Parecis - 1995 Edition (NT)

<div class="version vid651 iso6393pab" data-vid="651" data-iso6393="pab">
    <div class="book bkMAT">
        <div class="chapter ch6" data-usfm="MAT.6">
            <div class="label">6</div><div class="s"><span class="heading">Maoloxaharenai Kahinaetyaka Tahi</span></div><div class="p"><span class="content">  </span><span class="verse v1" data-usfm="MAT.6.1"><span class="label">1</span><span class="content">&#8212; Hirihar&#237;ra! Hoka awa atyo hawenanaho waiyexe xema hisaonitere hiyeta, hatyoharenai hisoma halitinai haotita, waiyaha hiso maheta taita. Nikareya hisaona hoka maisaiya xoare hare Hexe enokoa tyaonitere ijita homana. </span></span><span class="verse v2" data-usfm="MAT.6.2"><span class="label">2</span><span class="content">Hoka maika xoalini hare hisehena maxiyeharehare ana hoka awa atyo hatyoharenai hiyakaikoatya, teraharetyoarenae akereta. Nikare atyo tyaonahitaha, halitinai ihalahareha ekakoaha maheta taita. Hoka exehar&#237;ra xotyaxematya: koxaka atyo kaxekaka enomanaha xoalinihare. </span></span><span class="verse v3" data-usfm="MAT.6.3"><span class="label">3</span><span class="content">Maika hakahinaehena hatya maxiyeharehare, himeteneta nikare hisoma hoka maisa hihinaehare hekoti hikahinaera waiyita. </span></span><span class="verse v4" data-usfm="MAT.6.4"><span class="label">4</span><span class="content">Hoka hatyoharenai atyoite metereta tyaohena. Hoka Hexe atyoite waiya hatyoharenai himeteneta hisomehenerehare hoka isaite homana xoalini hare waiyexe hatyo nahalakoa &#8212; nexa Jesus.</span></span></div><div class="s"><span class="heading">Jesus Aotyakisa Iraexatyati Kakoa</span></div><div class="r"><span class="heading">(Lucas 11.2-4)</span></div><div class="p"><span class="verse v4" data-usfm="MAT.6.4"><span class="content">  </span></span><span class="verse v5" data-usfm="MAT.6.5"><span class="label">5</span><span class="content">&#8212; Maika xiraexahena hoka awa atyo teraharetyoarenae iraexaitere akereta xisaona. Hatyonai atyo tityoaha xahohisakoatyakalati hanako exahe ahotiaho hare hoka iraexatyahitaha, kasani halitinai waiyahene aokahitaha hoka. Hoka exehar&#237;ra xotyaxematya: koxaka atyo kaxekaka enomanaha xoalinihare. </span></span><span class="verse v6" data-usfm="MAT.6.6"><span class="label">6</span><span class="content">Hiyeta xiraexatya xaokowihena hoka xiyane xihanako hoka xajihotyoa hoka xiwawaharenai xiraexatya Xexe Enore hiye hoka maisa xikawaiyakita. Xexe Enore atyoite waiyehena xisomitere ximeteneta hoka isehena xomana xoalinihare waiyexe hatyo nahalakoa.</span></span></div><div class="p"><span class="verse v6" data-usfm="MAT.6.6"><span class="content">  </span></span><span class="verse v7" data-usfm="MAT.6.7"><span class="label">7</span><span class="content">&#8212; Xiraexahena hoka awa atyo Enore maniya mawenaneharenai akereta xiraexatya. Hatyonai atyo iraexahena hoka hatyaoseta iraexaheta xoahita, motya iraexatyaha kahareki hoka Enore semene aokahitaha. </span></span><span class="verse v8" data-usfm="MAT.6.8"><span class="label">8</span><span class="content">Awa atyo hatyonai akereta xiraexatya. Xexe Enore atyo koxaka otita xoalini hare xaokitere xiyaxane nahitita.</span></span></div><div class="p"><span class="verse v8" data-usfm="MAT.6.8"><span class="content">  </span></span><span class="verse v9" data-usfm="MAT.6.9"><span class="label">9</span><span class="content">&#8212; Hiyeta hoka exakere xiraexatya:</span></span></div><div class="q"><span class="verse v9" data-usfm="MAT.6.9"><span class="content">Wexe Enore, hiso atyo enokoa hisaonita. Kasani tyotyaha aiminisaha hiso waokita.