Àwọn Ẹsẹ Bíbélì Tí Ọ̀pọ̀ Èèyàn Mọ Matiu 24

Pín

'Ene sisea niho'o ni'ima'ura rena para'ama jihuna'e erapo oja 'ekaravujaho roe pa'arehuna. 'Enakaivo ea ka'ene Nuni 'unami jihunijikano kirasaha hi'avajipo pu niho'o maranihuna.

'E'eje ijí Godoni arijihuni vu'a maa maiu'iniji kwaka mapoka kakino najahapene ohuna. 'Ejakame kwaaka mapokakino ea ka'ene hijujijahija ijaho hina ka'eja'e iji'a mwe'akara pa'arehuni urijaho rohuna.

'Enakúne ja he'eje kwaa araka mapokakija ajira vene 'ee ijí ajira vehuni pinana kajaho 'urina rohuna. Ija'inijaho re'eja vo ijaho mai'o ura paru'e'unukúne patea juna'avara.

Ijihuni maijaho kwaa ara mama'ini jipuhipo vu ara mama'ina 'aho'ijihi pu'úmo ajira veje ara 'ahosupo vu ara 'ahosu pu'úmo ajira vehuna. 'Ene ora vea rene 'ee mwe varivura rohuna. 'Ena'omo ikipuhipo aneja re'avajaho areri napapo hariha nahe'iro haha hejuja'ina'e rehuna.

Ike akúpa mwe'a ijaho ni'aha kwinu pa'arehuna vo ike Nuni irijija niho'o papa'arehuna.

Ea ani ani'ina mapoka Nuni iha 'ahi roajimareje ja pisimia Na Kerisonakúne Nuni roha 'i'i kaivo ja aherama 'unama ani vahuna.

'Enajihuna'e ea 'ahopo ja 'eka sise'i 'ahie 'ee 'anie kwamasahuna. Ijihuna'e kwaa araka mapoka kijahija Nuni ihijihuni hahi ja niho'o senama paranihuna. 'Enareje eaka mapoka ka'ene Nuni 'unama 'urahojujijahija ijaho are'i kaivo ta'arohe ani vahuna. 'Ene ea 'aho'a ea 'aho pu'úmo sena vetiarahune 'ee sise'i vetiarahuna. 'Ene poropetia ira'asipo mapoka roajimareje ijipuhipo najahakama'e ea mapoka pisimisame 'unama ani vahuna.

'Ejume Jesura pu eha vene ijá 'iama Ja hami kivakame ea 'aho'a ja papisimisa'avara.

Ijihuni hahi amairiarame nirisame areri rena para'eje 'ajaha hi'avara. Vea muka ka'ene ja pa'ana rone matauvajino Ema Puni Harihijaho rohuna.

Ijihuni hahi vea ka'ene joni Natohwijara rohunijaho ja pakame paheji'inakúne amairiarame areri rena paraji'i hiha.

Ijarahara rehuni veijaho eaka mapoka kijahija pahena pakavu'e ona oji'ina ka'ene akúpi 'ahi hijujijahija 'u'o pahena pakavu'e Harihiji 'u'o pahena pakamu kaivo Omijara Huhusu hena kamu.

Túna'i ea 'ahopo ira'atijino na Kerisona 'iave vu ea 'ahopo ira'atijino na poropeti 'iahuna. Pu ija'ina venareje uneunecha mapoka veje ea mapoka oja hianava kivi'i pisivie ea mapoka nimaa rohuna. Pu ea ka'ene Hura iji pijihajihija pisivihuna vo areri parehuna.

Vea ka'ene Ema Puni Harihijara ro'i ve'amani veijaho areri Noara hinani veija'ina'e rehuna. Vea ka'ene toa kajarahara paitu'o'unani veijaho pu hine ahaja inareja javamareja toa sisea inareja napara pina 'waha raname pina 'waha raname pina 'waha raname apene va'o va'ume va'e vea ka'ene Noara sisima vaji ajimaji 'e'ujara. Pu pahena paka'eme toi itu'o'une imwasamia ja'ina'e Emaa Puni Harihijara ro'amajaho ija'ina rehuna.