Àwọn Ẹsẹ Bíbélì Tí Ọ̀pọ̀ Èèyàn Mọ Mak 11

Pín

Yeglpre na ene diteinga, ene taragl ta pre kamange ere krapogltre taragl inagliwo di pirngi dimin, ana taraglmo i inatnga.

Na ka kaima ene diteinga, yomba ta kamun muglo i yegl ditenambuka, andigl enene puglondi ende mundi nigle suna po dinan, ana ye nomane suwo yeikrambuka. Ye taragl dungwa i plau dinambedi pre pirngi dinan, i pradumere erambuka.

Ana ene andigl mogl kamange eratnga enge, yomba tandaglme kanekane ta ene ere tembi panan ana kindekondo teiyo.

Yesus ka mongo di ikine ende tongwa, “Ene God pirngi ditenaglkwa.

Ana Yesus yomba ditendre dungwa, “Kamambuno mina muno yegl beglko pangwa. God dungwa, “‘Yomba na yunguna i kangiye kamange yungu we dinaglkwa.’ Ba ene erikwa wu ‘kunogl gogl yomba dumono’ yeglmere orkwa.”

Ana yomba tau ende okuna eingo te yomba tau okuwo wingo ana mambuno bogl mangre kaglka dingwa, “God dembiye siyo!” “God ye erewakai ere tongwa, ye Yaglkande kangiye mina ungwa!”

“God dembiyesi mitna imbo kaima endiyo! Nono neno King Devit yungumo ombuno mina suna, king kor ta ungwa i God erewakai ere tenambuka!”