Quechua, North Junin - 1997 Edition (NT) Drama

Quechua, North Junin - 1997 Edition (NT)

<div class="version vid663 iso6393qvn" data-vid="663" data-iso6393="qvn">
 <div class="book bkMAT">
 <div class="chapter ch10" data-usfm="MAT.10">
 <div class="label">10</div><div class="s">Caycunam cap&#228;cura Jesuspa cachran ruragcuna</div><div class="r">(Mr 3.13-19; Lc 6.12-16)</div><div class="p"> 1Chaypitam Jesusga chrunca ishcayniyog disc&#239;puluncunata gayarc&#228;rimar, &#8220;Cananga runacunapita lutan espiritucunatam gargap&#228;cunqui, jinamanmi runacunata cutic&#228;chip&#228;cunqui lapan nanaycunapitawan tucuy gueshyacunapita&#8221; nip&#228;caman. 2Chay chrunca ishcayniyog cachran ruragcunapa jut&#239;cuna cara caynuymi: Sim&#243;n (Chay Simonpam juc jutin cara Pedro). Chaypitam cara Andr&#233;s. Payga cara Simonpa wauguenmi. Chaypitam cara Zebedeopa churincuna Jacobowan Juan. 3Chaypitam cara Felipe, Bartolom&#233;, Tom&#225;s, noga patenti cobrag Mateo, Alfeopa churin Jacobo, jinaman Tadeo. 4Chaypitam cara &#8216;Cananista&#8217; nip&#228;cungan Sim&#243;n, jinaman Jesusta wanuchip&#228;cunanpag reguechig Judas Iscariote.</div><div class="s">Jes&#250;s cachran ruragcunata yachrachig cachrap&#228;camangan</div><div class="r">(Mr 6.7-13; Lc 9.1-6)</div><div class="p"> 5Chaura Jesusga chay chrunca ishcayniyog cachran ruragcunata cachrap&#228;camara cay nirc&#228;rimarmi: &#8220;Amam aywap&#228;cunquichu juc casta runacunamansi ni Samariachru marcacunamansi. 6Antis naupataga aywap&#228;cuy Israel casta runacunamanrag. Paycunaga carcayan uysha ogracashanuymi. 7N&#228;tan aywarcayarmi cay nip&#228;cunqui: &#8216;N&#228;mi chraramun Diospa munayninchru cawap&#228;cunay wichan&#8217; nir. 8Chaypita gueshyagcunata cutic&#228;chip&#228;camuy, wanushacunata cawac&#228;chip&#228;camuy, gueri nirayag lepra ninganwan gueshyagcunata cutic&#228;chip&#228;camuy, lutan espiritucunata runacunapita gargap&#228;camuy. Chaynuy rurap&#228;cunaypag nip&#228;cungagpita manam imatas gop&#228;camaraychu. Chaynuy gamcunas chay rurap&#228;cungaypita ama imatas manap&#228;cuychu.</div><div class="p"> 9Chay aywap&#228;cur amam apap&#228;cunquichu cheglaycunachru &#246;rutas yurag golguetas ni cobritas. 10Amatan apap&#228;cunquichu mircapatas m&#252;danaytas ni guerutas, n&#228;tan languewansi aywap&#228;cuy chay jatirarcayangalaywan. Juc uryag runataga micunanta gop&#228;cunmi.</div><div class="p"> 11N&#228;tan acapa u acray marcaman chrarursi tapucurcay pi ali runa cangantas payman gorpachacurc&#228;naypag. Chaychru cap&#228;cunqui juc marcaman aywap&#228;cungaycamam. 12N&#228; chay wayiman yaycurga cay nip&#228;cunquim: &#8216;Diosninchi yanapap&#228;cushunqui ima-aygachr&#252;si&#8217;. 13Chay nip&#228;cungayta chay wayichru runacuna alipa chrasquicurga Diospita yanapasham cap&#228;cunga. N&#228;tan mana alipa chrasquip&#228;curga manam nip&#228;cungay paycunachru ruracangachu. 