Àwọn Ẹsẹ Bíbélì Tí Ọ̀pọ̀ Èèyàn Mọ Mata 10

Pín

«Ìì ɛ̀ga! Mə́ tùmi tə́ kìínmbə̀ bɛ̀rə̀ bəd kíin, gbàál lɛ̀gsɛ́rə̀ bəd tə́ŋú. Kə̀ taàbìá, ìì gú' dáàn kuùmbə̀ kìínmbə̀ bi' bəd kíni. Bít ìì mà' invaksə́ nə́ŋ̀má sí, kìínmbə̀ mìrə̀ gə́blə̀ kíin.

Màn aa bàà bəǹ dá gɔ̀ŋsə́ bəǹ súùn də, dáù kíin bɔ̀'ǹ Vɛnɛ́b númú; bít màn aa oò gə́ kè'ì bəǹ dá gɔ̀ŋsə́ bəǹ bɔ̀'ǹ máá bòórú rə gə́, dá gɔ̀ŋsə́ aa bɛ́d bə gá rə bɔbàá.»

Ìì nùù nɛ́b yíl bə̀ lodǹ bəraa màìgə́ bə̀ lò' nɛ́ŋə̀ sisá, bít nɛ́ŋə̀ nyì' gə́, bə̀ bán lo'ǹmbə̀ gá rə sí. Zá aa dá sɔɔ̀n də gə́, ìì nùù Vɛnɛ́bá, màn aa bán nyì' lo'ǹmbə̀ kə̀ si' tá, bít pà' dáráàn lɛ́'ǹ laa aa fə́' bə gá rə rú roó.

Màn aa pà' téélɛŋké oò, bít bàg mə́ síndə, də́ŋ kuùmbə̀ nɛ́d bagké mə́ sé.

«Dáà nɛ́ŋə̀ nə́ŋ̀ bààì nyɛdkè dág nɛ́b bəd númú, bəǹ bàg mə́ì gə́, máá kɔ̀ má baàn Báá mə́ aa lɛgə́ paà rə númú nyɛdkè dág, oò nɛ́ŋə̀ mə́ra. Zá kóó nɛ́ɛ̀réè, dììyì nɛ́b kambəd númú, bít bààì nyɛdkè dág bəǹ bàg mə́ síngə́, máá kɔ̀ má baàn Báá mə́ aa lɛgə́ paà rə númú nyɛdkè dág, oò nɛ́ŋə̀ mə́ gá.»

Bít ìì bàà bə̀ boò gáŋ nɛ́b bəd si' marú, boò díím nɛ́b bəd valú, boò nyɛ́' nɛ́b bəd gərá, bít nìŋ boò vúŋ nwul vaksə́ bəd nɛ́b bəd sisú. Vɛnɛ́b pii bà tɛdńní, bít boò kɔ̀, boò pii nɛ́b bəd tɛdńní.

Kàandə, ìì nùù də́dǹ nɛɛ̀n aa nɛ́b bəd dá ii ma'ǹ dú rə sí. Íí kànsə̀n saasa yɛb kə̀ pɛ̀sá!»

«Ìì gú' seèl baànmbə̀ aí tɛ́mú, mə́ yaà tɛbə̀ aànmbə̀ zɔ̀ŋə yɛ́b ba. Mə́ yaà tɛbə̀ aànmbə̀ gá, zá mə́ àà nə́gə̀rá.