Àwọn Ẹsẹ Bíbélì Tí Ọ̀pọ̀ Èèyàn Mọ Jean 3

Pín

Biani, Nzapa aye azo ti dunia so mingi si lo mu gi oko Molenge ti lo titene zo so ama na be na lo alingbi ti kui pepe, me lo yeke na fini so angba lakue lakue.

Nzapa atokua Molenge ti lo na dunia so ti fâ ngbanga na li ti azo ti dunia ni pepe, me ti soo ala.

Jésus akiri tënë na lo: “Biani, mbi tene na mo taa-tënë: tongana a kiri a du zo pepe, lo lingbi ti baa *Kodro-gbia ti Nzapa pepe.”

Zo so ama na be na Molenge ni, ngbanga ayeke na li ti lo pepe; me zo so ama na be pepe, Nzapa afâ ngbanga na li ti lo awe, ndali ti so lo ma na be na oko Molenge ti Nzapa pepe.

Nda ti ngbanga ni ayeke so: lumiere aga na ndö ti dunia so, me azo aye tënë ti lumiere ni pepe; ala ye gi tënë ti vukongo ndo, ngbanga ti so ye so ala yeke sara ayeke sioni.

Alingbi lo ga kota si mbi ga ti mbi kete.”

Zo so kue ayeke sara ye ti sioni, lo ke tënë ti lumiere; lo ye ti ga na ya ti lumiere pepe, ngbanga ti so lo kpe titene asioni ye so lo yeke sara asigigi polele.

Zo so ama na be na Molenge ni, lo yeke na fini so angba lakue lakue; zo so ake ti ma na be na Molenge ni, fade lo yeke na fini so pepe, me ngonzo ti Nzapa angba na ndö ti lo.”

Alingbi a kanga Molenge ti Zo na nduzu na ndö ti keke, tongana ti so Moïse akanga ando ngbo na nduzu na benyama

Babâ aye Molenge ni si lo zia ye kue na maboko ti lo.