14N&#228;tan chrap&#228;cungay wayichru u marcachru mana chrasquip&#228;cushuptiquiga. Jinaman yachrachip&#228;cungaytas mana mayap&#228;cushuptiquiga aywacurcanquim. &#8216;Cananga n&#228;mi willar&#228;rig imanuysi cawacurcay, manam mastaga cayman jarup&#228;camushagchu&#8217; nirmi. 15Mayap&#228;camay shumag: Chaynuy mana chrasquicurcanganpita Dios juchacunata tarip&#228;nan junagga Sodoma jinaman Gomorra marcachru yachragcuna cunchup&#228;cunganpitaga mas juyupa cunchuchisham cap&#228;cunga chaycunaga&#8221;.</div><div class="s">Chregnisha cap&#228;cun&#228;pita Jes&#250;s willap&#228;camangan</div><div class="p"> 16&#8220;N&#228;tan gamcunata cachray&#228; atogcunapa chraupinman uyshacunata jitayognuymi. Chauragar cap&#228;cuy fisyusapa culebranuysi, n&#228;tan pal&#246;manuysi mana lutan ruragcama. 17Chaura chay atognuysi runacunapita cuidacurcanquim. Chaycunaga marcachru mandagcunamanmi aywachip&#228;cushunqui, jinaman Israel castacuna gotucarc&#228;nan wayincunachr&#252;mi astip&#228;cushunqui. 18Nogapa jan&#228;ga aywachip&#228;cushunquim marcaychru mandagniquicunapa, jinaman nacionchru mandagniquicunapa naupanman juchachap&#228;cushunaypag. Chaychr&#252;mi paycunata jinaman juc casta runacunata nogapita willapacurcanqui. N&#228;tan marcachru mandagcunaman 19chr&#228;chip&#228;cushuptiqui amam laquicurcanquichu &#8216;&#191;Imatarag nishag? &#191;Imanuyparag rimashag?&#8217; nirga. Rimanay &#252;ra Diosmi nishunqui imata rimanaypagsi. 20Chauraga Tayta Diosniquicunam Santu Espirituwan imata nip&#228;cunaypagsi yanapap&#228;cushunqui. N&#228;tan manam quiquiquicunapa yarpaylaycunapitachu rimap&#228;cunqui imatas.</div><div class="p"> 21Chaypitaga chay wauguecamam wanuyman jitayanacurcanga. Taytacagcunas churinta wanuyman jitayap&#228;cungam. Chaynuytan churicunasi taytanta mamanta chregnirnin wanuchip&#228;cunga. 22Nogapa jan&#228; lapan runacunapitam chregnipasha cap&#228;cunqui. N&#228;tan pisi wanungancamas mana nogapita raquicagtaga Diosmi washanga ima-aygapitas. 23Juc marcachru wanuchiyta munap&#228;cushuptiqui juc marcaman gueshpip&#228;cuy. Mayap&#228;camay shumag: Noga jana pachapita shamusha runa cutimushag, lapan Israel runacuna yachranganpa n&#228; gamcuna puriyta ushar&#228;riptilaymi.</div><div class="p"> 24Pi disc&#239;pulusi manam canchu yachrachigninpita mas alipag ricashaga ni pi rantisha runasi manatan canchu alipag ricashaga rantigninpita masga. 25Chauraga juc tayta yupaysi cayagta nogatasi Asyag nircay&#228;marga masran gamcunataga nip&#228;cushunquis, run&#228;cuna carcayaptiquiga&#8221;.</div><div class="s">Dioslam manchacunaga ningan</div><div class="r">(Lc 12.2-7)</div><div class="p"> 26&#8220;Chauraga amam manchacurcanquichu runacuna imatas rurap&#228;cushunaypita. Manam pi pacaylapa ima rurangansi canchu mana musyacashaga. Manatan ima pacashasi canchu mana musyacashaga. 27Chaura mana pisi ricanganchru nip&#228;cungagta pita maytas willapacurcanquim, n&#228;tan wishwishyayla willapap&#228;cungagta willapacurcay wayi jananpita gayachracugnuy. 