<div class="version vid613 iso6393gub" data-vid="613" data-iso6393="gub">
 <div class="book bkGEN">
 <div class="chapter ch1" data-usfm="GEN.1">
 <div class="label">1</div><div class="s1">Tup&#224;n uzapo ma'e upaw rupi a'e</div><div class="p"> 1Izypy mehe Tup&#224;n uzapo ywak a'e, uzapo ywy a'e no. 2Nuzapo kwaw Tup&#224;n ywy ikatuahy ma'e romo a'e 'ar rehe a'e rihi. Naheta kwaw wikuwe ma'e a'e 'ar mehe ywy rehe a'e rihi. Xo yryhu ohoete ma'e zo heta. Ipytunahy haw upyk yryhu a'e. Tup&#224;n Hekwe wiko 'y 'aromo a'e.</div><div class="p"> 3Na'e uze'eg Tup&#224;n. &#8212; Tuwe heta tatainy, i'i. A'e 'ar mehe we tatainy uzypyrog weta p&#224;. 4Wexak Tup&#224;n tatainy ikatuahy haw. Umunyryk kar ipytunahy haw imono izuwi. 5Tup&#224;n omono her tatainy pe. &#8212; 'Ar, i'i izupe. Omono her pytunaw pe no. &#8212; Pyhaw, i'i izupe. Upaw pytun oho a'e. Iku'em kury. &#8212; 'Ar ipy, i'i izupe.</div><div class="p"> 6Na'e Tup&#224;n i'i uzeupe. &#8212; Amuza'ak putar 'y ihe nehe kury, mokoz pehegwer romo iapo p&#224; ihe nehe kury, i'i uzeupe. 7Uzeapo ma'e ize'eg rupi katete. Tup&#224;n uzapo 'y imuza'akaw a'e. Amo ipehegwer upyta iwy pe a'e. Amo ipehegwer inugwer upyta i'aromo a'e no. 8Na'e Tup&#224;n omono her a'e 'y imuza'akaw pe a'e. &#8212; Ywak, i'i izupe. Upaw pytun oho no. Iku'em kury. &#8212; Mokoz haw 'ar, i'i izupe.</div><div class="p"> 9Uze'eg wi Tup&#224;n a'e kury. &#8212; Tuwe 'y ywak iwy pe har uzemono'og pit&#224;i 'y romo uzeapo p&#224; a'e nehe. Nezewe mehe ywy uxinig ma'e uzekwa kar putar a'e nehe no, i'i. Uzeapo ma'e ize'eg rupi katete. 10Tup&#224;n omono her ywy uxinig ma'e pe kury. &#8212; Ywy, i'i izupe. Omono her 'y uzemono'ono'og ma'e kwer pe no. &#8212; Yryhu, i'i izupe. Tup&#224;n wexak wemiapo kwer ikatuahy haw paw rupi. 11Na'e Tup&#224;n uze'eg uzeupe. &#8212; Tuwe ywy umuezuz kar ma'e tetea'u nehe. Tuwe hezuz ma'e&#224;'yz hereko har paw rupi a'e w&#224; nehe. Tuwe hezuz i'a ma'e paw rupi a'e w&#224; nehe no, i'i. Uzeapo ma'e ize'eg rupi katete. 12Ywy umuezuz kar ma'e tetea'u a'e: ma'e&#224;'yz hereko har paw rupi katete, ma'e'a hereko har tetea'u no. Na'e Tup&#224;n wexak uzeapo ma'e kwer ikatu haw. 13Upaw pytun oho. Iku'em kury. &#8212; Na'iruz haw 'ar, i'i izupe.</div><div class="p"> 14Na'e Tup&#224;n uze'eg wi kury. &#8212; Tuwe heta tatainy ywak rehe a'e w&#224; nehe. Nezewe mehe 'ar uzawy putar ipytunaw nehe. Nezewe mehe teko ukwaw putar agwer ma'e ihemaw w&#224; nehe: 'ar, kwarahy, &#224;m&#224;kyhaw, huwix&#224;gaw, haku haw, mynykawhu, mai'u hawhu. 15A'e tatainy uhyape katu putar ywak rehe ywy hexak kar p&#224; a'e w&#224; nehe, i'i uzeupe. Uzeapo ma'e ize'eg rupi katete. 16Tup&#224;n uzapo mokoz tatainy uhua'u ma'e a'e w&#224;. Kwarahy uhua'u wera'u zahy wi a'e. Tup&#224;n umuigo kar kwarahy 'ar heruze'egar romo a'e. Tup&#224;n umuigo kar zahy pytun heruze'egar romo a'e no. Uzapo zahytata a'e w&#224; no. 17Tup&#224;n omono a'e tatainy ywak rehe ywy rehe wamuhyape katu kar p&#224; a'e w&#224;. 18Umuigo kar a'e tatainy 'ar izar romo w&#224;, ipytunaw izar romo w&#224; no. Nezewe umunyryk kar tatainy ipytunuhu wi a'e. Na'e Tup&#224;n wexak wemiapo kwer ikatuahy haw a'e.</div><div class="p"> 19Upaw pytun oho. Iku'em kury. &#8212; 4 haw 'ar, i'i izupe. 