</span></span></div><div class="q"><span class="verse v9" data-usfm="MAT.6.9"><span class="content">  </span></span><span class="verse v10" data-usfm="MAT.6.10"><span class="label">10</span><span class="content">Hisohena ali Xekohaseti hisaona maheta. Kasani ali waikohekoa haokitere akereta tyaona waokita, enokoa nali kaomakitere akereta.</span></span></div><div class="q"><span class="verse v10" data-usfm="MAT.6.10"><span class="content">  </span></span><span class="verse v11" data-usfm="MAT.6.11"><span class="label">11</span><span class="content">Kasani nakairati hisa womana tyotyaki ferakene waokita.</span></span></div><div class="q"><span class="verse v11" data-usfm="MAT.6.11"><span class="content">  </span></span><span class="verse v12" data-usfm="MAT.6.12"><span class="label">12</span><span class="content">Himaotyanehetehena iniyalahare wisomitereharenai, haiyaharenai iniyalahare mohenere wiso wimaotyanehititere akereta.</span></span></div><div class="q"><span class="verse v12" data-usfm="MAT.6.12"><span class="content">  </span></span><span class="verse v13" data-usfm="MAT.6.13"><span class="label">13</span><span class="content">Hoka awa atyo hahalakihena wiso hoka wikahasakaharetyakehena. Xakore hoka maika iniyalahare nonitata hiyehetehena wiso. Hiyaiya, homanere atyo waikohe. Iyateliti exahe kaihalaharetyaketa mene hikakoa waokita, xoaha taita.</span></span></div><div class="p"><span class="verse v13" data-usfm="MAT.6.13"><span class="content">  </span></span><span class="verse v14" data-usfm="MAT.6.14"><span class="label">14</span><span class="content">&#8212; Ximaotyanehetaiya haiyanai iniyalahare mohenere xiso hoka Xexe enokoa tyaonitere tehitiyaiya maotyaneheta iniyalahare xom&#225;ne. </span></span><span class="verse v15" data-usfm="MAT.6.15"><span class="label">15</span><span class="content">Hoka maisaiya atyo ximaotyanehitita haiyanai iniyalahare mohenere xiso hoka Xexe enokoa tyaonitere tehitiyaiya atyo maisa maotyaneta iniyalahare xom&#225;ne &#8212; nexa Jesus ihiyeha.</span></span></div><div class="s"><span class="heading">Jesus Aotyakisa Manakairiti Enore Hiyeta Tahi</span></div><div class="p"><span class="verse v15" data-usfm="MAT.6.15"><span class="content">  </span></span><span class="verse v16" data-usfm="MAT.6.16"><span class="label">16</span><span class="content">&#8212; Maika ximanakairehena Enore hiyeta hoka awa atyo xamaikohare tiho xisaohena, teraharetyoarenae akereta. Hatyonai atyo nikare tyaonahitaha, kasani haiyanai ana emanakaireneha waiyekehalaka aokahitaha hoka. Hoka xotyaxematyaira exeharenai: koxaka atyo xoalinihare kaxekaka enomanaha. </span></span><span class="verse v17" data-usfm="MAT.6.17"><span class="label">17</span><span class="content">Hoka maika himanakairehena Enore hiyeta hoka hatihatihotyoa hoka hatilikoa hoka </span></span><span class="verse v18" data-usfm="MAT.6.18"><span class="label">18</span><span class="content">maisa haiyanai otita himanakairene maheta. Hoka Xexe Enore mawaiyakahare takita atyoite waiya tyotya himeteneta hisomiterehare hoka isa homana xoalini hare waiyexe hatyo nahalakoa &#8212; nexa Jesus ihiyeha.