Àwọn Ẹsẹ Bíbélì Tí Ọ̀pọ̀ Èèyàn Mọ Mark e lɛl 12

Pín

Jesu dadʼr ninɛ: «Kin ol a fɛŋ ɛm e ligbɛl: O Israɛl, ìgŋ lↄru es! Ɛs Kↄtↄkↄ ɛy e Nyam el Nyam nyam coco. Bʼow erur Asŋ Kↄtↄkↄ ŋ e Nyam ŋ ecʼɛrm fɛŋ ɛm, ŋ ecʼabŋ fɛŋ ɛm, ŋ e tutr fɛŋ ɛm lele ŋ e lɛc pupukpaŋ ab. Ɛtŋ kin ol a e yony ɛm ekʼot krɛkrɛ ecʼab es: Bʼow erur ɛgŋ kaka fɛŋ ɛsɛ ŋ obi af. Ol a fɛŋ ɛm, kaka anm agbm akam ol yony na.»

Jesu am dad in e jam ɛsɛl a ɛsɛ: «Low nawrɛ mʼam dad ↄny, iŋnyↄw gbↄr yↄw na ap ob akm agŋ likpr a fɛŋ, aŋke ɛl ecʼa -nʼↄŋ ɛl ecʼob e -nʼↄnyn a ecʼow ekʼigŋ af a; kↄ iŋnyↄw a ecʼa, nʼↄŋ in e gbↄr ɛm ecʼa eke nʼↄny a, ow a fɛŋ a eke li kʼiir ɛb af a.»

Sica Jesu sig es ↄbr usu a eke wɛl kok Nyamel gbɛl ab ɛm ob ap ecʼab any, ɛtŋ nʼam lɛr elel eke agŋ a am apr ob a. Egbreŋgbi nↄnↄ am ok os nↄnↄ kↄprↄ ebr mob ab ɛm. Iŋnyↄw gbↄr yↄw nyam ow ɛtŋ ɛlu os ekekey yony ekʼusm any yɛji kↄprↄ ebr ob ab ɛm.

Njɛ ekʼɛgŋ erur Nyam in ecʼɛrm fɛŋ ɛm, in e tutr fɛŋ ɛm, lele in e lɛc pupukpaŋ ab, ɛtŋ lʼerur ɛgŋ kaka fɛŋ ɛsɛ in obi af a, na akpl akm mindey eke li kʼim Nyam ecʼany af lʼofŋ, lel egb waw ɛrŋ ɛrŋ eke li ki kok nʼↄŋ ow ab ab.»

Ɛtŋ Jesu dad ɛl ninɛ: «Eke ow el ɛbɛn a, ↄŋn Sesar yecʼekʼel Sesar ecʼa, ke ↄ́ŋn Nyam yecʼekʼel Nyam ecʼa.» Ɛtŋ Jesu eci low ikŋ na e dad ɛl a ɛw ɛl any iti.