20Na'e uze'eg wi Tup&#224;n. &#8212; Tuwe 'y tynehem wikuwe ma'e 'y pe har pupe a'e nehe. Tuwe heta wir&#224;miri ywak rehe uwewe ma'e ywy rehe a'e w&#224; nehe no, i'i.</div><div class="p"> 21Nezewe Tup&#224;n uzapo wikuwe ma'e yryhu pe har uhua'u ma'e a'e w&#224;. Uzapo wikuwe ma'e hexakaw paw hereko har a'e w&#224;: 'y pupe wiko ma'e tetea'u w&#224;, wir&#224;miri w&#224; no. Tup&#224;n wexak wemiapo kwer wakatuahy haw. 22Na'e omono uze'egatu wikuwe ma'e yryhu pupe har wanehe a'e kury. Uze'eg nezewe wanupe. &#8212; Tuwe peneta tetea'u nehe. Pemynehem yryhu nehe, i'i wanupe. Uze'eg wir&#224;miri wanupe no. &#8212; Tuwe peneta tetea'u ywy rehe nehe, i'i wanupe.</div><div class="p"> 23Upaw pytun oho. Iku'em kury. &#8212; 5 haw 'ar, i'i izupe. 24Na'e Tup&#224;n uze'eg wi a'e kury. &#8212; Tuwe ywy umuigo kar wikuwe ma'e hexakaw paw hereko har a'e w&#224; nehe: ma'ea'yr t&#224;puznaw pe wiko ma'e w&#224;, miar ka'a pe har w&#224;, ma'e wie rehe wata ma'e w&#224;. Tuwe wana'yr nuzawy kwaw u a'e w&#224; nehe. Tuwe nuzawy kwaw uhy w&#224; nehe. Uzeapo ma'e ize'eg rupi katete. 25Tup&#224;n uzapo ma'ea'yr pit&#224;it&#224;igatu a'e w&#224;. Pit&#224;it&#224;igatu nuzawy kwaw u w&#224;. Nuzawy kwaw uhy w&#224;: ma'ea'yr t&#224;puznaw pe wiko ma'e w&#224;, miar ka'a pe har w&#224;, ma'e wie rehe wata ma'e w&#224;. Tup&#224;n wexak wemiapo kwer ikatu haw. 26Na'e uze'eg wi kury. &#8212; Xiapo putar teko zane w&#224; nehe kury. Wiko putar zanez&#224;we w&#224; nehe, i'i Tup&#224;n uzeupe. &#8212; Wanexakaw nuzawy kwaw zanerexakaw w&#224; nehe, i'i uzeupe. &#8212; Wiko putar wikuwe ma'e paw wazar romo a'e w&#224; nehe: ipira wazar romo w&#224;, wir&#224;miri wazar romo w&#224;, ma'ea'yr t&#224;puznaw pe wiko ma'e wazar romo w&#224;, miar ka'a pe har wazar romo w&#224;, ma'e wie rehe wata ma'e wazar romo w&#224;, i'i uzeupe.</div><div class="p"> 27Tup&#224;n uzapo teko wikuwe ma'e nezewe a'e w&#224;. Umuigo kar uzez&#224;we nugar romo w&#224;: Uzapo awa. Uzapo kuz&#224; no. 28Omono uze'egatu wanehe wanupe uze'eg p&#224;. &#8212; Tuwe heta tetea'u pena'yr w&#224; nehe. Tuwe pena'yr uh&#224;uh&#224;z ywy n&#224;n&#224;gatu w&#224; nehe. Tuwe wiko ywy izar romo w&#224; nehe. Tuwe wiko wikuwe ma'e paw wazar romo w&#224; nehe: ipira yryhu pupe har wazar romo w&#224;, wir&#224;miri ywy 'aromo uwewe ma'e wazar romo w&#224;, ma'e wie rehe wata ma'e wazar romo w&#224;. 29Amono putar ma'e hezuz ma'e ma'e&#224;'yz hereko har peme upaw rupi katete ihe nehe, penemi'u r&#224;m romo ihe nehe. Heta tetea'u putar ma'ywa 'yw peme nehe no. Amono putar i'a kwer peme penemi'u r&#224;m romo upaw rupi katete nehe no. 30Amono putar ka'api'i ma'ea'yr wanupe wanemi'u r&#224;m romo ihe nehe. Amono putar ka'a wanupe wanemi'u r&#224;m romo ihe nehe no: miar hehaite ma'e upaw rupi katete w&#224;, wir&#224;miri w&#224;, ma'e wie rehe wata ma'e upaw rupi w&#224;, i'i wanupe. Uzeapo ma'e ize'eg rupi katete. 31Tup&#224;n wexak wemiapo kwer ikatuahy haw upaw rupi a'e. Upaw ipytunaw. Iku'em kury. &#8212; 6 haw 'ar, i'i izupe.</div>
 </div>
 </div>
</div>

Izypy mehe Tupàn uzapo ywak a'e, uzapo ywy a'e no. Nuzapo kwaw Tupàn ywy ikatuahy ma'e romo a'e 'ar rehe a'e rihi. Naheta kwaw wikuwe ma'e a'e 'ar mehe ywy rehe a'e rihi. Xo yryhu ohoete ma'e zo heta. Ipytunahy haw upyk yryhu a'e. Tupàn Hekwe wiko 'y 'aromo a'e.
