<div class="version vid997 iso6393mjw" data-vid="997" data-iso6393="mjw">
 <div class="book bkGEN">
 <div class="chapter ch4" data-usfm="GEN.4">
 <div class="label">4</div><div class="s">Kein Lapen Abel</div><div class="p"> 1Non Adam, la aphisi Iv pen che-enlo lapen bangpi oso chopathelo lapen Kein#Laso amen ke Ibri alam along kelongtang pu kepudam ason aphan mahangpathek si pulo, &#8220;Hemphu akerap pen apot ne inut pinso a-oso long-lo.&#8221; 2Lapen bangpi puthot la amu Abel amahang pathek-lo. Non Abel ke biresak kevi abang, lapen Kein ke inut longle asai ketiki abang-lo. 3Ahut nanglesi Kein abang Hemphu aphan longle athesere adan vanpilo, 4lapen Abel ta la api ahur pen athukedonei kechingthok-cheng api van pilo. Lapen Abel adan Hemphu deng-lo,#Ibr 11.4 5bonta Kein lapen la adan Alangli dengde det-lo. Lasi Kein aningthihak-lo, lapen la amahang ikkui lo. 6Kein aphan Hemphu pulo, &#8220;Nang kopi athesi nangning kethi lo, lapen nangmahang chepa ikkuilo? 7Nang jongsi keklem mesensete,#Nang ingnek-hingpo, mate nang kepi athok ne nangdengdetji apot-lo pap ke nang inghap along chotonding-lo; la nangphan si aning hang-lo, bonta nang la aphan chepahaidet nangji.&#8221;</div><div class="p"> 8Kein amu Abel aphan pulo, &#8220;Etum hidi#Etum hidi ajo damlonang; Ibri along laso alamthe ave barlonang.&#8221; Lapen latum hidi along kedo un ahut, Kein ke amu Abel aphuthak thurkrap-lo, lapen laphan pathilot-lo.#Mat 23.35; Luk 11.51; 1 Jn 3.12 9Anke Kein aphan Hemphu pulo, &#8220;Nangkorte Abel konat-lo?&#8221; La thak-lo, &#8220;Ne chinine; ne nemu aphan kelang abangma?&#8221; 10Lapen Hemphu pulo, &#8220;Nang kopisi keklempor loma? Nangmu avi ase longle pen Nenat nangchirukong-lo.#Ibr 12.24 11Non lasi nang ke longle pen hirjuno long-lo, la nangmu avi nangrideng ke-enjisi angho chingpudang-lo. 12Nang longle ketiki ahut, la nangphan kepathe-oji ajakong avelo; nang chongvir nangpo lapen pirthe athak kedamtap abang plangpo.&#8221; 13Hemphu aphan Kein pulo, &#8220;Ne karchak un apar neduk themulo, 14langtha, pini arni Nang nephan longle pen phlungtang-lo lapen Nang ingno pen ne chepatu nangpo; lapen ne chongvir nangpo, lapen pirthe athak damtap nangpo, lapen nephan nekelong aling abang nepathipo.&#8221; 15Anke Hemphu laphan pulo, &#8220;La an setke kali! Kein aphan jongsi mane pathilot pulote halabangso aphan phanthroksi alar huiji.&#8221; Anke Kein aphuthak Hemphu isi angthek bilo, labangso aphan kethek-long aling abang kepathilot-le detji aphanlo. 16Anke Kein Hemphu angno pen damjuisi &#8220;Nod&#8221; pu adim, Iden anihang anat dodamlo.</div><div class="p"> 17Kein ta piso enlo, lapen bangpi aso chopathelo, lapen Enok amahang pathek-lo; lapen la rongsopi isi kimlo, lapen asopo Enok amen rongsopi irlo. 18Enok aphan Erad amahang thekpilo; lapen Erad ke Mehujael apolo, Mehujael ke Methushael apolo, lapen Methushael ke Lamek apolo. 19Lamek piso banghini enlo, inut abangpi amen ke Adah lapen anut kaprek abangpi amen ke Zillah. 20Adah ta Jabal amahang pathek-lo; la ke pehem-heihei lapen kepangreng api kedo atum apolo. 21La akorte amen ke Jubal; la ke kumbeleng-chongdeng lapen pongsi kerim atum apolo. 22Zillah ta Tubal-kein pu a-oso mahang pathek-lo; la ke tam lapen ingchin kerot-kevut ajohton#lake kedo-an amar keselam abang-lo; hako ahastro alamthe along ke hemai aphusarlo pu ta kepudam do ahemailo. Tabulkein angjir ke Naamah helo.</div><div class="p"> 23Lamek apiso atum aphan chepulo:</div><div class="q2">&#8220;Adah lapen Zillah, nelam arjutha;</div><div class="q2">nang Lamek apiso atum, ne kepu alamthe no chedentha:</div><div class="q2">Nephan nepasodak amat ne inut amonit pathilot-lo,</div><div class="q2">inut ariso nephan nekechok apot.</div><div class="q1"> 24Kein phanthroksi alar chehuilote,</div><div class="q2">chenamsi Lamek ke phanthroksi kep-ra throksilo.&#8221;#Mat 18.22</div><div class="s">Seth Lapen Enosh</div><div class="p"> 25Lapen Adam apiso pen che-enthusi puthot, bangpi inut sopo mahang pathek-lo, la amen ke Seth,#Laso amen ke Ibri along pitang-lo, pu alamthe pen ase chingbar athema bangpi pulo, &#8220;Abel alar Hemphu nephan anut kaprek sopo nepilo, athema Kein halaphan pathi lot-lo.&#8221; 26Seth aphan ta inut asopo mahang thekpilo, lapen alangli la aphan amen Enosh pusi irlo. Halaso ahut monit atum Hemphu amen hang pangcheng-lo.</div>
 </div>
 </div>
</div>