</span></span></div><div class="s"><span class="heading">Jesus Aotyakisa Xiyehaliti Matyotenehare Tahi</span></div><div class="r"><span class="heading">(Lucas 12.33-34; 2 Tim&#243;teo 4.8; Hebreus 10.34-39; 2 Pedro 1.4-5)</span></div><div class="p"><span class="verse v18" data-usfm="MAT.6.18"><span class="content">  </span></span><span class="verse v19" data-usfm="MAT.6.19"><span class="label">19</span><span class="content">&#8212; Awa atyo xixiyeharenae kahare xamoka xaokowi ali waikohekoa. Hatyoharenai atyo kirakahare sesekita, exahe kaijikali tyaonita hoka mawenekoareta, exahe kaiwarexenai hoka isoaha hatyako hoka kaiwitene. </span></span><span class="verse v20" data-usfm="MAT.6.20"><span class="label">20</span><span class="content">Maika enokoa nali xixiyehare xamoka xaheta maniya. Hatyo nali atyoite maisa kirakahare aiyalaharetitene, exahe kaijikali tyaonita, exahe hoka maisaiya kaiwarexenai isoaha hoka kaiwitene. </span></span><span class="verse v21" data-usfm="MAT.6.21"><span class="label">21</span><span class="content">Aliye xamaniya xixiyehare xamokita hoka hatyo nali tehitiya atyoite xiyahekola tyaonita &#8212; nexa.</span></span></div><div class="s"><span class="heading">Xaokanatyakalati Tahi</span></div><div class="r"><span class="heading">(Lucas 11.33-36)</span></div><div class="p"><span class="verse v21" data-usfm="MAT.6.21"><span class="content">  </span></span><span class="verse v22" data-usfm="MAT.6.22"><span class="label">22</span><span class="content">&#8212; Xiyosenai atyo xaokanatyakalati akereta tyaonita xih&#225;re hiye. Xiyosenaiya waiyese hoka waiyeya xiyaiyakatya. </span></span><span class="verse v23" data-usfm="MAT.6.23"><span class="label">23</span><span class="content">Hoka xiyosenaiya atyo maisa waiyesexe hoka makaliroti koni atyo xisaonita. Nikareya xiyahekola iniyalahare maniya tyaonita hoka makaliroti koni atyo xisaonita. Hatyo makaliroti atyo kahenehare &#8212; nexa Jesus.</span></span></div><div class="s"><span class="heading">Hinama Xekohaseti Tahi</span></div><div class="r"><span class="heading">(Lucas 16.13; Lucas 12.22-31)</span></div><div class="p"><span class="verse v23" data-usfm="MAT.6.23"><span class="content">  </span></span><span class="verse v24" data-usfm="MAT.6.24"><span class="label">24</span><span class="content">&#8212; Hatitaiya wakahare hoka maisaiya aliyakere hinamahare kaxekohaseta. Nikareya hoka hatya awaiyetita, hatya maisa awaiyetyare xoahaiya. Tyakekota hatya, hatya maisa tyakekore xoahaiya. Nikare tehitiyaiya maisa aliyakere Enore maniya hahekoita, olo xiyehaliti harenai maniya hahekoita xoaha haxowakita &#8212; nexa Jesus.</span></span></div><div class="p"><span class="verse v24" data-usfm="MAT.6.24"><span class="content">  </span></span><span class="verse v25" data-usfm="MAT.6.25"><span class="label">25</span><span class="content">&#8212; Hiyeta hoka nomita xihiye: awa atyo xamaikoharehena nakairati, erati harenai xaokiterenai xawenane niyahare kakoa, exahe imiti xaokitereharenai xiyisoane niyahare kakoa hoka. Xoana wenati kore atyo maisa nakairati xahehare xini? Xoana xih&#225;re kore atyo maisa imiti xahehare xini? </span></span><span class="verse v26" data-usfm="MAT.6.26"><span class="label">26</span><span class="content">Xiyaiyehena kotehalasenai ainakoitereharenai. Maisa atyo fityareha hanakaira, maisa imexareha, maisa mokareha hanakairaha hahanakoha. Xakore hoka Wexe enokoa tyaonitere atyo ijita enakaira enomanaha. Hoka xoana maisa korala exe kotehalanai xahexehare xini xiso? nexa.