Na'e uze'eg Tupàn. — Tuwe heta tatainy, i'i. A'e 'ar mehe we tatainy uzypyrog weta pà. Wexak Tupàn tatainy ikatuahy haw. Umunyryk kar ipytunahy haw imono izuwi. Tupàn omono her tatainy pe. — 'Ar, i'i izupe. Omono her pytunaw pe no. — Pyhaw, i'i izupe. Upaw pytun oho a'e. Iku'em kury. — 'Ar ipy, i'i izupe.
Na'e Tupàn i'i uzeupe. — Amuza'ak putar 'y ihe nehe kury, mokoz pehegwer romo iapo pà ihe nehe kury, i'i uzeupe. Uzeapo ma'e ize'eg rupi katete. Tupàn uzapo 'y imuza'akaw a'e. Amo ipehegwer upyta iwy pe a'e. Amo ipehegwer inugwer upyta i'aromo a'e no. Na'e Tupàn omono her a'e 'y imuza'akaw pe a'e. — Ywak, i'i izupe. Upaw pytun oho no. Iku'em kury. — Mokoz haw 'ar, i'i izupe.
Uze'eg wi Tupàn a'e kury. — Tuwe 'y ywak iwy pe har uzemono'og pitài 'y romo uzeapo pà a'e nehe. Nezewe mehe ywy uxinig ma'e uzekwa kar putar a'e nehe no, i'i. Uzeapo ma'e ize'eg rupi katete. Tupàn omono her ywy uxinig ma'e pe kury. — Ywy, i'i izupe. Omono her 'y uzemono'ono'og ma'e kwer pe no. — Yryhu, i'i izupe. Tupàn wexak wemiapo kwer ikatuahy haw paw rupi. Na'e Tupàn uze'eg uzeupe. — Tuwe ywy umuezuz kar ma'e tetea'u nehe. Tuwe hezuz ma'eà'yz hereko har paw rupi a'e wà nehe. Tuwe hezuz i'a ma'e paw rupi a'e wà nehe no, i'i. Uzeapo ma'e ize'eg rupi katete. Ywy umuezuz kar ma'e tetea'u a'e: ma'eà'yz hereko har paw rupi katete, ma'e'a hereko har tetea'u no. Na'e Tupàn wexak uzeapo ma'e kwer ikatu haw. Upaw pytun oho. Iku'em kury. — Na'iruz haw 'ar, i'i izupe.
Na'e Tupàn uze'eg wi kury. — Tuwe heta tatainy ywak rehe a'e wà nehe. Nezewe mehe 'ar uzawy putar ipytunaw nehe. Nezewe mehe teko ukwaw putar agwer ma'e ihemaw wà nehe: 'ar, kwarahy, àmàkyhaw, huwixàgaw, haku haw, mynykawhu, mai'u hawhu. A'e tatainy uhyape katu putar ywak rehe ywy hexak kar pà a'e wà nehe, i'i uzeupe. Uzeapo ma'e ize'eg rupi katete. Tupàn uzapo mokoz tatainy uhua'u ma'e a'e wà. Kwarahy uhua'u wera'u zahy wi a'e. Tupàn umuigo kar kwarahy 'ar heruze'egar romo a'e. Tupàn umuigo kar zahy pytun heruze'egar romo a'e no. Uzapo zahytata a'e wà no. Tupàn omono a'e tatainy ywak rehe ywy rehe wamuhyape katu kar pà a'e wà. Umuigo kar a'e tatainy 'ar izar romo wà, ipytunaw izar romo wà no. Nezewe umunyryk kar tatainy ipytunuhu wi a'e. Na'e Tupàn wexak wemiapo kwer ikatuahy haw a'e.