28Chaura ama manchap&#228;cuychu wanuchicug runacunalataga. Antis manchacurcayga imaycamas nina wayichru almaycuna cunchuchigcagta.</div><div class="p"> 29Ishcay pishgocunata ranticurcan uchuc golguelapagmi. N&#228;tan juclay pishgolas wanuyanga Tayta Diosniquicuna munaptinran. 30N&#228;tan gamcunapaga agchacunas aygacagsi cayan yupashalam. 31Chauraga ima-ayga captinsi ama manchacurcaychu. Achca pishgocunapitas masmi gamcunaga v&#228;lircayanqui&#8221;.</div><div class="s">&#8220;Imanuysi rimacungannuymi nogasi nishag&#8221; ningan</div><div class="r">(Lc 12.8-9, 51-53; 14.26-27)</div><div class="p"> 32&#8220;N&#228;tan pi maysi runacunapa naupanchru nogapa run&#228; cayar &#8216;Nogaga Jesuspam c&#228;&#8217; nigcunataga nogasi jana pachachru cayag Dios-may&#239;pa naupanchr&#252;mi &#8216;Payga cayan nogapa run&#228;mi&#8217; nishag. 33N&#228;tan pisi runacunapa naupanchru &#8216;Nogaga manam Jesuspachu c&#228;&#8217; nigcunataga Dios-may&#239;pa naupanchr&#252;mi &#8216;Manam nogapa run&#228;chu&#8217; nishag paytas.</div><div class="p"> 34N&#228;tan ama nogapag pinsiap&#228;cuychu &#8216;Payga aywaray&#228;mun gasilata cawachim&#228;nanchipagmi&#8217; nirga. Manam chaypagchu shamusha c&#228;. Antis aywaray&#228;m&#252; nogaga chregnipasha cap&#228;cunaypagmi.</div><div class="q1"> 35Chaymi olgo churis taytanta chregnipanga,</div><div class="q1">warmi wawas mamanta chregnipanga,</div><div class="q1">lumchuysi suydranta chregnipanga.</div><div class="q1"> 36Chauraga contrapartiquicuna canga wayiquichru cagcunapitam.</div><div class="p"> 37Pisi nogata cuyam&#228;nan truca taytanta mamanta mas cuyagga manam nogapa run&#228;pag alichu. Manatan pisi nogata cuyam&#228;nan truca churincunata olgotas u warmitas mas cuyagsi nogapa run&#228;pag v&#228;linchu. 38Jinaman nogapa jan&#228; wanuytas ima-ayga cunchuytas mana munagga u noga ning&#228;nuy mana cawagga, manam nogapa run&#228;pag v&#228;linchu. 39Chaura pi maysi cunchuyta u wanuyta manchar &#8216;Manam Jesuspachu c&#228;&#8217; nimagga manam cawangachu nogawan. N&#228;tan pi maysi wanunan u cunchunan captinsi mana mancharilar &#8216;Nogaga Jesuspam c&#228;&#8217; nigga cawanga nogawanmi imaycamas&#8221;.</div><div class="s">&#8220;Willacugn&#239;cunata chrasquicugga alipag ricasham canga&#8221; ningan</div><div class="r">(Mr 9.41)</div><div class="p"> 40&#8220;N&#228;tan pi maysi gamcunata chrasquicurc&#228;shugniquiga nogatam chrasquicay&#228;man. Jinaman nogata chrasquicamagsi cachramagn&#239; Diostam chrasquicuyan. 41Pisi Diospa willacugninta chrasquigga chay willacugninta chrasquinganpita Dios ricanga alinninpagmi chay willacugnintanuysi. N&#228;tan pisi ali rurag runata chrasquigga chay ali ruragta chrasquinganpita Dios ricanga alinninpagmi chay ali rurag runatanuysi. 42Chaura manacagpag ricasha cay disc&#239;pul&#252;cunata juc v&#228;su gasag yaculatas pisi chacchay&#228;chigtaga chay disc&#239;pul&#252;ta chacchay&#228;chinganpita Diosga ricanga alinninpagmi razonpa&#8221;.</div>
 </div>
 </div>
</div>