</span></span></div><div class="p"><span class="verse v26" data-usfm="MAT.6.26"><span class="content">  </span></span><span class="verse v27" data-usfm="MAT.6.27"><span class="label">27</span><span class="content">&#8212; Awa atyo xamaikohare mene xawenane kakoa. Hityokahokoseya hoka hiwahahare hisaoheta haokowita hoka hamaikohareta hoka hiyamaikoharene atyo maisa xoarehare tyomare.</span></span></div><div class="p"><span class="verse v27" data-usfm="MAT.6.27"><span class="content">  </span></span><span class="verse v28" data-usfm="MAT.6.28"><span class="label">28</span><span class="content">&#8212; Xoana hoka xamaikohareta ximaimene kakoa? Xiyaiyehena, iyitinai waiyehare kekoarehitaha. Maisa hakareha exahe maisa tyomare haimaha. </span></span><span class="verse v29" data-usfm="MAT.6.29"><span class="label">29</span><span class="content">Xakore hoka nomita xihiye: Salom&#227;o xekohaseti tyaonitere xowakiya kalorexe xakore hoka maisa imiti exe iyitinai nawaiyehare akere ako isoare. </span></span><span class="verse v30" data-usfm="MAT.6.30"><span class="label">30</span><span class="content">Enore xaokalita atyo atyamokose ime harenae waiyehare tyaonita. Kalini waiyehare tyaonitaha hoka makani wainihenahitaha hoka kakeratyakahitaha irikatyaose. Hatyo hiyeta aliterexe ite kaimatya tehitiya xiso. Hoka xityakekone atyo kirane.</span></span></div><div class="p"><span class="verse v30" data-usfm="MAT.6.30"><span class="content">  </span></span><span class="verse v31" data-usfm="MAT.6.31"><span class="label">31</span><span class="content">&#8212; Hiyeta hoka awa atyo exakere xexa xamaikohare: &#8220;Aliyakotaite wikaokehena winakaira werane exahe wima hoka?&#8221; </span></span><span class="verse v32" data-usfm="MAT.6.32"><span class="label">32</span><span class="content">Hiyaiya, hahotyaliharenai atyo nikare taweta menahitaha tyotya hatyoharenai. Hoka Xexe enokoa tyaonitere atyo waiyoreta tyotya xaokitereharenai kakoa hoka hatyoharenai atyoite isa xomana. </span></span><span class="verse v33" data-usfm="MAT.6.33"><span class="label">33</span><span class="content">Hiyeta hoka Enore maniya hotohare xawenane xamoka, exahe Enore aokitere akereta xisaona hoka hatyo atyoite isehena xomana tyotya xoalini harenai. </span></span><span class="verse v34" data-usfm="MAT.6.34"><span class="label">34</span><span class="content">Hiyeta hoka awa atyo xamaikohare makaniye ferakene kakoa. Hiyaiya, hatyo kamaetaliye ferakene atyo maisa waiyekehalakere xomana. Maika xahekohena xisaonitere ferakene kakoa taita &#8212; nexa Jesus haxaotyakiraharenai hiye.</span></span></div>
        </div>
    </div>
</div>

— Hiriharíra! Hoka awa atyo hawenanaho waiyexe xema hisaonitere hiyeta, hatyoharenai hisoma halitinai haotita, waiyaha hiso maheta taita. Nikareya hisaona hoka maisaiya xoare hare Hexe enokoa tyaonitere ijita homana. Hoka maika xoalini hare hisehena maxiyeharehare ana hoka awa atyo hatyoharenai hiyakaikoatya, teraharetyoarenae akereta. Nikare atyo tyaonahitaha, halitinai ihalahareha ekakoaha maheta taita. Hoka exeharíra xotyaxematya: koxaka atyo kaxekaka enomanaha xoalinihare. Maika hakahinaehena hatya maxiyeharehare, himeteneta nikare hisoma hoka maisa hihinaehare hekoti hikahinaera waiyita. Hoka hatyoharenai atyoite metereta tyaohena. Hoka Hexe atyoite waiya hatyoharenai himeteneta hisomehenerehare hoka isaite homana xoalini hare waiyexe hatyo nahalakoa — nexa Jesus.