Upaw pytun oho. Iku'em kury. — 4 haw 'ar, i'i izupe. Na'e uze'eg wi Tupàn. — Tuwe 'y tynehem wikuwe ma'e 'y pe har pupe a'e nehe. Tuwe heta wiràmiri ywak rehe uwewe ma'e ywy rehe a'e wà nehe no, i'i.
Nezewe Tupàn uzapo wikuwe ma'e yryhu pe har uhua'u ma'e a'e wà. Uzapo wikuwe ma'e hexakaw paw hereko har a'e wà: 'y pupe wiko ma'e tetea'u wà, wiràmiri wà no. Tupàn wexak wemiapo kwer wakatuahy haw. Na'e omono uze'egatu wikuwe ma'e yryhu pupe har wanehe a'e kury. Uze'eg nezewe wanupe. — Tuwe peneta tetea'u nehe. Pemynehem yryhu nehe, i'i wanupe. Uze'eg wiràmiri wanupe no. — Tuwe peneta tetea'u ywy rehe nehe, i'i wanupe.
Upaw pytun oho. Iku'em kury. — 5 haw 'ar, i'i izupe. Na'e Tupàn uze'eg wi a'e kury. — Tuwe ywy umuigo kar wikuwe ma'e hexakaw paw hereko har a'e wà nehe: ma'ea'yr tàpuznaw pe wiko ma'e wà, miar ka'a pe har wà, ma'e wie rehe wata ma'e wà. Tuwe wana'yr nuzawy kwaw u a'e wà nehe. Tuwe nuzawy kwaw uhy wà nehe. Uzeapo ma'e ize'eg rupi katete. Tupàn uzapo ma'ea'yr pitàitàigatu a'e wà. Pitàitàigatu nuzawy kwaw u wà. Nuzawy kwaw uhy wà: ma'ea'yr tàpuznaw pe wiko ma'e wà, miar ka'a pe har wà, ma'e wie rehe wata ma'e wà. Tupàn wexak wemiapo kwer ikatu haw. Na'e uze'eg wi kury. — Xiapo putar teko zane wà nehe kury. Wiko putar zanezàwe wà nehe, i'i Tupàn uzeupe. — Wanexakaw nuzawy kwaw zanerexakaw wà nehe, i'i uzeupe. — Wiko putar wikuwe ma'e paw wazar romo a'e wà nehe: ipira wazar romo wà, wiràmiri wazar romo wà, ma'ea'yr tàpuznaw pe wiko ma'e wazar romo wà, miar ka'a pe har wazar romo wà, ma'e wie rehe wata ma'e wazar romo wà, i'i uzeupe.
Tupàn uzapo teko wikuwe ma'e nezewe a'e wà. Umuigo kar uzezàwe nugar romo wà: Uzapo awa. Uzapo kuzà no. Omono uze'egatu wanehe wanupe uze'eg pà. — Tuwe heta tetea'u pena'yr wà nehe. Tuwe pena'yr uhàuhàz ywy nànàgatu wà nehe. Tuwe wiko ywy izar romo wà nehe. Tuwe wiko wikuwe ma'e paw wazar romo wà nehe: ipira yryhu pupe har wazar romo wà, wiràmiri ywy 'aromo uwewe ma'e wazar romo wà, ma'e wie rehe wata ma'e wazar romo wà. Amono putar ma'e hezuz ma'e ma'eà'yz hereko har peme upaw rupi katete ihe nehe, penemi'u ràm romo ihe nehe. Heta tetea'u putar ma'ywa 'yw peme nehe no. Amono putar i'a kwer peme penemi'u ràm romo upaw rupi katete nehe no. Amono putar ka'api'i ma'ea'yr wanupe wanemi'u ràm romo ihe nehe. Amono putar ka'a wanupe wanemi'u ràm romo ihe nehe no: miar hehaite ma'e upaw rupi katete wà, wiràmiri wà, ma'e wie rehe wata ma'e upaw rupi wà, i'i wanupe. Uzeapo ma'e ize'eg rupi katete. Tupàn wexak wemiapo kwer ikatuahy haw upaw rupi a'e. Upaw ipytunaw. Iku'em kury. — 6 haw 'ar, i'i izupe.

Feti si Gênesis 1