Non Adam, la aphisi Iv pen che-enlo lapen bangpi oso chopathelo lapen Kein aphan mahangpathek si pulo, “HEMPHU akerap pen apot ne inut pinso a-oso long-lo.” Lapen bangpi puthot la amu Abel amahang pathek-lo. Non Abel ke biresak kevi abang, lapen Kein ke inut longle asai ketiki abang-lo. Ahut nanglesi Kein abang HEMPHU aphan longle athesere adan vanpilo, lapen Abel ta la api ahur pen athukedonei kechingthok-cheng api van pilo. Lapen Abel adan HEMPHU deng-lo, bonta Kein lapen la adan Alangli dengde det-lo. Lasi Kein aningthihak-lo, lapen la amahang ikkui lo. Kein aphan HEMPHU pulo, “Nang kopi athesi nangning kethi lo, lapen nangmahang chepa ikkuilo? Nang jongsi keklem mesensete, pap ke nang inghap along chotonding-lo; la nangphan si aning hang-lo, bonta nang la aphan chepahaidet nangji.”
Kein amu Abel aphan pulo, “Etum hidi barlonang.” Lapen latum hidi along kedo un ahut, Kein ke amu Abel aphuthak thurkrap-lo, lapen laphan pathilot-lo. Anke Kein aphan HEMPHU pulo, “Nangkorte Abel konat-lo?” La thak-lo, “Ne chinine; ne nemu aphan kelang abangma?” Lapen HEMPHU pulo, “Nang kopisi keklempor loma? Nangmu avi ase longle pen Nenat nangchirukong-lo. Non lasi nang ke longle pen hirjuno long-lo, la nangmu avi nangrideng ke-enjisi angho chingpudang-lo. Nang longle ketiki ahut, la nangphan kepathe-oji ajakong avelo; nang chongvir nangpo lapen pirthe athak kedamtap abang plangpo.” HEMPHU aphan Kein pulo, “Ne karchak un apar neduk themulo, langtha, pini arni Nang nephan longle pen phlungtang-lo lapen Nang ingno pen ne chepatu nangpo; lapen ne chongvir nangpo, lapen pirthe athak damtap nangpo, lapen nephan nekelong aling abang nepathipo.” Anke HEMPHU laphan pulo, “La an setke kali! Kein aphan jongsi mane pathilot pulote halabangso aphan phanthroksi alar huiji.” Anke Kein aphuthak HEMPHU isi angthek bilo, labangso aphan kethek-long aling abang kepathilot-le detji aphanlo. Anke Kein HEMPHU angno pen damjuisi “Nod” pu adim, Iden anihang anat dodamlo.
Kein ta piso enlo, lapen bangpi aso chopathelo, lapen Enok amahang pathek-lo; lapen la rongsopi isi kimlo, lapen asopo Enok amen rongsopi irlo. Enok aphan Erad amahang thekpilo; lapen Erad ke Mehujael apolo, Mehujael ke Methushael apolo, lapen Methushael ke Lamek apolo. Lamek piso banghini enlo, inut abangpi amen ke Adah lapen anut kaprek abangpi amen ke Zillah. Adah ta Jabal amahang pathek-lo; la ke pehem-heihei lapen kepangreng api kedo atum apolo. La akorte amen ke Jubal; la ke kumbeleng-chongdeng lapen pongsi kerim atum apolo. Zillah ta Tubal-kein pu a-oso mahang pathek-lo; la ke tam lapen ingchin kerot-kevut ajohton ahemailo. Tabulkein angjir ke Naamah helo.
Lamek apiso atum aphan chepulo:
“Adah lapen Zillah, nelam arjutha;
nang Lamek apiso atum, ne kepu alamthe no chedentha:
Nephan nepasodak amat ne inut amonit pathilot-lo,
inut ariso nephan nekechok apot.
Kein phanthroksi alar chehuilote,
chenamsi Lamek ke phanthroksi kep-ra throksilo.”

Lapen Adam apiso pen che-enthusi puthot, bangpi inut sopo mahang pathek-lo, la amen ke Seth, athema bangpi pulo, “Abel alar HEMPHU nephan anut kaprek sopo nepilo, athema Kein halaphan pathi lot-lo.” Seth aphan ta inut asopo mahang thekpilo, lapen alangli la aphan amen Enosh pusi irlo. Halaso ahut monit atum HEMPHU amen hang pangcheng-lo.

Feti si KECHENG 4