— Maika xiraexahena hoka awa atyo teraharetyoarenae iraexaitere akereta xisaona. Hatyonai atyo tityoaha xahohisakoatyakalati hanako exahe ahotiaho hare hoka iraexatyahitaha, kasani halitinai waiyahene aokahitaha hoka. Hoka exeharíra xotyaxematya: koxaka atyo kaxekaka enomanaha xoalinihare. Hiyeta xiraexatya xaokowihena hoka xiyane xihanako hoka xajihotyoa hoka xiwawaharenai xiraexatya Xexe Enore hiye hoka maisa xikawaiyakita. Xexe Enore atyoite waiyehena xisomitere ximeteneta hoka isehena xomana xoalinihare waiyexe hatyo nahalakoa.
— Xiraexahena hoka awa atyo Enore maniya mawenaneharenai akereta xiraexatya. Hatyonai atyo iraexahena hoka hatyaoseta iraexaheta xoahita, motya iraexatyaha kahareki hoka Enore semene aokahitaha. Awa atyo hatyonai akereta xiraexatya. Xexe Enore atyo koxaka otita xoalini hare xaokitere xiyaxane nahitita.
— Hiyeta hoka exakere xiraexatya:
Wexe Enore, hiso atyo enokoa hisaonita. Kasani tyotyaha aiminisaha hiso waokita.
Hisohena ali Xekohaseti hisaona maheta. Kasani ali waikohekoa haokitere akereta tyaona waokita, enokoa nali kaomakitere akereta.
Kasani nakairati hisa womana tyotyaki ferakene waokita.
Himaotyanehetehena iniyalahare wisomitereharenai, haiyaharenai iniyalahare mohenere wiso wimaotyanehititere akereta.
Hoka awa atyo hahalakihena wiso hoka wikahasakaharetyakehena. Xakore hoka maika iniyalahare nonitata hiyehetehena wiso. Hiyaiya, homanere atyo waikohe. Iyateliti exahe kaihalaharetyaketa mene hikakoa waokita, xoaha taita.
— Ximaotyanehetaiya haiyanai iniyalahare mohenere xiso hoka Xexe enokoa tyaonitere tehitiyaiya maotyaneheta iniyalahare xománe. Hoka maisaiya atyo ximaotyanehitita haiyanai iniyalahare mohenere xiso hoka Xexe enokoa tyaonitere tehitiyaiya atyo maisa maotyaneta iniyalahare xománe — nexa Jesus ihiyeha.

— Maika ximanakairehena Enore hiyeta hoka awa atyo xamaikohare tiho xisaohena, teraharetyoarenae akereta. Hatyonai atyo nikare tyaonahitaha, kasani haiyanai ana emanakaireneha waiyekehalaka aokahitaha hoka. Hoka xotyaxematyaira exeharenai: koxaka atyo xoalinihare kaxekaka enomanaha. Hoka maika himanakairehena Enore hiyeta hoka hatihatihotyoa hoka hatilikoa hoka maisa haiyanai otita himanakairene maheta. Hoka Xexe Enore mawaiyakahare takita atyoite waiya tyotya himeteneta hisomiterehare hoka isa homana xoalini hare waiyexe hatyo nahalakoa — nexa Jesus ihiyeha.