Chaypitam Jesusga chrunca ishcayniyog discïpuluncunata gayarcärimar, “Cananga runacunapita lutan espiritucunatam gargapäcunqui, jinamanmi runacunata cuticächipäcunqui lapan nanaycunapitawan tucuy gueshyacunapita” nipäcaman. Chay chrunca ishcayniyog cachran ruragcunapa jutïcuna cara caynuymi: Simón (Chay Simonpam juc jutin cara Pedro). Chaypitam cara Andrés. Payga cara Simonpa wauguenmi. Chaypitam cara Zebedeopa churincuna Jacobowan Juan. Chaypitam cara Felipe, Bartolomé, Tomás, noga patenti cobrag Mateo, Alfeopa churin Jacobo, jinaman Tadeo. Chaypitam cara ‘Cananista’ nipäcungan Simón, jinaman Jesusta wanuchipäcunanpag reguechig Judas Iscariote.


Chaura Jesusga chay chrunca ishcayniyog cachran ruragcunata cachrapäcamara cay nircärimarmi: “Amam aywapäcunquichu juc casta runacunamansi ni Samariachru marcacunamansi. Antis naupataga aywapäcuy Israel casta runacunamanrag. Paycunaga carcayan uysha ogracashanuymi. Nätan aywarcayarmi cay nipäcunqui: ‘Nämi chraramun Diospa munayninchru cawapäcunay wichan’ nir. Chaypita gueshyagcunata cuticächipäcamuy, wanushacunata cawacächipäcamuy, gueri nirayag lepra ninganwan gueshyagcunata cuticächipäcamuy, lutan espiritucunata runacunapita gargapäcamuy. Chaynuy rurapäcunaypag nipäcungagpita manam imatas gopäcamaraychu. Chaynuy gamcunas chay rurapäcungaypita ama imatas manapäcuychu.
Chay aywapäcur amam apapäcunquichu cheglaycunachru örutas yurag golguetas ni cobritas. Amatan apapäcunquichu mircapatas müdanaytas ni guerutas, nätan languewansi aywapäcuy chay jatirarcayangalaywan. Juc uryag runataga micunanta gopäcunmi.
Nätan acapa u acray marcaman chrarursi tapucurcay pi ali runa cangantas payman gorpachacurcänaypag. Chaychru capäcunqui juc marcaman aywapäcungaycamam. Nä chay wayiman yaycurga cay nipäcunquim: ‘Diosninchi yanapapäcushunqui ima-aygachrüsi’. Chay nipäcungayta chay wayichru runacuna alipa chrasquicurga Diospita yanapasham capäcunga. Nätan mana alipa chrasquipäcurga manam nipäcungay paycunachru ruracangachu. Nätan chrapäcungay wayichru u marcachru mana chrasquipäcushuptiquiga. Jinaman yachrachipäcungaytas mana mayapäcushuptiquiga aywacurcanquim. ‘Cananga nämi willarärig imanuysi cawacurcay, manam mastaga cayman jarupäcamushagchu’ nirmi. Mayapäcamay shumag: Chaynuy mana chrasquicurcanganpita Dios juchacunata taripänan junagga Sodoma jinaman Gomorra marcachru yachragcuna cunchupäcunganpitaga mas juyupa cunchuchisham capäcunga chaycunaga”.

“Nätan gamcunata cachrayä atogcunapa chraupinman uyshacunata jitayognuymi. Chauragar capäcuy fisyusapa culebranuysi, nätan palömanuysi mana lutan ruragcama. Chaura chay atognuysi runacunapita cuidacurcanquim. Chaycunaga marcachru mandagcunamanmi aywachipäcushunqui, jinaman Israel castacuna gotucarcänan wayincunachrümi astipäcushunqui. Nogapa janäga aywachipäcushunquim marcaychru mandagniquicunapa, jinaman nacionchru mandagniquicunapa naupanman juchachapäcushunaypag. Chaychrümi paycunata jinaman juc casta runacunata nogapita willapacurcanqui. Nätan marcachru mandagcunaman chrächipäcushuptiqui amam laquicurcanquichu ‘¿Imatarag nishag? ¿Imanuyparag rimashag?’ nirga. Rimanay üra Diosmi nishunqui imata rimanaypagsi. Chauraga Tayta Diosniquicunam Santu Espirituwan imata nipäcunaypagsi yanapapäcushunqui. Nätan manam quiquiquicunapa yarpaylaycunapitachu rimapäcunqui imatas.
Chaypitaga chay wauguecamam wanuyman jitayanacurcanga. Taytacagcunas churinta wanuyman jitayapäcungam. Chaynuytan churicunasi taytanta mamanta chregnirnin wanuchipäcunga. Nogapa janä lapan runacunapitam chregnipasha capäcunqui. Nätan pisi wanungancamas mana nogapita raquicagtaga Diosmi washanga ima-aygapitas. Juc marcachru wanuchiyta munapäcushuptiqui juc marcaman gueshpipäcuy. Mayapäcamay shumag: Noga jana pachapita shamusha runa cutimushag, lapan Israel runacuna yachranganpa nä gamcuna puriyta usharäriptilaymi.
Pi discïpulusi manam canchu yachrachigninpita mas alipag ricashaga ni pi rantisha runasi manatan canchu alipag ricashaga rantigninpita masga. Chauraga juc tayta yupaysi cayagta nogatasi Asyag nircayämarga masran gamcunataga nipäcushunquis, runäcuna carcayaptiquiga”.


