Àwọn Ẹsẹ Bíbélì Tí Ọ̀pọ̀ Èèyàn Mọ Yohani 1

Pín

Loli abantu bosi babo bakamupokela nukumusubila, akabapa ubulaghili pakuba bana aba Chala.

Kubwandilo bo ichisu chitapeliwe, yuyo akitiziwanga ukuti Mazyu akabako kale, akaba nu Chala, po sona akaba we Chala.

Ulukozyo lukulamagha muchisi, loli ichisi ichene chapotwa pakuluzimya ulukozyo lula.

Yuyo akitiziwanga ukuti we Mazyu akanduka muntu nukwikala pakasi papitu. Akizula ni chisa nu bwanaloli. Tukabwennya ubuchindamu bwache, ubuchindamu bubo akapokela ngati we Mwana mwene na mwene uwa Wise.

U Chala akapela vyosi ukwendela mumwache, nanti atakabangako, ngali katakabako nakamokamo akapeliwa. Mumwache mukaba ubumi, po sona ubumi ubu bukaba lukozyo ulwa bantu.

Ilyandabi, u Yohani akamwennya u Yesu akwiza kukwache, po akati, “Ennya, u Mwana uwa ng'ozi uwa Chala, yuyo akwefya imbibi izya bantu aba muchisu ichapasi.

Yuyo akitiziwanga ukuti we Mazyu akaba muchisu ichapasi, napapo u Chala akachipela ichisu chapasi ukwendela mumwache, loli ichisu chitakamumanya. Akizila abantu abaluko lwache, loli abantu abaluko lwache batakamupokela.

Ulukozyo ulwanaloli lulo lukubalamila abantu bosi lukizagha muchisu ichapasi.

U Chala akatupa Indaghilo ukwendela mwa Mozesi, loli akatupa ichisa nu bwanaloli ukwendela mwa Yesu Kilisitu.