— Awa atyo xixiyeharenae kahare xamoka xaokowi ali waikohekoa. Hatyoharenai atyo kirakahare sesekita, exahe kaijikali tyaonita hoka mawenekoareta, exahe kaiwarexenai hoka isoaha hatyako hoka kaiwitene. Maika enokoa nali xixiyehare xamoka xaheta maniya. Hatyo nali atyoite maisa kirakahare aiyalaharetitene, exahe kaijikali tyaonita, exahe hoka maisaiya kaiwarexenai isoaha hoka kaiwitene. Aliye xamaniya xixiyehare xamokita hoka hatyo nali tehitiya atyoite xiyahekola tyaonita — nexa.


— Xiyosenai atyo xaokanatyakalati akereta tyaonita xiháre hiye. Xiyosenaiya waiyese hoka waiyeya xiyaiyakatya. Hoka xiyosenaiya atyo maisa waiyesexe hoka makaliroti koni atyo xisaonita. Nikareya xiyahekola iniyalahare maniya tyaonita hoka makaliroti koni atyo xisaonita. Hatyo makaliroti atyo kahenehare — nexa Jesus.


— Hatitaiya wakahare hoka maisaiya aliyakere hinamahare kaxekohaseta. Nikareya hoka hatya awaiyetita, hatya maisa awaiyetyare xoahaiya. Tyakekota hatya, hatya maisa tyakekore xoahaiya. Nikare tehitiyaiya maisa aliyakere Enore maniya hahekoita, olo xiyehaliti harenai maniya hahekoita xoaha haxowakita — nexa Jesus.
— Hiyeta hoka nomita xihiye: awa atyo xamaikoharehena nakairati, erati harenai xaokiterenai xawenane niyahare kakoa, exahe imiti xaokitereharenai xiyisoane niyahare kakoa hoka. Xoana wenati kore atyo maisa nakairati xahehare xini? Xoana xiháre kore atyo maisa imiti xahehare xini? Xiyaiyehena kotehalasenai ainakoitereharenai. Maisa atyo fityareha hanakaira, maisa imexareha, maisa mokareha hanakairaha hahanakoha. Xakore hoka Wexe enokoa tyaonitere atyo ijita enakaira enomanaha. Hoka xoana maisa korala exe kotehalanai xahexehare xini xiso? nexa.
— Awa atyo xamaikohare mene xawenane kakoa. Hityokahokoseya hoka hiwahahare hisaoheta haokowita hoka hamaikohareta hoka hiyamaikoharene atyo maisa xoarehare tyomare.
— Xoana hoka xamaikohareta ximaimene kakoa? Xiyaiyehena, iyitinai waiyehare kekoarehitaha. Maisa hakareha exahe maisa tyomare haimaha. Xakore hoka nomita xihiye: Salomão xekohaseti tyaonitere xowakiya kalorexe xakore hoka maisa imiti exe iyitinai nawaiyehare akere ako isoare. Enore xaokalita atyo atyamokose ime harenae waiyehare tyaonita. Kalini waiyehare tyaonitaha hoka makani wainihenahitaha hoka kakeratyakahitaha irikatyaose. Hatyo hiyeta aliterexe ite kaimatya tehitiya xiso. Hoka xityakekone atyo kirane.
— Hiyeta hoka awa atyo exakere xexa xamaikohare: “Aliyakotaite wikaokehena winakaira werane exahe wima hoka?” Hiyaiya, hahotyaliharenai atyo nikare taweta menahitaha tyotya hatyoharenai. Hoka Xexe enokoa tyaonitere atyo waiyoreta tyotya xaokitereharenai kakoa hoka hatyoharenai atyoite isa xomana. Hiyeta hoka Enore maniya hotohare xawenane xamoka, exahe Enore aokitere akereta xisaona hoka hatyo atyoite isehena xomana tyotya xoalini harenai. Hiyeta hoka awa atyo xamaikohare makaniye ferakene kakoa. Hiyaiya, hatyo kamaetaliye ferakene atyo maisa waiyekehalakere xomana. Maika xahekohena xisaonitere ferakene kakoa taita — nexa Jesus haxaotyakiraharenai hiye.

Feti si Mateus 6