Àwọn Ẹsẹ Bíbélì Tí Ọ̀pọ̀ Èèyàn Mọ ಮತ್ತಾಯ 4

Pín

ಅದ್ಂಗ್ ಅಂವೊ: ಮನುಷ್ಯ ಒಟ್ಟಿಯಿಂಜ ಮಾತ್ರ ಅಲ್ಲ, ದೇವಡ ಬಾಯಿಂಜ ಬಪ್ಪ ಓರೋರ್ ತಕ್ಕಿಂಜಲು ಬದ್‌ಕ್‌ವಾಂದ್ ದೇವಡ ವಾಕ್ಯತ್‍ಲ್ ಒಳ್‍ದಿತುಂಡ್‍ೕಂದ್ ಎಣ್ಣ್‌ಚಿ.

ಅದ್ಂಗ್ ಯೇಸು: ನಾಡ ಬಯ್ಯಕ್ ಪೋ ಸೈತಾನೇ, ನೀಡ ಒಡೆಯನಾನ ದೇವನ ಮಾತ್ರ ಸೇವೆ ಮಾಡಿತ್, ಅಂವೊ ಒಬ್ಬಂಗೇ ಆರಾದನೆ ಮಾಡಂಡೂಂದ್ ದೇವಡ ವಾಕ್ಯತ್‍ಲ್ ಒಳ್‍ದಿತುಂಡ್‍ೕಂದ್ ಎಣ್ಣ್‌ಚಿ.

ಅದ್ಂಗ್ ಯೇಸು: ನೀಡ ಒಡೆಯನಾನ ದೇವನ ಪರೀಕ್ಷೆಮಾಡತೇಂದ್ ಸಹ ಒಳ್‌ದಿತುಂಡಲ್ಲಾಂದ್ ಜವಾಬ್ ಕೊಡ್‍ತತ್.

ಪಿಂಞ ಸೈತಾನ ಯೇಸುನ ಸೋದನೆ ಮಾಡ್‌ವಕಾಯಿತ್ ಪವಿತ್ರಾತ್ಮ ಅಂವೊನ ಮಣಬೂಮಿಕ್ ಕಾಕಿಯಂಡ್ ಪೋಚಿ. ಯೇಸು ನಾಪದ್ ದಿವಸ ಪೋಲ್ ಬಯಿಟ್ ಒಂದು ತಿಂಗತೆ ಪಟ್ಟಣಿ ನಿಂದಂಡಿಂಜಗುಂಡ್, ಅಂವೊಂಗ್ ದುಂಬ ಕೆಲ ಪಯಿಚತ್.

ನಾಡ ಕೂಡೆ ಬಾರಿ, ನಾನ್ ನಿಂಗಕ್ ಮನುಷ್ಯಂಗಳ, ನಾಡ ಶಿಷ್ಯಂಗಳಾಯಿತ್ ಮಾಡ್‌ವಕ್ ಎಣ್ಣಿ ತಪ್ಪೀಂದ್ ಎಣ್ಣ್‌ಚಿ. ಅಯಿಂಗ ಒಮ್ಮಕೆ ಬಲೆನ ಬುಟ್ಟಿತ್ ಯೇಸುರ ಕೂಡೆ ಪೋಚಿ.

ಅಕ್ಕಯಿಂಜ ಯೇಸು: ನಿಂಗ ನಿಂಗಡ ಪಾಪಕಾಯಿತ್ ಪಶ್ಚಾತಾಪ ಪಟ್ಟಿತ್ ದೇವಡ ಪಕ್ಕ ಬಾರಿ, ಪರಲೋಕ ರಾಜ್ಯ ಬೆರಿಯ ಬಂದಂಡುಂಡ್‍ೕಂದ್ ಬೋದನೆ ಮಾಡ್‌ವಕ್ ಸುರ್ ಮಾಡ್‍ಚಿ.