dɔndɔ tɛŋɛ mu a bɛ tɛŋɛ le la. Anu tota anu la duge nun anu bolofeŋɛnu sanna, ka wonu sɔŋɛ fatan mɔgɛnu ma minnu bɛ be kɔntɔfile tɔ.

Ka mɔgɔ min yo be yigi saren Marige tɔgɛ la, wo tigi si kisi le.›

Yannun Marige la luŋɛ ni ke, wo lun banba makilandeŋɛ, tele si yɛlɛman a ni ma iko dibe, kare si yɛlɛman a ni wulen iko base.