“Chauraga amam manchacurcanquichu runacuna imatas rurapäcushunaypita. Manam pi pacaylapa ima rurangansi canchu mana musyacashaga. Manatan ima pacashasi canchu mana musyacashaga. Chaura mana pisi ricanganchru nipäcungagta pita maytas willapacurcanquim, nätan wishwishyayla willapapäcungagta willapacurcay wayi jananpita gayachracugnuy. Chaura ama manchapäcuychu wanuchicug runacunalataga. Antis manchacurcayga imaycamas nina wayichru almaycuna cunchuchigcagta.
Ishcay pishgocunata ranticurcan uchuc golguelapagmi. Nätan juclay pishgolas wanuyanga Tayta Diosniquicuna munaptinran. Nätan gamcunapaga agchacunas aygacagsi cayan yupashalam. Chauraga ima-ayga captinsi ama manchacurcaychu. Achca pishgocunapitas masmi gamcunaga välircayanqui”.


“Nätan pi maysi runacunapa naupanchru nogapa runä cayar ‘Nogaga Jesuspam cä’ nigcunataga nogasi jana pachachru cayag Dios-mayïpa naupanchrümi ‘Payga cayan nogapa runämi’ nishag. Nätan pisi runacunapa naupanchru ‘Nogaga manam Jesuspachu cä’ nigcunataga Dios-mayïpa naupanchrümi ‘Manam nogapa runächu’ nishag paytas.
Nätan ama nogapag pinsiapäcuychu ‘Payga aywarayämun gasilata cawachimänanchipagmi’ nirga. Manam chaypagchu shamusha cä. Antis aywarayämü nogaga chregnipasha capäcunaypagmi.
Chaymi olgo churis taytanta chregnipanga,
warmi wawas mamanta chregnipanga,
lumchuysi suydranta chregnipanga.
Chauraga contrapartiquicuna canga wayiquichru cagcunapitam.
Pisi nogata cuyamänan truca taytanta mamanta mas cuyagga manam nogapa runäpag alichu. Manatan pisi nogata cuyamänan truca churincunata olgotas u warmitas mas cuyagsi nogapa runäpag välinchu. Jinaman nogapa janä wanuytas ima-ayga cunchuytas mana munagga u noga ningänuy mana cawagga, manam nogapa runäpag välinchu. Chaura pi maysi cunchuyta u wanuyta manchar ‘Manam Jesuspachu cä’ nimagga manam cawangachu nogawan. Nätan pi maysi wanunan u cunchunan captinsi mana mancharilar ‘Nogaga Jesuspam cä’ nigga cawanga nogawanmi imaycamas”.


“Nätan pi maysi gamcunata chrasquicurcäshugniquiga nogatam chrasquicayäman. Jinaman nogata chrasquicamagsi cachramagnï Diostam chrasquicuyan. Pisi Diospa willacugninta chrasquigga chay willacugninta chrasquinganpita Dios ricanga alinninpagmi chay willacugnintanuysi. Nätan pisi ali rurag runata chrasquigga chay ali ruragta chrasquinganpita Dios ricanga alinninpagmi chay ali rurag runatanuysi. Chaura manacagpag ricasha cay discïpulücunata juc väsu gasag yaculatas pisi chacchayächigtaga chay discïpulüta chacchayächinganpita Diosga ricanga alinninpagmi razonpa”.

Feti si Mateo 10